Jour : 8 décembre 2025

ߟߊߓߋ߬ ߣߍߣߍߓߊ߫ ߕߋ߬ߟߋ߫ ߂߉/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߊ߲ߓߍ߲ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߐߦߌߘߊߓߊ߮، ߞߊ߬ ߓߊ߯ߙߊ߫ ߘߊߡߌߣߊ ߝߘߏ߬ߓߊ߬ ߢߊ߯ߢߊ߮ ߢߍߡߌ߬ߘߊ߬ ߞߊ߬ ߓߍ߲߬ ߛߌߟߊ߫ ߝߊ߬ߛߏ߬ߟߊ߬ߞߊ ߝߙߍߕߍ߫ ߅ ߡߊ߬ ߛߌߟߊ߫ ߟߐ߬ߞߎ߬ߘߊ߬ߦߊ ߓߊ߯ߙߊ߫ ߘߊߦߟߍ߬ ߛߌߟߊ߫ ߝߊ߲߬ߝߘߊ߬ߡߊ ߏ߬ ߡߍ߲ ߦߋ߫ ߞߎߘߍ߫ ߁߃߅ ߘߌ߫ ߣߴߊ߬ ߦߋ߫ ߡߊ߯ߡߎ߲߫ ߣߌ߫ ߟߊߓߋ߬ ߓߌ߬ߟߊ߬ ߟߴߌ ߢߐ߲߮ ߡߊ߬. ߢߊ߰ߢߊ߮ ߢߊ߬ߕߣߐ߬ߡߊ ߟߵߏ߬ ߘߌ߫، ߡߍ߲ ߞߎ߬ߕߋߟߋ߲ ߦߋ߫ ߢߡߊߦߟߍߡߊ߲߫ ߝߊ߬ߛߏ߬ߟߊ߬ߞߊ ߘߌ߫ ߞߊ߬ߝߏ ߞߎ߲߬ߕߌ߮ ߕߐ߯ ߘߐ߫،  ߏ߬ ߡߍ߲ ߦߋ߫ ߛߌߡߊ߲ߘߎ߯ ߂߀߄߀ ߞߎ߲߬ߕߋߟߋ߲߫ ߞߣߐ߫. ߣߴߊ߬ ߞߎ߲߬ߛߌ߲߯ߣߍ߲߫ ߢߡߊߦߟߍߡߊ߲߫ ߖߎ߬ߓߐ ߟߎ߬ ߟߊ߫߸ ߖߌ߬ߣߍ߫ ߕߌ߲߬ߞߎߘߎ߲ ߠߎ߬ ߓߟߏߘߏ߲ߢߐ߲߰ߓߟߏ ߣߴߊ߬ߟߎ߬ ߟߊ߫ ߥߙߎߞߌ ߘߐ߫، ߞߊ߬ ߞߍ߫ ߖߌ߬ߣߍ߬ ߜߊ߲߬ߞߎ߲߬ߣߍ߲ ߣߴߊ߬ ߜߛߊ߬ߦߊ߬ߟߊ ߘߌ߫. ߞߏߕߌ߯ ߝߟߐ ߟߊ߫ ߘߊߞߎ߲ ߘߐ߫ ߛߋ߬ߢߊ߫ ߛߌߦߊߡߊ߲߫ .

. ߞߏߕߌ߯ ߝߟߐ ߡߊߟߐ߬ ߘߊ߫ ߘߌ߲߬ߞߌߙߊ ߡߙߊ߬ߦߊ ߟߎ߬ ߟߋ߬ ߓߟߏ߫ ߞߣߍ ߞߊ߲߬.

ߊ߬ ߣߌ߫ ߘߍ߭ ߞߐߦߌߘߊߓߊ߮ ߟߎ߬ ߊ߬ ߣߌ߫ ߛߋ߲ߞߏߟߦߊ ߣߝߊ߬ߢߐ߲߮ ߠߎ߬، ߏ߬ ߟߎ߬ ߡߍ߲ ߠߎ߬ ߣߊ߬ߣߍ߲ ߓߊ߯ߙߊ ߣߌ߲߬ ߕߐ߬ߣߐ ߟߊߥߊ߬ߙߊ ߟߊߛߘߋߦߊ߫ ߟߊ߫ ߡߌ߬ߙߌ߲߬ߘߌ ߞߊ߲߬߸ ߊ߬ ߓߍ߯ ߞߊ߬ ߖߊ߬ߕߋ߬ߘߐ߬ߛߌ߮ ߛߏ߯ߙߏߣߍ߲߫ ߓߘߍ ߣߌ߲߬ ߕߊ߲߬ߘߏ߬ ߟߋ߬ ߞߵߊ߬ ߓߍ߲߬ ߕߊ߬ߓߊߟߌ ߣߌ߲߬ ߟߐ߬ ߦߙߐ ߡߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߞߣߍ ߓߟߏߘߏ߲ߢߐ߲߰ߓߟߏ ߘߐ߫.

ߟߊߓߋ߬ ߞߎ߲߬ߠߊ߬ߛߌ߰ߟߊ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߘߐ߬ߝߐ ߘߐߞߏ ߟߎ߬ ߟߊ߫ ߞߵߊ߬ ߓߍ߲߬ ߓߊ߯ߙߊ ߣߌ߲߬ ߘߊߡߌ߬ߣߊ ߡߊ߬ ߕߌ߲߬ߞߎߘߎ߲ ߘߐ߫. ߞߵߊ߬ ߦߌ߬ߘߊ߬ ߞߏ߫ ߘߌ߲߬ߞߌߙߊ ߛߌ߰ߓߊ߮ ߓߍ߯ ߓߘߴߊ߬ ߦߌ߬ߘߊ߬ ߞߊ߬ߞߘߐ߫ ߞߏ߫ ߛߌߟߊ߫ ߣߌ߲߬ ߢߊ߬ߕߣߐ߬ߓߊ ߟߋ߬ ߖߎ߬ߟߊ߬ߦߊ ߟߊߣߐ߰ߦߊ߬ߟߌ ߘߐ߫. ߊ߬ ߘߌ߫ ߓߐߒߣߘߐ ߟߊߣߐ߰ߦߊ߬ ߞߵߊ߬ ߘߍ߭ ߓߟߏߘߏ߲ߢߐ߲߰ߒߓߟߏ ߟߊߣߐ߰ߦߊ߫ ߡߙߊ߬ߘߊ߬ ߘߎ߯ߟߊ ߟߎ߬ ߣߌ߫ ߢߐ߲߯ ߕߍ߫ ߡߍ߲ ߠߎ߬ ߞߊ߬ ߛߎ߬ߘߎ߲߬ ߊ߬ߟߎ߬ ߟߊ߫. ߛߋ߲ߞߏߟߦߊ ߞߏߟߊߘߍߢߐ߲߮ ߠߎ߬ ߞߵߊ߬ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߦߌ߬ߘߊ߬ ߞߵߊ߬ ߓߍ߲߬ ߖߎ߬ߓߐ ߓߊ߯ߙߊ ߞߍߟߌ ߡߊ߬ ߞߊ߬ߞߎߘߊ ߘߌ߫ ߡߍ߲ ߘߌ߫ ߓߍ߲߬ ߡߊ߲߬ߕߏ߲߬ߕߍ߬ߟߞߊ߬ߦߊ ߟߌ߬ߤߟߊ ߡߊ߬. ߖߎ߬ߓߐ ߟߎ߬ ߞߏߕߌ߮ ߞߊ߬ ߡߌ߬ߙߌ߲߬ߘߌ ߟߊ߫ ߘߍ߲߬ߞߣߍ߬ߦߊ߬ ߓߟߏߢߐ߲߯ߠߛߊߦߌ ߡߊ߬ ߊ߬ ߣߌ߫ ߘߋ߲ߡߌߛߍ߲ ߠߎ߬ ߟߊ߫ ߕߘߍ߬ߒ߬ߘߐ߬ߟߌ ߡߊ߬ ߓߊ߯ߙߊ ߘߐ߫ ߊ߬ ߣߌ߫ ߓߊ߯ߙߊ ߜߋ߬ߟߎ߲߬ߠߌ߲ ߘߐ߫.

ߊ߬ ߕߎ߬ߡߊ߬ ߜߍߟߍ߲ ߘߏ߫ ߟߋ߬ ߞߍ߫ ߘߊ߫ ߞߏߕߌ߯ ߝߟߐ ߟߊ߫ ߞߎߡߊ ߕߊ߭ ߘߌ߫. ߏ߬ ߡߍ߲ ߦߋ߫ ߞߊ߬ߝߏ ߡߙߌߣߊ߲ ߠߎ߬ ߞߐߣߐ߲ߞߎ߲ߓߊߘߏ߲ ߠߊ߫. ߞߏ߫ ((ߛߌߟߊ߫ ߓߊ߯ ߕߊ߬ߡߌ߲߬ ߦߙߐ ߡߍ߲ ߓߟߏߞߏߟߏ߲ߧߊ ߘߌ߫ ߦߋ߲߬ ߡߟߊ߫، ߏ߬ ߦߋ߫ ߞߊ߲ߓߍ߲ ߞߊ߲ߕߌ߯ ߟߊ߫ ߟߊߢߌߣߌ߲߫ ߠߋ߬ ߘߌ߫. ߊ߲ ߧߋ߫ ߖߎ߬ߓߐ ߟߎ߬ ߢߊߞߎߘߦߊ߫ ߟߊ߫، ߞߊ߬ ߓߐߒߘߊ߫ ߞߋߟߋ߲߫ ߘߊߦߟߍ߬ ߖߌ߬ߣߍ߬ ߘߎ߰ߞߎߘߎ߲ ߓߍ߯ ߢߍ߫))

ߞߊ߬ ߓߍ߲߬ ߍߙ ߍߣ ߅ ߛߌߟߊ߫ ߘߊߡߌ߬ߣߊ ߡߊ߬ ߞߎ߲߬ߠߊ߬ߛߌ߮ ߦߋ߫ ߣߕߊ߬ߘߐ߬ߛߌ߮ ߘߐߞߣߍߣߍ߲ ߠߎ߬ ߞߍ߫ ߟߊ߫: ߞߊ߬ ߕߌ߲ߞߎߘߎ߲ ߠߎ߬ ߘߐ߬ߞߢߊ߬ߟߌ߬ߓߊ߬ߟߌ߬ߦߊ ߡߊߘߐ߯ߦߊ߫߸ ߞߊ߬ ߘߎ߰ߞߎߘߎ߲ ߠߎ߬ ߓߟߏߘߏ߲ߢߐ߲߰ߓߟߏ߫ ߞߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߠߊ߫ ߥߙߎߞߌ ߘߎ߲ߡߕߊ ߞߐߡߊߓߌ߲ߓߌ߲߫. ߡߊ߯ߡߎ߲߫ ߣߌ߫ ߟߊߓߋ߬ ߕߍ߫ ߛߌߟߊ߫ ߦߋ߫ ߕߐ߰ߡߊ߬ߛߙߋ ߦߌ߬ߘߊ߬ߕߊ ߟߋ߬ ߘߌ߫ ߞߏ߫ ߛߌߡߊ߲ߘߎ߯ ߂߀߄߀ ߦߋ ߢߍߕߊ߯ ߞߊ߲߬ ߖߌ߬ߣߍ߬ ߞߣߐ߫. ߞߊ߬ߞߎ߬ߘߊ߫ ߡߊ߲߬ߕߏ߲، ߡߍ߲ ߜߊ߲߬ߞߎ߲߬ߣߍ߲ ߞߵߊ߬ ߢߊߕߋߟߋ߲߫ ߛߌߣߌ߲ߢߍߛߌ߮ ߟߊ߫.

ߞߐߣߊߞߙߌ߫ ߣߍߣߍߓߊ߫ ߂߅/ ߂߀߂߅

ߟߊ߬ߟߐ߲߬ߠߌ߲ߦߊ߬ߟߌ ߣߌ߫ ߓߌ߬ߟߊ߬ߢߐ߲߰ߡߊ ߞߏߕߌ߯ߘߊ ߓߘߊ߫ ߢߍߕߊ߮ ߓߐߢߟߊߣߍ߲ ߘߏ߫ ߦߌ߬ߘߊ߬ ߞߵߊ߬ ߓߍ߲߬ ߟߊ߬ߝߏ߬ߟߌ߫ ߝߊ߬ߛߏ߬ߟߊ߬ߞߊ ߡߊ߬߸ ߞߎߡߊߓߏ߲ ߣߌ߫ ߖߌ߬ߦߊ߬ߞߊ߲ ߝߊ߬ߛߏ߬ߟߊ߬ߞߊ ߓߟߏ߫، ߞߵߏ߬ ߟߊ߫ ߞߎߡߊߓߏ߲ ߠߎ߬ ߛߋ߲߬ߞߘߐ߬ߓߌ߲ߓߌ߲ ߞߊ߲߬. ߞߏߕߌ߯ߘߊ ߓߘߊ߫ ߓߊ߯ߙߊ߫ ߓߌ߬ߟߊ߬ߢߐ߲߰ߡߊ ߞߟߍ߬ߦߊ ߝߣߊ߫ ߞߊ߲߬߸ ߟߊ߬ߟߐ߲߬ߠߌ߲߬ߦߊ߬ߟߌ ߣߌ߫ ߓߌ߬ߟߊ߬ߢߐ߲߰ߡߊ ߓߘߍ߬ߓߘߍ߬ߟߌ߬ ߝߊ߬ߛߏ߬ߟߊ߬ߞߊ ߦߋ߫ ߢߡߊߦߟߍߡߊ߲߫ ߛߏ߯ߙߏߦߊߣߍ߲ ߠߋ߬ ߞߊ߲߬. ߞߊ߬ ߡߊ߬ߘߎ߮ ߢߊߞߎߘߦߊ߫ ߞߎߡߊߓߏ߲ ߠߎ߬ ߟߐ߬ߘߎ߮ ߓߊ߲ߓߊ߲߫ ߠߊ߫ ߝߘߏ߬ߓߊ ߗߋߢߊ ߟߎ߬ ߘߐ߫.ߞߘߎ߬ߜߍߟߍ߲߫ ߠߊߥߟߌ߬ߓߊߟߌ ߟߎ߬ ߘߐ߫߸ ߞߊߕߙߍ߬ߕߍ߫ ߡߍ߲ ߟߐ߬ߣߍ߲ ߝߛߎߞߎߦߊߟߌ ߡߊ߬ ߞߘߊߓߊߟߌ ߘߐ߫. ߞߵߊ߬ ߓߍ߲߬ ߡߊ߬ߘߏ߬ߠߌ߲߬ߠߌ߲ ߡߊ߬ߞߏ ߟߎ߬ ߡߊ߬ ߟߊ߬ߝߏ߬ߟߌ ߘߐ߫. ߞߊ߬ ߓߍ߲߬ ߞߣߍ ߣߌ߫ ߘߐ߬ߕߟߊ߬ߟߌ ߣߌ߫ ߕߐ߯ߛߙߍߘߍ߫ ߘߊ߲߬ߓߐ߬ߟߌ߬ ߕߎ߬ߡߟߊ߬ߞߊ ߡߊ߬. ߡߍ߲ ߟߐ߬ߕߐ߫ ߟߊ߬ߥߟߏ߬ߟߌ ߣߌ߫ ߢߍߥߟߊ߫ ߛߌ߲߬ߝߏ߲߬ߧߊ߬ߟߌ ߡߊ߬. ߞߏߕߌ߯ߘߊ ߞߊ߬ ߜߟߍ߬ߦߊ ߟߎ߬ ߟߊߥߟߌ߬ ߊ߬ ߢߍ߫ ߞߊ߬ ߞߐ߲߬ ߛߊ߲߭ ߠߊߓߊ߲ ߢߍ߫. ߊ߬ ߣߌ߫ ߞߊ߬ ߞߎ߲߬ߠߊ߬ߛߌ߰ߦߊ߬ߟߌ߫ ߓߊ߲ߓߊ߲߫ ߗߋߢߊ ߟߎ߬ ߛߋߞߏߦߊ߫ ߟߞߊߟߌߦߊ߫ ߟߊ߬ߟߐ߲߬ߠߌ߲߬ߦߊ߬ߟߌ ߓߘߍ ߛߐ߬ߘߐ߲ ߘߐ߫ ߓߍ߯ ߓߟߏ߫.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߁߂/ ߂߀߂߅

ߞߏߕߌ߯ ߝߟߐ ߞߊ߬ ߞߟߊ߬ߣߐ߰ߦߊ߬ߟߌ ߢߊ߰ߢߊ߰ ߘߏ߫ ߢߍߡߌ߬ߘߊ߬ ߡߍ߲߬ ߟߐ߬ߕߐ߫ ߓߊߛߌߦߊ ߕߊ߲ߓߊ߲ ߝߊ߲߬ߝߌ߬ߟߊ߬ߡߊ ߟߐ߬ߟߌ ߟߊ߫ ߝߘߊ߬ߝߌ߲߬ ߕߊ ߣߌ߫ ߛߣߌߥߊ ߕߊ ߛߌߣߏߖߌߣߍߦߍ߲ ߞߙߍ߬ߝߍ߬. ߕߊ߲ߓߊ߲ ߣߌ߲߬ ߦߋ߫ ߛߋ߲߬ߕߊ߰ߓߊ ߟߋ߬ ߘߌ߫ ߘߊ߲ߘߊߟߌ ߞߊ߲ߞߋߦߊ ߞߊߓߋ ߡߊߦߍ߬ߟߍ ߘߐ߫ ߖߌ߬ߣߍ߬ ߞߣߐ߫. ߊ߬ ߣߌ߫ ߞߊ߬ ߓߊߛߌߦߊ ߛߋ߲ߞߏߟߦߊ ߛߊ߲ߘߐߕߊ ߟߎ߬ ߟߊߘߏ߲߬ ߊ߬ ߘߐ߫߸ ߞߊ߬ ߢߍߓߍ߲ߠߌ߲ ߞߊߓߋ ߡߊߦߟߍ߬߸ ߞߊ߬ ߘߊ߲ߘߊߟߌ ߞߍ߫، ߞߊ߬ ߘߊ߲ߘߊߟߌ ߞߍߗߏ߯ ߓߘߍ ߟߊߛߐ߬ߘߐ߲߬. ߞߎߡߊ ߘߌ߫ ߞߏߕߌ߯ ߝߟߐ ߡߵߊ߬ ߞߵߊ߬ ߦߌ߬ߘߊ߬ ߞߏ߫ ߛߌߛߍ߲߬ ߜߍߘߐߞߏ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߞߍ߲ߘߍߦߊ ߓߘߊ߫ ߞߍ߫ ߞߘߎ߬ߜߍߟߍ߲ ߘߌ߫ ߖߊ߯ߓߊ ߡߊ߬ߝߊ ߟߊߛߓߊ߬ߕߌ ߘߐ߫. ߘߎ߰ߞߟߏ ߡߊ߬ߡߙߊ߬ߟߌ ߝߊ߲߬ߓߊ߬ߦߊ ߡߊ߬߸ ((ߊ߲ ߠߊ߫ ߕߌ߲߬ߞߎߘߎ߲ ߞߵߊ߬ ߕߊ ߛߐ߬ߘߐ߲߬ ߠߋ߬ ߌߓߏߟߊ ߖߋ߬ߟߌ߬ߓߐ߬ߞߏ ߘߐ߫. ߡߍ߲ ߞߊ߬ ߡߐ߱ ߟߎ߬ ߓߣߐ߬ ߊ߬ߟߎ߬ ߣߌ߫ ߘߐ߫ ߞߊ߬ ߘߌ߲߯ ߊ߲ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߝߊ߬ߛߏ߬ߟߊ߬ߞߊ ߟߊ߫ ߞߊߕߌ߫߸ ߦߏ߫ ߊߟߎ߫ ߞߵߊ߬ ߟߐ߲߫ ߢߊߡߍ߲ ߏߓߏߟߊ߫ ߞߊ߬ ߘߎߢߊ߫ ߞߘߊߓߊ߫ ߊ߬ ߟߐ߬ ߟߊ߫ ߞߊߙߏ߫ ߦߙߌߞߊ߫ ߘߌߦߊߜߏߦߊ ߟߊ߫)) ߌ ߖߊ߲߬ߕߴߏ߬ ߘߐ߫

ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߝߘߊ߬ߝߌ߲߬ߠߊ߫ ߣߌ߫ ߛߌߣ ߕߊ߲ߓߊ߲ߘߊ ߟߐ߭ ߞߐߣߊߞߙߌ߫، ߏ߬ ߘߌߣߊ߬ ߘߍ߬ߡߍ߲߬ ߞߍ߫ ߖߡߊ߬ߣߊ ߝߌ߬ߟߊ ߕߍ߫ ߣߝߊ߬ߢߐ߲߰ߦߊ ߓߟߏߘߏ߲ߢߐ߲߰ߓߟߏ ߟߊߛߓߊ߬ߕߌ ߘߐ߫: ((ߞߍ߲ߘߍߦߊߞߏ ߡߊ߬ߝߊ߲ ߛߊߓߎ߫ ߟߊ߫، ߊߟߎ߫ ߦߋ߫ ߟߊ߫ ߊߟߎ߫ ߟߊ߫ ߡߊ߬ߘߎ߮ ߛߎߥߊ߲ߘߌߣߍ߲ ߣߝߊ߬ߡߊ߬ߦߊ ߟߊ߫، ߣߌ߲߬ ߦߴߊߟߎ߫ ߟߊ߫ ߥߞߊ߬ߟߌ ߟߋ߬ ߦߌ߬ߘߊ߬ ߟߊ߫ ߝߘߊ߬ߝߌ߲߬ߠߊ߫ ߣߌ߫ ߛߌߣ ߕߍ߫ ߣߝߊ߬ߢߐ߲߰ߦߊ ߘߐ߫)) ߏ߬ ߦߋ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߲ ߠߋ߬ ߘߌ߫.

ߢߊ߰ߢߊ߰ ߢߍߡߌߘߊ߫ (ߍߝ ߎ߳ ߖ߭ߋ ߊ ߍߛ) ߞߐߣߊߞߙߌ߫ ߣߍߣߍߓߊ߫ ߂߇/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߢߊ߰ߢߊ߮ ߢߍߡߌߘߊ ߞߵߊ߬ ߓߍ߲߬ ߞߊ߬ߝߏ ߥߛߊ߬ߘߊ߬ߕߌ߮ ߟߎ߬ ߡߊߡߊ߬ߙߊ ߘߐ߬ߛߙߋ ߞߎ߲߬ߞߋߟߋ߲߫ ߝߘߏ߬ߓߊ߬ ߘߊߡߌ߬ߣߊ߬ߟߌ ߡߊ߬߸ ߏ߬ ߡߍ߲ ߞߍߣߍ߲ ߓߙߊߡߊߖߊ߲ߓߊ߲߫ ߝߊ߬ߛߏ߬ߟߊ߬ߞߊ ߘߊߡߌߣߊ ߘߌ߫، ߏ߬ ߟߋ߬ ߥߛߊ߬ߘߊ߬ߕߌ߮ ߟߎ߬ ߘߐߖߍ߲ߛߍ߲ ߞߣߍ ߘߌ߫. ߏ߬ ߡߍ߲ ߢߍߡߌߘߊߣߍ߲߫ ߓߊ߯ߙߊ߫ ߣߌ߫ ߝߘߏ߬ߓߊ߬ ߗߋߢߊ ߞߏߕߌ߯ ߓߟߏ߫߸ ߓߟߏߘߐߓߍ߲ ߣߌ߲߬ ߠߊߢߌ߬ߣߌ߲ ߠߋ߬ ߞߊ߬ߝߏ ߥߛߊ߬ߘߊ߬ߕߌ߰ߦߊ ߛߌ߰ߞߊ߲ ߞߋߟߋ߲߫ ߛߐ߬ߘߐ߲ ߘߌ߫ ߞߋ߬ߟߋ߲߬ߧߊ ߣߌ߫ ߟߊ߬ߝߙߍ߬ ߘߐߞߣߍߣߍ߲ ߞߣߐ߫. ߘߐ߬ߛߙߋ ߞߎ߲߬ߞߋߟߋ߲߫ ߕߊ߲ߓߊ߲ߓߐߣߍ߲߫ ߘߏ߫ ߛߊߓߎ߫ ߟߊ߫߸ ߞߵߊ߬ ߓߍ߯ ߓߎ߲ߓߎ߲߫ ߖߊ߬ߕߋ ߢߣߊߓߐ ߟߊ߬ߞߊ߲߬ߘߊ߬ߟߌ ߡߊ߬. ߓߊ߯ߙߊ ߣߌ߫ ߝߘߏ߬ߓߊ ߗߋߘߊ ߞߏߕߌ߯ ߞߵߊ߬ ߦߌ߬ߘߵߊ߬ ߟߊ߫ ߞߎߡߊ ߘߐ߫ ߞߏ߫ ߖߐ߰ߣߍ߲ ߏ߬ ߘߌ߫ ߖߌ߬ߣߍ߬ ߡߊ߬ߡߙߊ߬ߟߌ ߡߊߘߍ߬ߡߍ߲߬ ߜߟߍ߬ߦߊ߬ߓߊ ߓߟߋߓߟߋ ߘߐߛߊ߲߬ ߠߊ߫ .(( ߓߌ߬ ߖߊ߬ߕߋ߬ߘߋ߲ ߓߊ߬ߛߊ߲ ߕߴߛߋ߫ ߓߍ߲߬ ߠߊ߫ ߡߎ߬ߕߎ߲߬߸ ߟߊ߬ߞߎ߲߬ߘߎ߬ߟߌ ߓߍ߯ ߜߋ߬ߟߎ߲߬ߣߍ߲ ߠߋ߬، ߞߙߎߞߙߍߦߊ ߓߘߊ߫ ߡߊߣߐ߬، ߛߊ߬ߙߊ ߢߐ߬ߢߐ߬ ߝߣߊ߫ ߦߋ߫ ߕߋ߲߬߸ ߕߊ߬ߟߌ ߝߣߊ߫ ߦߋ߫ ߞߍ߫ ߟߊ߫ ߜߊ߬ߛߊ ߟߋ߬ ߛߊߓߎ߫ ߟߊ߫ ߡߎ߬ߕߎ߲߬߸ ߜߍߦߊ߫ ߓߟߏߡߊ߬ ߓߍ߯ ߢߣߊ߫߸ ߊ߲ ߢߍ߫ ߓߐ߫ ߟߊ߫ ߥߙߍߥߙߍ ߞߊ߬ߘߊ߲ ߟߋ߬ ߞߣߐ߫ ߡߎ߬ߕߎ߲߬ ߝߋߝߋ߫ ߞߊ߬ ߊ߲ ߥߞߊ߬ߟߌ߬ ߢߊߞߎߘߦߊߟߌ ߘߐߘߎ߲߬ߧߊ߬ߣߍ߲ ߠߊ߫ ߊ߲ ߠߊ߫ ߡߊ߬ߡߙߊ߬ߟߌ ߢߍ߫))

ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߴߊ߬ ߕߊ ߡߊ߬ߝߊ߲ ߘߐ߫ ߞߵߊ߬ ߓߍ߲߬ ߖߎ߬ߓߌߟߊ ߛߎߡߊ߲ߘߐ ߟߎ߬ ߡߊ߬ ߢߡߊߦߟߍߡߊ߲ ߘߐ߫ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߏߖߊ߫ ߝߊ߬ߛߏ߬ߟߊ߬ߞߊ ߓߍ߯ ߟߌߟߌ߲ ߦߋ߫ ߘߍ߭ ߝߣߍ߬ߝߣߍ߬ ߘߏ߫ ߟߋ߬ ߘߌ߫߸ ߞߵߊ߬ ߞߐ߲߬ ߊ߬ ߞߍ߫ ߢߍ߫ ߓߘߍ߬ߓߘߍ߬ߟߌ ߘߌ߫. ((ߝߏߦߌ߬ ߕߍߣߊ߬ ߦߟߍ߬ߡߊ߲߬ ߠߊ߫ ߣߌ߫ ߘߍ߬ߞߏ߬ߦߊ ߖߊ߬ߓߌ߬ߟߌ ߟߎ߬ ߡߊ߫ ߢߣߊߓߐ߫. ߊ߬ ߣߌ߫ (ߝߌߜ߭ߊߗ߭) ߊ߲ ߧߋ߫ ߖߎ߬ߞߎߘߎ߲ ߏ߬ ߟߋ߬ ߛߌ߰ ߟߊ߫ ߣߌ߲߬ ߛߍߣߍ߲߬ ߡߍ߲ ߘߌ߫ ߞߍ߫ ߛߊߓߎ߫ ߘߌ߫ ߖߌ߬ߣߍ߬ ߘߌ߫ ߓߐ߫ ߞߎ߲߬ߕߊ߮ ߣߌ߲߬ ߞߣߐ߫ ߘߎ߲ߡߊ߫ ߓߟߏߡߊ߬))

ߊ߲ ߓߍ߲߬ߣߍ߲߬ ߢߡߊߦߟߍߡߊ߲߫ ߘߐ߬ߞߣߍ߬ߟߌ ߛߏ߯ߙߏߦߢߊ ߕߊ߬ߝߋ߲ ߢߌ߲߬ ߡߊ߬ ((ߖߌ߬ߣߍ߬ ߦߋ߫ ߥߊ߫ ߢߍ߫ ߢߡߊߦߟߍߡߊ߲ ߘߐ߫ ߊ߲ ߠߊ߫ ߖߎ߬ߓߐ ߟߎ߬ ߟߊߢߊ߭ ߟߊ߫ ߘߋ߬ߙߌ߬ߒߣߊ ߘߐ߫߸ ߞߏ߬ߣߌ߲߬ ߥߎ߬ߦߊ߲߬ߞߌ߬ߟߌ ߕߎ߬ߢߊ ߡߊ߬ ߦߋ߫ ߡߊ߬ߡߙߊ߬ߟߌ ߟߋ߬ ߘߌ߫. ߞߊ߬ߝߏ ߝߊ߲߬ߞߊ ߘߏ߲߬ ߡߊ߬ߝߊ ߘߐ߫. ߞߊߡߊ߲߫ ߛߌ߲߬ߝߏ߲߬ߠߊ߬ߞߊ ߟߊߘߍ߬ߣߍ߲ ߏ߬ ߡߍ߲ ߦߋ߫ ߓߐ߰ߟߐ߬ߦߊ ߞߎ߲߬ߠߊ߬ߛߌ߰ߟߊ߬ߞߊ ߢߊߞߎߘߦߊߣߍ߲ ߘߌ߫ ߊ߬ ߣߌ߫ ߡߊ߬ߡߙߊ߬ߟߌ ߞߏߟߊߘߍߢߐ߲߯ߦߊ ߢߌߡߊ ߏ߬ ߟߋ߬ ߦߋ߫ ߖߌ߬ߣߍ߬ ߂߀߄߀ ߛߌߟߊ߫ ߘߌ߫.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߂߅/ ߂߀߂߅

ߣߊ߯ߡߎ߲ ߞߏ ߟߎ߬ ߝߘߏ߬ߓߊ߬ ߞߟߊ߬ߕߌ߰ߘߊ ߓߘߴߊ߬ ߟߊ߫ ߛߊ߲߭ ߞߍߣߍ߲ ߠߎ߬ ߦߌ߬ߘߊ߬ ߝߘߏ߬ߓߊ߬ ߓߟߏߡߊ߬߸ ߞߊ߬ ߞߘߎ߬ߜߍߟߍ߲߫ ߟߊߥߟߌ߬ߕߊ ߟߎ߬ ߦߌ߬ߘߊ߬ ߞߣߍ߫ ߞߊ߲߬. ߞߊ߬ ߣߊ߯ߡߎ߲ ߞߎ߲߬ߠߊ߬ߛߌ߰ߦߊ߬ߟߌ ߓߊ߲ߓߊ߲߫ ߊ߬ ߣߌ߫ ߣߊߡߎ߲ ߞߍߞߏ ߟߎ߬ ߡߊ߫ ߛߊ߲߬ߛߊ߲߬ ߝߊ߬ߛߏ߬ߟߊ߬ߞߊ ߡߐ߬ߟߐ߲ ߛߊ߲ߞߘߐߕߊ߭ ߘߐ߫. ߓߏߟߏ߲ߝߘߊ߫ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߣߐ߬ߡ߬ߢߌ߲߬ߧߊ ߟߊ߬ߞߎ߲߬ߘߎ߬ߣߍ߲ ߠߎ߬ ߟߊ߫߸ ߞߵߊ߬ ߓߍ߲߬ ߣߊ߯ߡߎ߲ ߖߎ߬ߓߐ ߟߎ߬ ߟߐ߭ ߣߴߊ߬ߟߎ߬ ߢߊߞߎߘߦߊ ߡߊ߬߸ ߖߙߎߡߎ߲ߦߟߍߡߊ߲ ߖߍ߬ߘߍ ߖߍ߬ߘߍ ߓߘߊ߫ ߞߍ߫ ߖߘߍ߬ߞߟߏ߬ߓߊ߮ ߟߎ߬ ߟߊ߫ ߤߖߌ ߟߊߕߊ߯ ߛߌ߲߬ߝߏ߲߬ߧߊ߬ߟߌ ߡߊ߬ߝߊ߲ ߘߐ߫. ߞߵߏ߬ ߟߊ߫ ߞߊ߬ߝߏ ߟߊ߫ ߕߘߍ߬ߒ߬ߘߐ߬ߟߌ ߞߊ߲߬ ߟߍߙߟߊߞߊ ߟߎ߬ ߟߊ߫ ߤߖߌ ߛߌ߲߬ߝߏ߲߬ߧߊ߬ߟߌ ߘߐ߫. ߊ߬ ߞߵߊ߬ߟߎ߬ ߟߊ߫ ߞߍߥߊߟߌ߫ ߟߎ߬ ߓߌ߬ߟߊ߬ ߢߍ߫ ߝߍ߬ ߝߟߐ߫ ߞߵߊ߬ ߓߍ߲߬ ߓߍ߲߭ ߠߊߛߓߊ߬ߕߌ ߡߊ߬. ߞߵߏ߬ ߓߍ߯ ߟߊ߫ ߛߏ߬ߓߌ߬ߟߊ߬ߞߎߣߎ߲ ߕߊ߯ߡߊ ߕߊ߯ߡߊ߫ ߘߊߓߐ ߞߊ߲߬߸ ߞߊߕߙߍ߬ߕߍ߫ ߣߊ߯ߡߎ߲ ߟߐ߲ߠߌ߲ߦߊ߫ ߓߊ߲ߓߊ߲߫ ߢߌߣߌ߲ߞߏ ߟߎ߬ ߟߊߛߓߊ߬ߕߌ ߡߊ߬ ߜߊ߬ߛߊ ߝߊ߬ߛߏ߬ߟߊ߬ߞߊ ߟߎ߬ ߘߐ߫. ߊ߬ ߣߌ߫ ߡߊ߲߬ߕߏ߲߬ߕߍ߬ ߟߊߞߐ߯ߟߌ߫ ߢߍߥߟߊ ߟߎ߬ ߘߐ߫.

ߞߐߣߊߞߙߌ߫ ߞߏߟߌ߲ߞߏߟߌ߲߫ ߕߟߋ߬ ߂/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߊ߬ߙߊ߲߬ߕߊ߫ ߛߘߍߞߎߘߎ߲߫ ߝߊ߬ߛߏ߬ߟߊ߬ߞߊ߫ ߝߟߐ ߟߊߛߣߍ߫، ߖߌ߬ߣߍ ߎ߳ ߁߅ ߘߐ߫. ߊ߬ߟߎ߬ ߞߐߛߊ߬ߦߌ ߞߊ߬ ߓߐ߫ ߜ߭ߊ߲ߓߌ߫ ߊ߬ߟߎ߬ ߟߊ߫ ߛߎߘߊ߲߫ ߡߊ߲߬ߞߕߎ߬ߟߌ ߞߐߝߍ߬، ߝߘߊ߬ߝߌ߲߬ߠߊ߫ ߞߊ߬ߙߊ߲߬ߕߊ߫ ߖߌߟߊߝߍ߫ ߘߐ߫. ߊ߬ ߞߊ߬ ߘߋ߲ߡߌߛߍ߲ ߠߎ߬ ߟߊߓߍ߲߬، ߊ߬ߟߎ߬ ߡߊߟߐ߬ ߘߊ߫ ߝߊ߬ߘߌ߬ߡߊ߬ߞߟߏ ߞߏߕߌ߮ ߣߴߊ߬ߟߎ߬ ߡߊ߫ ߛߊ߲߬ߛߊ߲߬ߓߊ߮ ߟߋ߬ ߓߟߏ߫. ߞߏߕߌ߯ ߝߟߐ ߞߊ߬ ߞߎߟߎ߲ߖߋߟߌ ߞߍ߫

((ߞߵߊ߬ ߓߍ߲߬ ߣߐ߬ߡߊ߬ߢߌ߲߬ߧߊ ߡߊ߬ ߡߍ߲ ߦߋ߫ ߡߊ߲߬ߕߏ߲ ߞߎ߲߬ߞߘߐ߬ߕߊ ߟߊ߫߸ ߏ߬ ߓߐ߰ߝߍ߬ߞߊ߲ߞߋ ߝߢߐ ߞߊ߬ ߊ߲ ߠߊ߫ ߘߋ߲ߡߌߛߍ߲ ߠߎ߬ ߝߟߌ߬)) ߞߏߕߌ߯ ߝߟߐ ߞߊ߬ ߗߍ߭ ߟߎ߬ ߣߌ߫ ߡߏ߬ߛߏ ߟߎ߬ ߟߊ߫ ߛߘߍߞߎߘߎ߲ ߝߏ߬ ߞߏߛߓߍ߫. ߖߊ߲߬ߓߌ߬ߟߊ߬ߟߌ ߘߐ߫ ߞߏ߫ ߖߌ߬ߣߍ߬ ߡߏ߬ߛߏ ߟߎ߬ ߞߊ߬ ߛߊߣߌ߲߫ ߞߎߢߊߘߐ ߛߐ߬ߘߐ߲߬ ߠߋ߬. ߊ߬ ߣߴߊ߬ ߗߍ߭ ߟߎ߬ ߝߣߊ߫ ߓߘߊ߫ ߛߐ߬ߘߐ߲߬. ߊ߬ ߓߊ߲߫ ߘߊ߫ ߝߣߊ߫ ߞߊ߬ ߞߊ߲ߓߍ߲ ߞߊ߲ߕߌ߯ ߞߎߟߎ߲ߖߋ߫ ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊ߫߸ ߞߵߊ߬ ߓߍ߲߬ ߞߊ߬ߙߊ߲߬ߕߊ߫ ߝߊ߬ߘߌ߬ߡߊ߬ߞߟߏ ߡߊ߬. ߊ߬ ߞߵߊ߬ ߕߌ߲ߕߌ߲߫ ߢߊ߬ߕߣߐ ߟߎ߬ ߞߊ߲߬ ߣߊ߲߬ߝߟߏ߬ߘߏ߲߬ߘߊ߬ߟߊ ߘߐ߫߸ ߡߊ߬ߛߊ߲߬ߛߊ߲߬ߠߌ߲߬ߠߊ ߟߎ߬ ߟߊߞߐ߮ ߊ߬ ߣߌ߫ ߝߊ߬ߘߌ߬ߡߊ߫ ߟߊ߬ߞߟߏ߬ߞߟߏ߬ߟߌ ߞߵߊ߬ ߟߊߥߟߌ߬ ߓߐ߰ߝߍ ߞߐߡߊߓߌ߲ߓߌ߲ ߡߊ߬. ߝߊ߬ߘߌ߬ߡߊ߬ߞߟߏ ߣߌ߫ ߦߟߌߟߊ߲ߘߌߦߊ ߥߙߎߞߌ ߞߊ߲ߡߊ߬ ߞߊ߬ߙߊ߲߬ߘߋ߲ ߠߎ߬ ߢߍ߫. ߞߏߕߌ߯ ߝߟߐ ߞߊ߬ ߘߊ߲߬ߕߍ߰ߓߐ߬ߟߊ߲ ߘߌ߫ ߕߏߟߏ߲ߠߊ߫ ߥߣߊ ߟߎ߬ ߡߊ߬ ߞߊ߬ ߞߐ߲߬ ߊ߬ߟߎ߬ ߓߍ߲߬ߢߐ߲߰ߦߊ ߢߍ߫. ߏ߬ ߟߎ߬ ߝߣߊ߫ ߞߊ߬ ߛߊߣߌ߲߫ ߞߎߢߊߘߐ ߟߊ߫ ߕߊ߬ߡߌ߲߬ ߡߏ߬ߛߏ ߟߊ߫ ߛߘߍߞߎߘߎ߲ ߕߊ߫ ߓߟߏ߫ ߟߊ߫. ߊ߬ ߞߊ߬ ߘߋ߲ߡߌߛߍ߲ ߞߎ߲ ߠߎ߬ ߝߏ߬، ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߛߌߟߊ߫ ߘߊߓߊ߲߫߸ ߞߵߊ߬ߟߎ߬ ߛߋߞߏ ߞߍ߫ ߞߊ߬ ߕߏ߫ ߡߊ߬ߝߊ ߘߐ߫߸ ߊ߬ ߣߌ߫ ߞߊ߬ ߛߊ߲ߝߍߟߊ߫ ߛߎߡߊ߲߫ ߕߎ߬ߡߊ ߓߍ߯.  ߣߐ߬ߡߊ߬ߢߌ߲߬ߦߊ߫ ߢߊߦߌߘߊߟߌ ߘߐ߫ ߊ߬ߟߎ߬ ߕߊ߫ ߡߊ߬ߝߊ߲ ߞߍ ߘߐ߫ ߝߊ߬ߘߌ߬ߡߊ߬ߞߟߏ ߡߊߦߋߙߋ߲ߠߌ߲ ߘߐ߫ ߊ߬ ߣߌ߫ ߖߌ߬ߣߍ߬ ߦߋߗߏ߮ ߟߊ߬ߓߘߍ߬ߦߊ߬ߟߌ ߘߐ߫.

ߞߐߣߊߞߙߌ߫ ߣߍߣߍߓߊ߫ ߂߅/ ߂߀߂

ߟߐ߲ߠߌ߲ߦߊ ߣߌ߫ ߞߍߞߎߛߊ߲ߧߊ ߞߏߕߌ߯ߘߊ ߞߵߊ߬ ߟߊ߫ ߞߍߣߍ߲ ߠߎ߬ ߦߌ߬ߘߊߞߊ߬. ߞߊ߬ ߓߍ߲߬ ߟߐ߲ߠߌ߲ߦߊ ߝߊ߬ߛߏ߬ߟߊ߬ߞߊ ߗߍߞߘߐ ߟߎ߬ ߡߐ߬ߟߐ߲߬ߡߊ߬ߦߊ ߡߊ߬. ߊ߬ ߣߌ߫ ߞߊ߬ ߥߙߎߞߌ ߛߋ߲߭ ߓߊ߲ߓߊ߲߫ ߞߍߞߎߛߊ߲ߧߊ ߡߊ߬ߘߎ߮ ߘߐ߫. ߖߙߎߡߎ߲ߦߟߍߡߊ߲߫ ߛߌߦߊߡߊ߲߫ ߠߋ߬ ߞߍ߫ ߘߊ߫ ߛߊ߲߭ ߢߌ߲߬ ߞߘߐ߫. ߞߊ߬ ߓߍ߲߬ ߘߐ߬ߕߊߡߌ߲ ߞߏߟߊߕߍ߯ߘߊ ߟߊ߫ ߟߊ߬ߘߌ߬ߢߍ߬ߣߍ߲ ߛߏ߯ߙߏߦߢߊ ߡߊ߬߸ ߞߵߏ߬ ߟߊ߫ ߞߎ߲߬ߦߌ߬ߘߊ߬ߟߌ߬ ߛߌߦߊߡߊ߲߫ ߞߊ߲߬߸ ߡߍ߲ ߠߎ߬ ߞߎ߲߬ߛߌ߲߬ߣߍ߲߫ ߘߐ߲߬ߞߟߌ߬ߟߊ ߟߊ߫ ߟߊߖߊ߲ߞߏ ߡߊ߬. ߞߵߊ߬ ߟߐ߬ ߘߌ߲߬ߞߌߙߊ ߟߊ߫ ߢߍߕߊ߮ ߡߊ߬ ߊ߬ ߣߌ߫ ߝߎߕߊ߫ ߞߐ߲߬ߞߍ߬ ߥߙߍ ߖߊ߲ߓߋߡߊ ߝߘߎ߬ߓߍ߲ ߠߎ߬ ߡߊ߬. ߏ߬ ߡߍ߲ ߓߘߊ߫ ߓߌ߬ߟߊ߬ ߎ߳ߣߍߛߑߞߏ ߗߍߞߘߐ ߟߎ߬ ߞߊ߲߬.ߞߵߏ߬ ߟߊ߫ ߞߐߣߊߞߙߌ߫ ߟߊߘߏ߲߭ ߞߊ߲߬ ߛߌ߲ߘߟߌ߫ ߛߏ ߞߙߏ߬ߝߏ߬ߓߊ ߞߊ߲߬߸ ߞߵߏ߬ ߡߊߛߐ߬ߘߐ߲߬ ߓߟߏߝߘߊ ߟߊ߫ ߞߍߥߊߟߌ ߟߎ߬ ߛߏ߯ߙߏߦߢߊ ߣߌ߫ ߛߋ߲ߞߏߟߦߊ ߝߍ߬. ((ߓߋ ߖ߭ߋ ߘߋ ߊ)) ߝߣߊ߫ ߓߘߊ߫ ߟߊ߬ߞߎ߲߬ߘߎ߲߬ߟߌ ߞߍ߫ ߓߟߏߡߊߢߌ߲߭ ߠߎ߬ ߟߊ߫، ߊ߬ ߣߌ߫ ߞߵߊ߬ߟߎ߬ ߡߊ߬ߞߊ߲߬ߞߊ߲߬ ߞߵߊ߬ߟߎ߬ ߛߋ߲߬ߞߘߐ߬ߡߊ߬ߓߌ߲ߓߌ߲߫ ߞߵߏ߬ ߟߊ߫ ߖߌ߬ߣߍ߬ ߓߊ߯ߙߊ ߟߎ߬ ߡߐ߬ߟߐ߲߬ߡߊ߬ߦߊ߫)) ߝߘߏ߬ߓߊ߬ ߞߟߊ߬ߕߌ߮ ߊߙߡߊߕߎߟߊߦ ߞߡߊ߬ߙߊ߫ ߞߵߌ ߕߌ߲ߕߌ߲߫ ߏ߬ ߞߊ߲߬ ߞߏߛߓߍ߫.

ߞߐߣߊߞߙߌ߫ ߣߍߣߍߓߊ߫ ߕߋ߬ߟߋ߫ ߂߇/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߖߌ߬ߦߊ߬ߟߌ ߘߏ߫ ߢߍߡߌ߬ߘߊ߬ ߞߵߊ߬ ߓߍ߲߬ ߡߐ߬ߟߐ߲߬ߕߊ߬ߓߊߟߌ (ߕߌߕߙ ߝߐ߲ߛߌߦߋ) ߟߕߊ߬ߡߌ߲߬ߒ߬ߡߊ߬ߟߌ ߢߊ߰ߢߊ߮ ߡߊ߬ ߡߐ߰ ߞߋߟߋ߲ߞߋߟߋ߲ߠߊ ߓߍ߯ ߡߊ߬. ߞߵߊ߬ ߓߍ߲߬ ߞߊߔߙߏ ߊߙߊߦ ߣߌ߫ ߞߌߔߋ߬ ߂߲ ߣߌ߫ ߘߌߡߍߛ ߜߍ߲ߠߌ߲ ߞߍߒߠߊߓߊ߯ߕߐ ߟߎ߬ ߡߊ߬߸ ߞߍߥߊߟߌ ߏ߬ ߞߎ߲߬ߕߋߟߋ߲ ߝߟߐ ߟߋ߬ ߝߓߊ߬ߘߋ߲߬ߧߊ ߟߛߊ߬ߦߌ߬ߒ߬ߡߊ߬ߟߌ ߘߌ߫. ߞߊ߬ ߟߊ߬ߞߊ߲߬ߘߊ߬ߟߌ ߞߍ߫ ߡߐ߬ߟߐ߲߬ߕߊ߬ߓߊߟߌ ߛߓߍ ߟߊ߫ ߞߐߙߍ ߞߍߒߠߊߓߊ߯ߕߐ ߟߎ߬ ߢߍ߫. ߊ߬ ߣߌ߫ ߞߊ߬ ߞߊ߬ߝߏ ߟߊ߫ ߟߊ߬ߤߘߌ ߕߊ߬ߣߍ߲ ߞߍ߫ ߓߟߏߡߌߣߊߞߟߊ ߘߌ߫. ߞߵߊ߬ ߟߐ߬ ߟߊ߬ߢߌߣߌ߲ ߠߎ߬ ߡߊ߬. ߞߊ߬ ߟߐ߬ ߂߀߂߂ ߛߌ߰ߞߊ߬ߝߐ ߞߣߐߘߐ ߟߎ߬ ߡߊ߬. ߞߣߊ߬ ߘߊ߲߬ ߞߍ ߡߊ߫ ߡߊ߬ߡߙߊ߬ߟߌ ߘߐ߬ߛߙߋ ߟߎ߬ ߘߐߙߐ߲߫ ߘߐ߫ ߝߏ߫ ߘߐ߬ߓߍ߲߬ ߕߐ߰ߡߊ߬ߛߙߋ߬ߡߊ ߟߋ߬ ߘߌ߫. ߞߍߟߌ ߜߍߞߟߐ ߟߊ߫، ߞߐߙߍ߫ ߟߎ߬ ߢߍ߫ ߡߍ߲ ߠߎ߬ ߞߊ߬ ߜߟߍ߬ߦߊ ߟߐ߲߫ ߤߊ߲߯ ߞߊ߬ ߛߋ߫ ߦߟߍ߬ߘߐ߬ߞߍ ߟߎ߬ ߡߊ߬. ߕߣߐ߬ߡߊ߬ߛߌ߰ߝߋ߲ ߓߘߊ߫ ߓߊߟߌ߫ ߞߵߏ߬ ߓߊߛߌ߫ ߞߍߕߊ ߛߎߡߊ߲ߘߐ߫ ߞߣߐ߫ ߕߙߐߓߊ߮ ߟߊ߫ ߜߟߍ߬ߦߊ ߡߊߝߟߍߟߌ ߘߐ߫. ߞߵߊ߬ ߕߍߘߐߓߍ߲ ߞߍ߫، ߞߊ߬ ߛߌߟߊ߫ ߟߊߞߊ߬ ߕߎ߬ߡߊ߬ ߞߎߘߊ߫ ߛߋ߲߭ ߓߊ߲ߓߊ߲ߕߐ ߢߍ߫ ߡߍ߲ ߟߐ߬ߣߍ߲ ߝߘߏ߬ߓߊ߬ ߞߕߌߦߊ ߕߋߟߋ߲ ߢߍ߫. ߓߍ߲߭ ߟߊ߲ߒߣߦߊ ߟߊߘߏ߲߬ߣߍ߲ ߞߐ߫ ߘߎ߰ߘߋ߲ ߠߎ߬ ߣߌ߫ ߢߐ߲߯ ߕߍ߫ ߊ߬ ߣߴߊ߬ߟߎ߬ ߟߊ߫ ߛߌ߲߬ߝߏ߲߬ߘߊ ߟߎ߬.

ߞߎ߲߬ߠߊ߬ߛߌ߮ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߡߐ߰ߦߊ ߕߊ߬ߞߏ ߟߊ߫߸ ߊ߬ ߣߌ߫ ߟߕߊ߬ߡߌ߲߬ߒ߬ߡߊ߬ߟߌ ߣߌ߲߬ ߘߐ߬ߝߐ(( ߡߍ߲ ߦߋ߫ ߘߐ߬ߓߍ߲߬ߠߌ߲ ߞߊ߬ߘߊ߲ ߞߣߐ߫ ߛߙߊ߬ߟߌ߬ ߓߟߏߡߊ߬. ߞߵߊ߬ ߓߍ߲߬ ߊ߬ߟߎ߬ ߜߟߍ߬ߦߊ߬ ߞߍߣߍ߲ ߠߎ߬ ߡߊ߬. ߏ߬ ߛߊ߲߬ ߛߌߦߊߡߊ߲߫ ߠߋ߬ ߕߋ߲߬ ߒ ߞߵߊ߬ ߝߐ߫ ߊ߬ߟߎ߬ ߢߍ߫ ߕߎ߬ߡߊ ߏ߬ ߟߎ߬ ߟߊ߫ ߞߏ߫ ߊ߬ߟߎ߬ ߦߋ߫ ߘߐ߬ߛߙߋ ߟߎ߬ ߟߊߡߙߊ߬ ߏ߬ ߟߎ߬ ߡߍ߲ ߠߎ߬ ߣߊ߬ߕߐ߫ ߊߟߎ߫ ߟߊߜߍߦߊ߫ ߟߊ߫ ߟߏ߲ ߘߏ߫ ߞߏ߫ ߊ߬ߟߎ߬ ߕߘߍ߬ ߘߊ߫ ߟߋ߬ ߞߊߔߙߏ߫ ߜߍ߲ߓߊ߯ߕߐ ߟߎ߬ ߘߐ߫. ߡߐ߰ ߛߌߦߊߡߊ߲߫ ߠߋ߬ ߕߙߐ߫ ߘߴߊ߬ߟߎ߬ ߘߐ߫ ߛߊ߲߬ ߦߙߌߞߊ߫ ߞߘߐ߫. ߘߏ߫ ߟߎ߫ ߞߵߊ߬ߟߎ߬ ߟߊ߫ ߞߐߙߍ ߦߌ߬ߙߌ߲߬ߘߌ߬ߣߍ߲ ߦߋ߫ ߟߋ߬ ߞߋߟߋ߲ߘߌ߫. ߓߐ߲ߛߐ߲ߘߊ ߞߋߟߋ߲߫ ߓߍ߯ ߞߵߊ߬ ߖߘߍ߬ ߦߋ߫ ߓߏ߲ߒߕߊ߲ߧߊ ߘߐ߫ ߟߋ߬ ߕߋ߲߬ ߘߏߦߌ߲߫. ߊ߬ߟߎ߬ ߞߘߊߓߊ߫ ߘߐ߫ ߏ߬ ߟߊߢߐ߬ߣߌ߲ ߠߊ߫ ߊ߲ ߕߴߛߋ߫ ߕߌߢߍߟߌ ߞߍߣߍ߲ ߡߎ߰ߡߍ ߘߐߓߍ߲߬ ߠߊ߫ ߊ߬ ߢߊ߫ ߖߍ߬ߘߍ ߖߍ߬ߘߍ ߡߊ߬ ߝߛߍߞߘߎ߫. ߡߍ߲ ߠߎ߬ ߦߴߊ߬ߟߎ߬ ߣߌ߫ ߟߊ߫ ߓߌ߬ ߦߏ߫ ߡߍ߲ ߠߎ߬ ߕߍ߫ ߓߊߟߏ߫ ߘߐ߫ ߡߎ߬ߕߎ߲߬)) ߏ߬ ߞߍߥߊߟߌ߫ ߏ߬ ߞߏߛߐ߲߬߸ ߞߎ߲߬ߠߊ߬ߛߌ߮ ߞߵߊ߬ ߟߊ߫ ߥߞߊ߬ߟߌ ߦߌ߬ߘߊ߬ ߘߍ߬ߞߏ߬ߦߊ ߓߊ߯ߙߊ ߕߋߟߋ߲ߣߍ߲ ߘߐ߫. ߕߍߕߋߟߋ߲ߦߊ ߓߟߏߡߊ߬ ߞߐߛߊߦߟߌ ߘߐ߫ ߕߎ߬ߢߊ ߛߌߟߊ ߡߊ߬.