Jour : 17 novembre 2025

ߣߍߣߊߓߊ߫ ߕߟߋ߬ ߅/ ߂߀߂߅ ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߛߟߊߕߌ߯ ߊߡߊߘߎ߫ ߎߙߌ߬ ߓߊ ߕߐ߯ ߘߐ߫߸ ߞߏߕߌ߯ߝߟߐߘߊ ߞߏߕߌ߯ ߗߋߕߌ߮ ߡߎߤߊ߲ߡߍߘ ߟߊ߬ߡߌߣߌ߲߫ ߛߌ߫ ߛߝ߭ߊ߬ߣߍ߫، ߞߊ߬ ߛߋ߲ߞߏߟߦߊ ߘߍ߬ߘߊ ߟߊ߫ ߟߊ߬ߘߍ ߝߌߟߊߣߊ߲ ߢߍߡߌ߬ߘߊ߬ ߞߵߊ߬ ߓߍ߲߬ ߘߋ߲ߡߌߛߍ߲ ߠߎ߬ ߟߊ߫ ߕߘߍ߬ߒ߬ߘߐ߬ߟߌ ߖߊ߬ߕߋ߬ߘߐ߬ߛߌ߮ ߡߊ߬ (ߗߍ߭ ߣߌ߫ ߡߏ߬ߛߏ) ߞߵߊ߬ ߓߍ߲߬ ߖߐ ߟߊ߫ ߛߓߊ߬ߕߌ ߡߊ߬ ߤߊߡߑߘߊߟߊߦ ߣߌ߫ ߞߊߜߟߋ ߛߌߟߊ ߞߊ߲߬. ߢߐ߲߯ߦߋ߫ ߏ߬ ߞߊ߬ ߞߏߕߌ߯ ߝߟߐ ߟߊ߫ ߞߏߟߊߕߍ߮ ߟߎ߬ ߓߍ߯ ߟߊߘߍ߬ ߟߋ߬، ߞߊ߬ߝߏ߬ߙߋ߲ ߟߊߢߌߣߌ߲ߣߍ߲ ߠߎ߬ ߞߐߦߌߘߊߓߊ߮ ߟߎ߬، ߖߐ ߝߊ߲߬ߞߊߘߏ߲߭ ߣߊ߲߬ߝߟߏ߬ߦߊ߬ߟߌ ߘߏ߲߬ߖߟߎ߬ߡߊ߬ߟߊ (ߔߋ ߓߋ ߍߝ) ߞߵߏ߬ ߓߍ߯ ߟߊ߫ ߌߣߎ߳ ߛߍߝ ߞߐߦߌߘߊߓߊ߯ ߛߙߍߞߍ ߞߊ߲߬ ߖߌ߬ߣߍ߬ ߞߣߐ߫. ߞߏߕߌ߯ ߛߝ߭ߊ߬ߣߋ߫ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߘߐ߫߸ ߞߏ߫ ߖߊ߬ߕߋ߬ߘߐ߬ߛߌ߮ ߣߌ߲߬ ߓߐߣߍ߲ ߞߊ߲ߓߍ߲ ߞߊ߲ߕߌ߮ ߞߊ߬ߝߏ ߞߎ߲߬ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߥߊ߬ߣߌ߲߬ߞߋ ߟߋ߬ ߘߐ߫، ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߟߊ߫ ߘߏ߲߬ߖߟߎ߬ߡߊ߬ߟߌ ߞߣߐߡߊ߬߸ ߞߊ߬ ߞߍߞߋߟߋ߲ߘߌ ߝߊ߬ߛߏ߬ߟߊ߬ߞߊ ߞߐߡߊߓߌ߲ߓߌ߲߸ ߞߊ߬ ߘߋ߲ߡߌߛߍ߲ ߠߎ߬ ߟߊ߫ ߕߍ߬ߘߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߭ ߟߊߥߙߎߞߌ ߘߐ߫. ((ߖߊ߬ߕߋ߬ߘߐ߬ߛߌ߮ ߣߌ߲߬ ߘߴߊ߬ ߦߌ߬ߘߊ߬ ߘߋ߲ߡߍߛߍ߲ ߠߎ߬ ߟߊ߫ ߞߏ߫ ߖߐ ߟߋ߬ ߦߋ߫ ߥߙߎߞߌ ߛߋ߲߬ߕߊ߰ ߝߟߐ ߘߌ߫. ߓߋ߲߬ߞߊ߬ߠߌ߲ ߕߎ߲ߒߕߊ߲߬ߕߎ߲߫، ߕߌߢߍߟߌ ߕߍ߫ ߞߍ߫ ߛߌߟߊ߫ ߏ ߞߊ߲߬ ߡߎ߬ߕߎ߲߬)) ߦߊ߯ߟߊ߫ ߏ߬ ߘߐߞߣߍ߫ ߘߊ߫ ߊ߬ ߞߊ߬ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߞߊ߲ߞߋߦߊ ߝߏ߬ ߖߌ߬ߣߍ߫ ߘߍ߬ߡߍ߲ ߘߐ߫ ߞߍߢߐ߲߯ߒߝߍ ߟߊ߫ ߛߓߊ߬ߕߌ ߘߐ߫.

ߣߍߣߍߓߊ߫ ߕߟߋ߬ ߁߁/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߛߣߍ߬ߟߌ ߘߏ߫ ߞߍ߫ ߣߍߣߍߓߊ߫ ߕߟߋ߬ ߁߀/ ߂߀߂߅ ߞߐ߬ߓߊ߬ߟߏ߲ ߛߎ ߘߐ߫߸ ߛߊ߲ߡߊߘߊ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߊߤߊߡߍߘ ߛߋߞߎ߬ ߕߎ߬ߙߋ߬. ߡߊ߬ߓߏ߬ߢߊ߬ߕߊ ߛߌߣ ߞߊ߲ߓߍ߲ ߡߌ߬ߙߌ߲߬ߘߌ߬ߡߊ ߞߏߕߌ߯ ߛߙߍߞߍ ߟߌߎ߳ ߜߐ߲ߖ߭ߐ߲ߜ ߣߊ߬ ߘߊ߫ ߞߐߣߊߞߙߌ߫ ߝߘߏ߬ߓߊ߬ ߓߐߒߡߊߟߌ ߟߊ߫. ߛߌߣ ߖߊ߬ߓߌ߬ߦߟߊ߬ ߤߏߞߌ ߟߎ߬ ߘߌߣߊ߬ ߞߍ߫ ߊ߬ ߞߣߍ ߞߊ߲߬߸ ߦߏ߫ ߛߌߡߊ߲ߘߎ߯ ߣߌ߫ ߘߊ߬ߡߊ߲ ߣߌ߫ ߖߎ߬ߓߐ ߖߊ߬ߕߋ߬ߘߐ߬ߛߌ߰ߓߊ ߘߊߡߌ߬ߣߊ߬ߟߌ ߢߊ߰ߢߊ߮ ߞߎ߲߬ߠߊ߬ߦߋߙߋ߲ ߝߊ، ߏ߬ ߡߍ߲ ߖߊ߬ߕߋ߬ߛߌ߰ߣߍ߲ ߞߐ߬ߟߏ߲ ߠߊ߫ ߣߍߣߍߓߊ߫ ߕߟߋ߬ ߁߁/ ߂߀߂߅ ߡߏ߬ߙߌ߬ߓߊ߬ߦߊ߫. ߓߐߒߡߊߟߌ ߣߌ߲߬ ߦߋ߫ ߣߝߊ߬ߢߐ߲߰ߦߊ ߡߊߓߏ߬ߢߊ߬ߕߊ߫ ߡߊߦߋߙߋ߲ߣߍ߲ ߝߊ߲߬ߝߘߊ ߟߋ߬ ߘߌ߫ ߖߌ߬ߣߍ߬ ߣߌ߫ ߛߌߣ ߕߍ߫. ߡߊ߲߬ߕߏ߲ ߝߌ߬ߟߊ߬ ߟߊߘߍ߬ߣߍ߲ ߕߍߓߊ߯ߦߊ ߞߊ߲ߡߊ߬. ߞߵߊ߬ ߟߐ߬ ߢߝߍߕߊ߮ ߣߌ߫ ߥߙߎߞߌ ߘߎ߲ߡߕߊ ߡߊ߬.

ߞߐߣߊߞߙߌ߫ ߣߍߣߍߓߊ߫ ߅/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߗߋߦߊߟߌ߫ ߢߊ߬ߕߣߐ߬ߓߊ ߘߏ߫ ߟߊߞߢߐ߬ߡߊ߬ ߞߏߕߌ߯ߝߟߐߘߊ ߟߊ߫߸ ߞߊ߬ ߝߘߊ߫ ߓߏ߬ߞߋ߬ ߕߌ߲߬ߞߎߘߎ߲ ߠߊ߫. ߢߐ߲߯ߦߋ ߏ߬ ߞߊ߬ ߞߏߢߐ߲߯ߦߊ ߣߌ߫ ߢߐ߲߯ ߕߍ߫ ߓߏ߬ߢߊ ߟߋ߬ ߦߌ߬ߘߊ߬. ߡߍ߲ ߟߊ߬ߢߌߣߌ߲ ߦߋ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߬ ߘߌ߫ ߞߟߍ߬ߕߌ߰ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ ߟߊߘߏ߲߭ ߘߐ߫ ߞߊ߲ߕߌ߯ ߢߣߊߕߊߟߌ ߣߊ߬ߕߐ ߘߐ߫߸ ߓߏ߬ߞߋ߬ ߕߌ߲߬ߞߎߘߎ߲ ߡߙߊ߬ߓߊ߰ߘߊ ߓߍ߯ ߕߐ߯ ߘߐ߫߸ ߓߏ߬ߞߋ߬، ߓߏߝߊ߬، ߝߙߌ߬ߦߊ߬، ߞߎ߲ߘߙߊ߫، ߜ߭ߥߊߟ ߗߋߦߊߟߌ ߓߋߟߋ߲ߕߌ߮ ߞߌ߬ߣߊ ߡߎߤߊ߲ߡߍߘ ߞߊ߬ߡߎߛ ߞߡߊ߬ߙߊ߫߸ ߞߊ߬ ߡߌ߬ߙߌ߲߬ߘߌ ߟߊ߫ ߘߐ߬ߖߊ ߦߌ߬ߘߊ߬ ߖߐ ߣߌ߫ ߖߡߊ߬ߣߊ ߟߊ߫ ߕߊ߯ߢߝߍ ߘߐ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬ ߡߐ߰ߓߊ ߟߎ߬ ߞߊ߬ ߖ. ߕ. ߗߋ߲߬ߥߟߎ߬ ߉߀߀ ߘߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߡߊ߬، ߞߏ߫ ߊ߬ߟߎ߬ ߕߊ߫ ߓߟߏ߫ ߡߊߜߍ߲ ߣߴߏ߬ ߘߌ߫ ߊ߬ߟߎ߬ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߟߊ߫ ߞߎ߲߬ߞߘߐ߬ߛߌ߮ ߞߏ ߘߐ߫. ߊ߬ߟߎ߬ ߞߵߌ ߕߌ߲ߕߌ߲߫ ߊ߬ ߞߊ߲߬ ߞߵߏ߬ ߦߋ߫ ((ߊ߬ߟߎ߬ ߡߊ߬ ߛߋ߲ߛߋߘߋ߲ ߣߌ߫ ߖߘߍ߬ߘߏ߲߬ߒ߬ߞߊ߲߬ߡߊ ߖߍ߬ߘߍ ߖߍ߬ߘߍ ߟߋ߬ ߘߌ߫، ߞߊ߬ ߕߊ߬ߡߌ߲߬ ߛߏ߬ߓߌ߬ߟߊ߬ߞߎ߬ߣߎ߲߬ ߛߍ߰ߘߏ߲ ߓߟߏߟߊߕߎ߲߰ ߠߊ߫)) ߖߊ߬ߓߌ ߘߐ߫ ߞߏߕߌ߯ ߝߟߐ ߞߊ߬ ߝߏ߬ߟߌ ߞߍ߫ ߞߍߥߊߟߌ ߢߌ߲߬ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߦߋ߫ ߕߐ߰ߡߊ߬ߛߙߋ߫ ߞߘߐߟߡߊ ߟߋ߬ ߘߌ߫߸ ߞߴߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߣߌ߫ ߣߐ߬ߡߌ߬ߣߊ߬ߟߌ ߣߌ߫ ߖߐ ߞߢߊߡߊ߲߫ ߞߵߊ߬ ߓߍ߲߬ ߞߍߣߍ߲ ߠߎ߬ ߡߊ߬ ߊ߬ ߣߌ߫ ߞߵߌ ߢߍߛߌ߲߯ ߞߘߎ߬ߜߍߟߍ߲ ߠߎ߬ ߞߍ߬ߟߍ ߡߊ߬)) ߊ߬ ߞߎߡߊ߫ ߘߊ߫  ߞߊ߲ߓߍ߲ ߞߊ߲ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߛߍߥߊ߫ ߞߊ߲߬ ߊ߬ߟߎ߬ ߟߊ߫߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߝߓߊ߬ߘߋ߲߬ߧߊ ߥߊߟߌߦߊ ߣߌ߲߬ ߡߊ߬. ߞߊ߬ ߕߊ߬ߡߌ߲߬ ߗߋߦߊߟߌ ߞߟߊߓߎߡߦߊ ߝߍ߬߸ ߞߍߞߋߟߋ߲ߘߌ ߣߌ߫ ߓߍ߲߭ ߠߊߛߓߊ߬ߕߌ ߟߊ߫ ߓߏ߬ߞߋ߬ ߕߌ߲߬ߞߎߘߎ߲ ߘߐ߫. ߢߐ߲߯ߦߋ߫ ߢߌ߲߬ ߦߋ߫ ߘߊߘߐߝߙߊߢߐ߲߯ߦߊ߫ ߞߍ߲ߘߍߡߦߊ ߟߋ߬ ߦߌ߬ߘߊ߬ ߟߊ߫ ߞߎ߲߬ߠߊ߬ߛߌ߰ߟߊ ߟߎ߬ ߣߌ߫ ߖߡߊ߬ߣߊ ߝߊ߲߬ߞߊ߬ ߟߊߘߍ߬ߣߍ߲ ߠߎ߬ ߕߍ߫.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߁߀/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߞߢߐ߬ߡߊ߬ߟߌ ߞߍ߫ ߛߊ߲ߡߊߘߊ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߊߤߊߡߍߘ ߛߋߞߎ߬ ߕߎ߬ߙߋ߬ ߟߊ߫ ߛߟߊߕߌ߯ ߙߏߓߍߙ ߓߋߜ߭ߙߋ߬ ߡߊ߲ߓߋ߬ ߏ߬ ߕߘߍ߬ ߡߊߟߐ߬ߣߍ߲ ߜߋ߲߬ߞߐ߬ߖߌ߬ߘߊ ߘߊ߬ߡߊ߲߬ ߣߌ߫ ߕߊߖߌ ߣߌ߫ ߜߟߐߡߌ߲ ߞߏߕߌ߮ ߟߋ߬ ߓߟߏ߫ ߛߟߊߕߌ߯ ߡߊ߲ߡߊߘߎ߫ ߛߊ߲ߜ߭ߊߝߎߥߊ߫ ߞߎ߬ߟߎߓߊ߬ߟߌ߬ ߟߋ߬ ߓߟߏ߫. ߜߋ߲ߞߐ߰ߖߌ߬ߘߊ ߞߊ߲ߓߍ߲ ߞߏߕߌ߯ ߝߟߐ ߦߋ߫ ߕߋ߬ߟߋ߫ ߝߌ߬ߟߊ߬ ߟߊߕߊ߬ߡߌ߲߬ ߠߊ߫ ߞߐߣߊߞߙߌ߫. ߞߊ߬ ߛߟߊߕߌ߯ ߡߊ߬ߓߏ߬ߢߊ߬ߕߊ ߊߟߛߊߣ ߘߙߊ߬ߡߊߣ ߥߕߊߙߊ߫ ߞߐߦߌ߬ߘߊ߬ ߜߋ߲ߞߐ߰ߖߌ߬ߘߊ ߞߊ߲ߓߍ߲ ߞߊ߲ߕߌ߮. ߞߵߊ߬ ߓߍ߲߬ ߢߊ߰ߢߊ߰ ߘߝߐ߬ߟߊ߬ߞߊ ߘߊߦߟߍߟߌ ߖߊ߲߬ߖߏ߲ ߡߊ߬߸ ߡߍ߲ ߟߐ߬ߣߍ߲ ߛߌߡߊ߲ߘߎ߯ ߘߊ߬ߡߊ߲ ߣߌ߫ ߖߎ߬ߓߐ ߖߊ߬ߕߋ߬ߘߐ߬ߛߌ߰ߓߊ ߘߐߛߏ߲߬ߘߏ߲߬ߜߊ߬ߟߌ ߡߊ߬߸ ߏ߬ ߖߊ߬ߕߋ߬ߛߌ߰ߣߍ߲ ߣߍߣߍߓߊ߫ ߁߁/ ߂߀߂߅ ߟߊ߫ ߡߏ߬ߙߌ߬ߓߊ߬ߦߊ߫ ߘߊ߲ߞߊ߲ ߠߊ߫. ߏ߬ ߦߋ߫ ߓߌ߬ߟߊ߬ߢߐ߲߰ߡߊ ߕߋߙߌߦߊ ߓߐߒߡߊߟߌ߫ ߡߊߦߋߙߋ߲ߣߍ߲߫ ߓߘߍ ߟߋ߬ ߘߌ߫. ߡߍ߲ ߦߋ߫ ߖߌ߬ߣߍ߬ ߞߊ߲ߓߍ߲ ߣߌ߫ ߜߋ߲ߞߐ߰ߖߌ߬ߘߊ ߞߊ߲ߓߍ߲ ߓߌ߬ߟߊ߬ߢߐ߲߰ߡߊ߬ߦߊ߫ ߟߊ߫ ߓߊߘߋ߲ߧߊ ߟߊ߬ߘߍ߬ߟߌ߬ ߘߌ߫. ߡߊ߲߬ߕߏ߲ ߝߌ߬ߟߊ߬ ߡߍ߲ ߥߞߊ߬ߟߌ߬ߣߍ߲ ߥߙߎߞߌ ߞߎ߲߬ߕߋߟߋ߲ ߘߎ߲ߡߕߊ ߞߋߟߋ߲߫ ߠߊ߫߸ ߊ߬ ߣߌ߫ ߝߙߊ߬ߢߐ߲߰ߒߞߊ߲ ߕߌ߲߬ߞߎ߬ߘߎ߲߬ߠߊ߬ߞߊ ߡߙߌߣߊ߲.

ߣߍߣߍߓߊ߫ ߕߟߋ߬ ߅/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߢߊ߰ߢߊ߰ ߟߊߥߊ߲߬ߞߊ߲߬ߣߍ߲ ߘߏ߫ ߢߍߡߌߘߊ߫ ߡߌ߬ߙߌ߲߬ߘߌ ߟߊ߫ ߞߎߓߋ ߟߊ߫، ߞߵߊ߬ ߓߍ߲߬ ߖߌ߬ߣߍ߫ ߝߘߏ߬ߓߊ߬ ߞߊ߬ߙߊ߲߬ߕߊ߫ ߛߊ߯ߘߊ߫ ߝߟߐ ߂߂߀߀ ߜߊ߲߬ߞߎ߲߬ߠߌ߲ ߖߊ߬ߕߋ߬ߘߐ߬ߛߌ߮ ߦߌ߬ߘߊ߬ߟߌ ߡߊ߬. ߞߵߊ߬ ߓߍ߲߬ ߖ߭ߌߜ߭ ߞߎ߲߬ߦߌ߬ߘߊ߬ߟߌ ߡߊ߬߸ ߏ߬ ߡߍ߲ ߞߎ߲߬ߟߐ߬ߣߍ߲ ߛߌߡߊ߲ߘߎ߯ ߂߀߄߀ ߠߊ߫ ߛߌߡߊ߲ߘߎ߯ ߘߎ߲ߓߎ ߞߏ߲߭ ߠߊ߫ ߛߐ߲ߞߐߟߐ߲ߧߊ ߡߊ߬. ߞߎ߲߬ߦߌ߬ߘߊ߬ߟߌ߬ ߞߊ߲ߕߌ߯ߘߟߊߞߊ ߣߌ߲߬ ߞߎ߲߬ߕߋߟߋ߲ ߠߋ߬ ߕߌ߲߬ߞߎߘߎ߲ ߠߎ߬ ߟߊ߫ ߕߎߣߎ߲ߓߊߟߌߦߊ ߘߌ߫. ߞߊ߬ ߟߞߊ߬ߙߊ߲߬ߠߌ߲ ߛߋߞߏߦߊ ߟߊߓߘߍ߬ߦߊ ߢߎߡߍߦߋ߲ߠߞߊ ߟߎ߬ ߟߊߓߎ߫ ߟߊ߫. ߞߊ߬ ߘߋ߲ߡߌߛߍ߲ ߦߋߟߋ߲ߕߌ߮ ߟߎ߬ ߘߐߓߍ߲߬. ߞߴߊ߬ ߟߊߞߐ߯ ߞߵߊ߬ߟߎ߬ ߟߊ߫ ߟߊ߫ ߊ߬ߟߎ߬ ߖߘߍ߬ ߛߌߣߌ߲ߢߍߛߌ߮ ߢߌߣߌ߲ ߘߐ߫. ߏ߬ ߦߋ߫ ߖߊ߯ߓߘߊ ߢߍ߫ ߟߞߊ߬ߙߊ߲߬ߠߌ߲ ߘߎ߰ߟߊ߬ߕߊ ߞߏߕߌ߮ ߟߊ߫ ߞߊ߲ ߘߐ߫، ߖߊ߬ߕߋ߬ߘߐ߬ߛߌ߮ ߣߌ߲߬ ߘߌ߫ ߞߍ߫ ߛߊߓߎ߫ ߘߌ߫ ߟߞߊ߬ߙߊ߲߬ߠߌ߲߬ߠߊ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߢߍ߫، ߞߊ߬ߙߊ߲߬ߘߋ߲ ߓߍ߯ ߢߍ߫߸ ߊ߬ ߣߌ߫ ߟߊ߬ߞߟߏ߬ߞߟߏ߬ߟߌ ߥߊ߬ߣߊ ߓߍ߯ ߢߍ߫ ߞߊ߬ ߞߎߘߍߞߎߘߍ߫ ߛߎߘߎ߲߫ ߛߐߘߐ߲ߘߊ ߟߎ߬ ߕߣߐ߬ߓߐ ߓߟߐߟߐ ߟߊ߫. ߞߊ߬ߕߙߍ߬ߕߍ߫ ߢߎߡߍߙߋ߲ߦߊߟߌ ߞߣߐߘߐ ߟߊߥߟߏߣߍ߲ ߠߎ߬ ߡߊ߬ ߊ߲ ߘߌ߲ߞߌߙߊ ߘߐ߫. ߞߊ߬ ߛߋߞߏߦߊ ߟߎ߬ ߓߊ߲ߓߊ߲ ߡߐ߬ߟߐ߲߬ߘߏ߲. ߘߎ߬ߘߋ߲߬ߧߊ ߢߎߡߍߙߋ߲ߦߊ ߕߋߟߋ߲ߓߊ߯ߦߊ ߟߐ߲ߠߌ߲ ߟߊߛߐ߬ߘߐ߲߬ ߣߐ߰ߦߊ ߘߐ߫: (( ߞߵߏ߬ ߟߊߓߊ߲߫ ߛߊߣߌ߬ ߂߀߂߅ ߟߊߓߊ߲ ߠߊ߫߸ ߞߊ߬ߙߊ߲߬ߕߊ ߁߀߀߀ ߘߌߣߊ߬ ߜߊ߲߬ߞߎ߲߬ ߏ߬ ߡߍ߲ ߕߐ߬ߣߐ ߛߋߕߐ߫ ߘߋ߲߫ ߗߋ߲߬ߥߟߎ߬ ߞߋߟߋ߲߫ ߡߊ߬)) ߊ߬ ߞߊ߬ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߓߊ߬؟ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲߫ ߊ߬ ߞߊ߲߬ ߞߏ߫ ߖߊ߬߫ߕߋ߬ߘߐ߬ߛߌ߮ ߢߌ߲߬ ߠߎ߬ ߛߊߓߎ߫ ߟߊ߫ ߘߎߢߊ߫ ߞߎߘߊ߫ ߓߘߊ߫ ߘߊߦߟߍ߬. ߡߍ߲ ߓߣߊ߬ߦߊ߬ߣߍ߲ ߓߍ߲߬ߒ߬ߛߋ߲߬ߡߊ ߟߎ߬ ߟߊ߫ ߣߌ߫ ߛߋߞߏߦߊ ߟߎ߬ ߟߊ߫. ߊ߬ ߣߌ߫ ߓߊ߯ߙߘߊ ߞߎ߲߬ߠߊ߬ߓߐ߬ߣߍ߲ ߠߎ߬ ߟߊ߫(( ߞߎߣߎ߲߬ ߟߞߊ߬ߙߊ߲߬ߠߌ߲߬ߠߊ ߟߎ߬ ߕߍߣߊ߬ ߞߍ߫ ߟߊ߫ ߦߏ߫ ߛߌߣߌ߲߫ ߕߊ ߟߎ߬ ߊ߬ ߞߊߓߋ ߘߌߣߊ߬ ߡߊߦߟߍ߬ ߞߊ߬ ߟߊߞߐ߯ ߞߊ߬ ߖߙߎߡߎ߲ߦߟߍߡߊ߲߫)) ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߝߘߏ߬ߓߊ߬ ߞߊߙߊ߲ߕߊ ߡߍ߲ ߠߎ߬ ߛߌ߲ߘߌ ߓߘߊ߫ ߞߎ߲߬ߘߐ߬ߖߊ߲߰ߧߊ߫ ߏ߬ ߟߎ߬ ߞߊ߫ ߞߊ߲߬ ߞߊ߬ ߞߍ߫ ߢߍߕߊ߮ ߓߍ߲߬ߒ߬ߛߋ߲߬ߡߊ ߘߐߞߢߊߣߍ߲ ߢߍߡߌߘߊߟߊ߲߫ ߓߟߋߓߟߋ ߘߌ߫ ߞߊ߲ߓߍ߲ ߘߋ߲ ߓߍ߯ ߢߍ߫. ߓߌ߬ߢߐ߲߰ ߟߏ߲، ߖߊ߬ߕߋ߬ߘߐ߬ߛߌ߮ ߓߘߊ߫ ߛߋ߫ ߡߐ߱ ߁߇߀߀ ߟߊߓߊ߯ߙߊ߫ ߟߊ߫ ߟߊ߬ߕߋߟߋ߲ ߣߌ߫ ߟߊ߬ߕߋ߬ߟߋ߲߬ߓߊ߬ߟߌ߬ߦߊ ߘߐ߫. ߏ߬ ߡߍ߲ ߦߋ߫ ߡߊ߬ߝߊ߲ ߕߐ߰ߡߊ߬ߛߙߋ߬ߡߊ ߡߊߦߌ߬ߘߊ߬ ߟߊ߫ ߘߋ߲ߡߌߛߍ߲ ߛߋߞߏߦߊߕߌ߮ ߘߎ߲ߡߊߣߍ߲ ߠߎ߬ ߢߍ߫ ߢߎߡߍߙߋ߲ߦߊߟߌ ߓߊ߯ߙߘߊ ߘߐ߫. ߏ߬ ߕߊ߬ߡߌ߲߬ߣߍ߲ ߞߐ ߞߊ߬ߙߊ߲߬ߕߊ߫ ߅߈߅ ߜߊ߲߬ߞߎ߲߬ߣߍ߲ ߞߘߐ ߟߋ߬ ߖߡߊ߬ߣߊ ߢߊߝߍ߬.

ߣߍߣߍߓߊ߫ ߕߟߋ߬ ߇/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߖߌ߬ߣߍ߬ ߏߙߊ߲ߗ߭ ߟߊ߫ ߡߊ߬ߞߍ߬ߘߊ ߞߎߘߊ ߘߊߦߟߍ߬ߟߌ ߢߊ߰ߢߊ߰ ߞߎ߲߬ߠߊ߬ߛߌ߰ ߗߋߕߌ߯ߦߊ ߕߊ߲ߓߊ߲ߘߊ ߟߊ߫ ߞߟߏ߬ߡߊ߬ ߡߍ߲ ߝߊ߲߬ߝߘߊ߬ߢߊ ߦߋ߫ ߜߟߊ߬ߜߟߊ߬ ߁߁ ߄߀߀ ߏߙߊ߲ߗ߭ ߖߌ߬ߣߍ߬ ߟߊ߫ ߡߊ߬ߞߍ߬ߘߊ ߞߎߘߊߞߏ ߦߋ߫ ߞߊ߲ߓߍ߲ ߞߊ߲ߕߌ߮ ߟߊ߫ ߟߊߢߌ߬ߣߌ߲ ߞߎ߲߬ߕߋߟߋ߲ ߘߏ߫ ߟߋ߬ ߘߌ߫߸ ߡߍ߲ ߦߋ߫ ߞߟߊߓߎߡߦߊߟߌ ߞߍ߫ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ ߟߊ߫߸ ߊ߬ ߣߌ߫ ߥߊߟߌߘߊ ߟߊ߫ ߢߊߞߎߘߦߊߟߌ ߡߍ߲ ߟߐ߬ߣߍ߲ ߘߍ߭ ߡߊ߬ߞߍ߬ߘߊ ߞߏ ߡߊ߬، ߏ߬ ߡߍ߲ ߦߋ߫ ߖߘߍ߬ߘߏ߲߬ߒ߬ߞߊ߲߬ߡߊ ߕߐ߰ߡߊ߬ߛߙߋ ߘߌ߫ ߘߎ߲߰ߘߎ߲߬ߡߊ ߡߊ߬ߘߎ߮ ߟߎ߬ ߘߐ߫ ߞߵߊ߬ ߓߍ߲߬ ߥߙߎߞߌ ߝߊ߬ߛߏ߬ߟߊ߬ߞߊ ߡߊ߬((  ߛߊ߲߬ ߕߊ߲߫ ߏ߬ ߦߋ߫ ߞߎ߬ߡߊߞߎ߬ߘߎ ߕߎ߬ߡߊ ߟߋ߬ ߘߌ߫߸ ߖߘߍ߬ߤߣߍ ߕߎ߬ߡߊ ߟߋ߬، ߊ߬ ߣߌ߫ ߖߊ߬ߓߌ߬ߦߊ߬ߟߌ ߊ߲ ߘߍ߬ߡߊ߬ ߡߊ߬ߞߍ߬ߘߊ ߟߋ߬ ߘߌ߫߸ ߕߐ߰ߡߊ߬ߛߙߋ ߟߋ߬ ߊ߬ߟߎ߬ ߕߊ ߡߊ߬ߝߊ߲ ߞߍ߫ ߘߐ߫ ߖߡߊ߬ߣߊ ߟߊ߫ ߥߙߎߞߌ ߘߐ߫)) ߖߌ߬ߣߍ߬ ߏߙߊ߲ߗ߭ ߡߊ߬ߡߙߊ߬ߟߌ߬ ߘߍ߬ߘߊ ߞߏߟߊߕߍ߮ ߞߊ߲ߕߌ߮ ߛߟߊߕߌ߯ ߓߙߋߟߐߕ ߓߊ ߞߵߊ߬ ߦߌ߬ߘߊ߬߸ ߥߎߟߊߖߊ߲ߠߊ߫ ߟߊߟߐ߲ߠߌ߲ߦߊߟߌ ߣߌ߫ ߢߎߡߍߙߋ߲ߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߗߋߓߏ߲ߞߏߕߌ߮ ߐߙߐߛ ߔߏߟߊ߬ ߔߙߌߛߋߡߎ߫، ߝߣߊ߫ ߞߊ߬ ߖߊ߲߬ߖߏ߲ ߢߌ߲߬ ߞߍ߫ ߥߞߊ߬ߟߌ ߟߋ߬ ߘߌ߫ ߢߡߊߦߟߍߡߊ߲ ߛߏ߯ߙߏߦߢߊ ߞߏ ߘߐ߫ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߎ߲߬ߕߋߟߋ߲ ߡߊ߬. ߞߵߊ߬ ߓߍ߲߬ ߞߟߊߓߎߡߦߊߟߌ ߡߊ߬ ߥߊߟߌߘߊ ߟߎ߬ ߟߊ߫ ߡߊ߬ߞߍ߬ߘߊ߬ߓߊ ߗߋߕߌ߯ߦߊ߫ ߕߊ߲ߓߊ߲ ߟߐ߭ ߟߊ߫ ߞߟߏ߬ߡߊ߬. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߞߊ߲ߕߌ߯ߘߊ߫ ߞߎ߲߬ߕߋ߬ߟߋ߲߬ߡߊ߬ߦߊ߫ ߏ߬ ߦߋ߫ ߓߊߦߟߍ߬ߡߊ߲ ߠߊ߫ ߟߋ߬ ߡߎ߬ߕߎ߲߬ ߞߵߊ߬ ߓߍ߲߬ ߘߎ߰ߣߍ߲ ߠߎ߬ ߝߊ߲߬ߕߙߊ ߦߟߍ߬ߡߊ߲߬ߦߟߍ߬ߡߊ߲߬ߠߌ߲ ߡߊ߬ ((ߞߟߏ߬ߡߊ߬ ߓߘߊ߫ ߞߍ߫ ߖߌ߬ߣߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߊ߬ߡߙߊ߬ߟߌ ߕߊ߲ߓߊ߲ ߘߌ߫… ߦߊ߲߬ ߞߙߍߞߙߍߣߍ߲ ߞߐ߫ ߏߙߊ߲ߗ߭ ߖߌ߬ߣߍ߬ ߓߟߏ߫ ߞߊ߬ ߟߐ߬ߟߌ ߞߍ߫ ߦߊ߲߬ ߟߊ߲ߒߘߦߊ ߘߐ߫ ߖߌ߬ߣߍ߬ ߘߋ߲ߡߌߛߍ߲ ߠߎ߬ ߟߊ߫ ߡߊ߬ߝߊ ߘߐ߫ ߊ߬ߟߎ߬ ߓߘߊ߫ ߣߊ߲߬ߝߟߏ߬ߘߏ߲߬ߘߊ߬ ߟߊ߫ ߊ߲ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐ߫)) ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߊ ߝߊ߲߭ ߘߐ߫ ߊ߬ ߞߊ߬ ߝߏ߬ߟߌ ߞߍ߫ ߖߌ߬ߣߍ߬ ߢߍ߫ ((ߟߏ߲߫ ߘߝߐ߬ߟߊ߬ߞߊ ߣߌ߲߬ ߘߐ߫)) ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߘߊߦߟߍߟߌ ߣߌ߲߬ ߟߊߞߘߎ߬ߣߍ߲ ߕߐ߰ߡߊ߬ߛߙߋ߫ ߛߌߦߊߡߊ߲ ߠߋ߬ ߡߊ߬: ߡߍ߲ ߞߎ߲߬ߕߋߟߋ߲ ߦߋ߫ ߞߊ߲ߕߌ߯ߘߊ߫ ߢߌߣߌ߲ߞߏ ߘߌ߫، ߝߘߏ߬ߓߊ߬ ߣߝߊ߬ߢߐ߲߰ߦߊ ߣߌ߫ ߘߎ߲߬ߘߎ߲߬ߡߊ߬ߕߊ ߟߎ߬ ߘߐ߫߸ ߊ߬ ߣߌ߫ ߕߍߝߐ߫ ߝߊ߬ߛߏ߬ߟߊ߬ߞߊ ߘߐ߫.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߁߀/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߘߍ߭ ߣߊ߲߬ߝߟߏ߬ߘߏ߲߬ߘߊ߬ߟߊ ߣߌ߫ ߥߙߎߞߌ ߜߍߓߏ߲ ߠߊ߫ ߗߋߦߊߟߌ ߟߊߞߢߐ߬ߡߊ߬߸(ߓߋ ߌ ߘߋ ߛߋ) ߡߍ߲ ߢߍߡߌ߬ߘߊ߬ߣߍ߲ ߕߘߍ߬ ߊ߬ ߞߊ߲ߕߌ߮ ߓߟߏ߫߸ ߞߏ߲߬ߓߏ ߗ߭ߐߙߑߛ ߊߖ߭ߌߦߋߞߎߡ ߘߏ߲ߞߐߙ ߘߌ߫. ߘߊߘߐߝߙߊߢߐ߲߯ߦߊ߫ ߕߊ߬ߡߌ߲߬ ߘߊ߫ ߖߌ߬ߣߍ߬ ߣߌ߫ ߛߌ߲߬ߝߏ߲߬ߘߊ߫ ߕߌ߲߬ߞߎ߬ߘߎ߲߬ߠߊ߬ߞߊ ߕߍ߫. ߞߵߊ߬ ߓߍ߲߬ ߝߟߐߦߊ ߖߊ߬ߕߋ߬ߘߐ߬ߛߌ߮ ߟߎ߬ ߟߊ߫ ߢߍߕߊ߮ ߡߊ߬. ߡߍ߲ ߦߋ߫ (ߓߋ ߌ ߘߋ ߛߋ) ߕߊ߫ ߓߟߏ߫ ߞߊ߲߬ ߖߌ߬ߣߍ߬ ߞߣߐ߫. ߞߊߕߙߍ߬ߕߍ߫ ߖߎ߬ߓߐ ߟߎ߬ ߣߌ߫ ߢߎߡߍߦߊߟߌ ߣߌ߫ ߟߊ߬ߞߟߏ߬ߞߟߏ߬ߟߌ ߡߊ߬ߘߎ߮ ߟߎ߬ ߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߐߡߊߓߌ߲ߓߌ߲ ߝߏ߬ߟߌ ߟߊߛߋ߫ ߞߵߏ߬ ߟߊ߫ ߘߐ߬ߢߌ߬ߣߌ߲߬ߞߊ߬ߟߌ ߟߎ߬ ߞߊ߲߬ ߓߋ ߌ ߘߋ ߛߋ ߟߊ߫ ߞߎ߲߬ߠߊ߫. ߞߊߕߙߍ߬ߕߍ߫ ߥߊ߯ߕߌ߫ ߜߍߟߍ߲ ߠߎ߬ ߡߊ߬، ߊ߬ ߓߊ߲߫ ߘߊ߫ ߝߣߊ߫ ߞߊ߬ ߛߌ߲߬ߝߏ߲߬ߘߊ ߞߎߟߎ߲ߖߋ߫ ߣߊ߲߬ߝߟߏ߲߬ߘߏ߲߬ߘߊ߬ߟߊ ߞߍ ߘߐ߫ ߛߋ߲ߞߏߟߊ߫ ߞߊߙߊ߲ߘߊ߫ ߞߏ ߘߐ߫، ߡߍ߲ ߟߐ߬ߕߐ߫ ߟߊ߬ߞߐ߰ߟߌ ߡߊ߬ ߟߐ߯ߝߍ ߡߊ߬ߞߏ߬ߡߊ߬ߝߋ߲ ߠߎ߬ ߞߊ߲߬: ((ߡߍ߲ ߣߊ߬ߝߊ ߞߊ߫ ߓߏ߲߬ ߊ߬ ߓߍ߯ ߘߴߏ߬ ߘߐ߫، ߊ߲ ߘߋ߲ ߠߎ߬ ߟߊ߫ ߜߊ߬ߛߊ ߟߊߓߊ߲ ߠߊ߫ ߊ߬ ߛߊ߲߬ ߁߇ ߥߟߊ߫ ߁߈ ߊ߬ ߘߌ߫ ߓߐ߫ ߓߊߘߎ߲ߦߊ ߖߐ߲ߓߐ߲ ߣߌ߫ ߓߊ߯ߙߘߊ ߘߏ߫ ߟߐ߲ ߘߴߊ߬ ߓߟߏ߫)) ߊ߬ ߞߵߏ߬ ߡߊߝߙߊ߬ ߊ߬ ߢߌ߬ߡߊ ߟߊ߫ ߓߊ߬؟ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߟߍ߬ߦߊ߬ ߖߊ߬ߕߋ߬ߘߐ߬ߛߌ߰ ߞߎߘߊ ߣߊ߬ߕߐ ߞߎߡߊ ߝߣߊ߫ ߟߊߥߟߌ߬. ߞߊߕߙߍ߬ߕߍ߫ ߢߎߡߍߓߊߟߊ߲ ߞߏ ߡߊ߬، ߡߍ߲ ߘߌ߫ ߛߋ߫ ߘߐߕߟߊ߫ ߟߊ߫ ߞߊ߬ ߜߟߐߡߌ߲߫ ߢߊ߬ߒ߬ߞߐ߬ߓߊߟߌ ߟߎ߬ ߓߟߏߡߦߊ߫ ߞߵߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߡߊ߬، ߊ߬ ߣߌ߫ ߘߍ߲߰ߦߊ߬ߟߌ ߟߊߖߊ߲ߞߏ ߥߊ߲ߓߦߊ. ((ߓߐ߰ߝߍ߬ߞߊ߲ߞߋ ߟߎ߬ ߦߴߊ߲ ߓߟߏ߫، ߡߍ߲ ߠߎ߬ ߞߊ߫ ߞߊ߲߫ ߞߊ߬ ߟߊ߫ ߓߌ߲߬ߒ߬ߕߊ߬ߦߊ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߖߍ߬ߘߍ ߖߍ߬ߘߍ ߓߟߏߡߊ߬߸ ߞߊ߬ ߞߣߊ߬ߕߏ߫ ߢߎߡߍ߫ ߥߛߊ߬ߕߊ ߟߊߥߟߏ߫ ߟߊ߫ ߞߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߛߋ߲߬ߞߘߐ߬ߓߌ߲ߓߌ߲߫)) ߊ߬ ߞߊ߬ ߘߐ߬ߞߣߍ߬ߟߌ ߞߍ߫ ߓߊ߬. ߞߎߡߊ ߞߎ߲߬ߝߊ߮ ߘߐ߫.

 ߞߏߕߌ߯ ߝߟߐ ߞߊ߬ ߞߎ߲߬ߠߊ߬ߛߌ߮ ߟߊ߫ ߛߐ߲߬ߒ߬ߡߊ߬ߦߊ ߥߊߣߌ߲ߞߋ ߟߊߞߎߘߦߊ߫ ߞߊ߬ ߖߌ߬ߣߍ߬ ߟߊ߫ ߓߍߓߊ߯ߦߊ ߦߌ߬ߘߊ߬ ߛߌ߲߬ߝߏ߲߬ߘߊ ߡߊ߲߬ߕߏ߲߬ߕߍ߬ߟߊ߬ߞߊ ߟߎ߬ ߟߊ߫߸ ߞߊ߬ ߓߊ߲߫ ߞߵߊ߬ ߛߋߞߏߦߊ߫ ߝߊ߬ߛߏ߬ߟߊ߬ߞߊ ߟߎ߬ ߡߐ߬ߟߐ߲߬ߡߊ߬ߦߊ߫ ߞߵߊ߬ ߓߍ߲߬ ߖߡߊ߬ߣߊ ߥߙߎߞߌ ߗߋߢߊ ߟߎ߬ ߡߊ߬.