Konaakiri ñannde 9 mbooy 2026 – Ardiiɗo yaakitoraaɓe ɓen, tolnii ka jonnde mun mojobere SCHIBA, moftal koddiwaarunaaɓe. Ko ardii mojobere nden ko ardo mayre on Moodi Nijabejan Soro.
Yewtere nden ko e banŋeeji buy joofornde haldigal mawngal jammaangal (MoU) humindirngal cenɗe ɗen ɗiɗii non.
E banŋe yulirɗe (ɗate) yewtere nden ko e timmbugol ɗatal ngenndiyankewal ngal RN27 Leelumaa- Baafin (km53) e RN30 Dingiraaji-Sigiri (km 266).
E banŋe dillere nden, mojobere nden hollii eɓɓoore mun nden fii dillere e nder Kalum (PDU) e hinde lanndii feƴƴugol e tayre ɗimmere nden.
E banŋe giiyaa (eneljii) yewtere nden ko fii centrale solaire mo MW 200 e fewnugol yulirɗe ilan yiite HTB e HTA e ñinnugol ilan yiite e nder koɗooli 250 e nder leydi ndin.
Ardiiɗo yaakitoraaɓe ɓen jarnii mojobere koddiwaarunaaɓe ɓen fii seenayee maɓɓe on e nder teddungal e faandaare maɓɓe e tawdegol fii dillere Gine nden e nder ɗii duuɓi arooji ɗin. O tentini wonndema : « Koddiwaaru, ko fewjinorteeɓe hannde e nder hiranaange Afiriki ». O fensitanibe eɓɓoore Simanndu 2040 nden. O watti ɗon wonndema ngol laawol ɗon no udditanii kala faalaaɗo tawdeede e ɓantal Gine.
Ka lannoode, Ardiiɗo yaakitoraaɓe ɓen ɓanngini teddinngol jeyal Gine ngal e kala eɓɓoore timmbeteende. O holli ɓe wonnde waajooɓe makko ɓen no e sago saa’i kala mo tawi hiɓe hatonjini e maɓɓe ɗun non fii kala banŋal ngal ɓe hatonjini.
