ߞߐߣߊߞߙߌ߫ ߞߊ߬ߙߌ߬ߝߐ ߕߟߋ߬ ߁߅/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߥߊߣߌ߲ߘߙߊ߫ ߦߟߌߘߐߝߎߟߋ߲߫ ߕߊ߲ߓߊ߲߫ ߞߎߘߊ߫ ߘߊߦߟߍߟߌ ߢߊ߰ߢߊ߮ ߢߣߊߓߊ߯ߦߊ߫ ߛߏ߲߬ߝߏ߬ߣߌ߲߬ߦߊ߫ ߞߊ߬ߝߏ߬ߙߋ߲ ߞߣߐ߫. ߏ߬ ߡߍ߲ ߓߟߏߦߊߣߍ߲߫ ߝߊ߬ߘߌ߬ߡߊ߬ߞߟߏ ߣߌ߫ ߘߋ߲ߡߌߛߍ߲ߧߊ ߞߏߕߌ߮ ߓߟߏ߫ ߖߎ߬ߓߐ߬ ߞߊ߬ߞߎ߬ߘߊ ߣߌ߲߬ ߞߊ߬ ߕߏ߬ߟߊ߲߬ ߞߣߍ ߛߐ߬ߘߐ߲߬ ߠߋ߬ ߊ߬ ߣߌ߫ ߡߝߊ߬ߟߋ߲߬ ߦߙߐ ߣߌ߫ ߘߊߥߎ߲ߓߏ߲ ߠߎ߬. ߏ߬ ߟߋ߬ ߘߐߓߍ߲߬ߣߍ߲߫ ߘߋ߲ߡߌߛߍ߲ ߠߎ߬ ߣߌ߫ ߡߌ߬ߙߌ߲߬ߘߌ ߢߍ߫ ߦߋ߲߬ ߝߊ߬ߘߌ߬ߡߊ߬ߞߟߏ߫ ߓߟߏߦߊߟߌ ߞߊߡߊ߲ ߣߌ߫ ߝߊ߬ߘߌ߬ߘߐ߬ߝߎߟߋ߲ ߣߌ߫ ߦߟߌߟߊߝߢߐߟߌ ߟߎ߬ ߣߌ߫ ߢߐ߲߯ߓߍ߲ ߠߎ߬ ߘߐ߫. ߛߏ߲߬ߝߏ߬ߣߌ߲߬ߦߊ߫ ߞߊ߬ߝߏ߬ߙߋ߲߬ߕߌ߮ ߝߏߘߋ߬ ߌߡߎ߬ߙߊߣߊ߫ ߕߙߊߥߟߋ߫ ߞߵߊ߬ ߣߌ߲߬ ߡߊ߲߬ߞߕߎ߬ߦߊ߫ ߖߌ߰ߛߌ߮ ߕߐ߰ߡߊ߬ߛߙߋ߬ ߓߘߍ ߟߋ߬ ߘߌ߫. ߟߊ߬ߘߍ߬ߟߌ ߣߌ߫ ߥߙߎߞߌ ߛߌߟߊ ߝߍ߬ ߘߋ߲ߡߌߛߍ߲ߧߊ߫ ߦߋ߫. ߏ߬ ߡߍ߲ ߕߊ ߟߐ߬ߘߎ߰ߓߊ߫ ߦߋ߫ ߡߊ߲߬ߕߏ߲߬ ߠߊߘߍ߬ߣߍ߲ ߢߍߥߟߊߦߊߟߌ ߘߐ߫( ߔߋ ߍ߲ߣ ߎ߳ ߘߋ) ߤߛߊߣ ߓߊ ߞߵߊ߬ ߟߊ߫ ߛߌ߲߬ߝߏ߲߬ߘߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊߛߘߋߦߊ߫߸ ߞߵߊ߬ ߓߍ߲߬ ߖߌ߬ߣߍ߫ ߞߎ߲߬ߠߊ߬ߛߌ߮ ߞߐߡߊߓߌ߲ߓߌ߲ ߡߊ߬ ߝߟߐߦߊ ߖߊ߬ߕߋ߬ߘߐ߬ߛߌ߮ ߟߎ߬ ߓߐߒߢߟߊ ߘߐ߫. ߡߍ߲ ߟߐ߬ߣߍ߲ ߘߋ߲ߡߌߛߍ߲ ߠߎ߬ ߟߊ߫ ߘߍ߲ߖߘߍߟߦߊ ߛߌߟߊ ߡߊ߬߸ ߡߍ߲ ߣߊ߬ߕߐ߫ ߘߍ߭ ߓߟߏߘߏ߲ߢߐ߲߰ߓߟߏ ߘߌ߫߸ ߊ߬ ߣߌ߫ ߞߊ߬ ߞߏߟߊߕߊ߯ߡߢߊ߫ ߖߘߐ߬ߡߊ ߘߏ߫ ߟߎ߫ ߦߟߍ߬ߡߊ߲߫. ߘߋ߲ߡߌߛߍ߲ߧߊ ߣߌ߫ ߝߊ߬ߘߌ߬ߡߊ߬ߞߟߏ ߞߏߕߌ߮ ߛߋߟߎ߬ ߓߊߟߑߘߋ߬ ߞߵߊ߬ ߦߌ߬ߘߊ߬ ߞߏ߫ ߖߎ߬ߓߐ ߣߌ߲߬ ߡߙߌߣߊ߲߫ ߓߐߣߍ߲߫ ߞߊ߲ߓߍ߲ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߋ߬ ߘߐ߫. ߊ߬ ߣߌ߫ ߡߊ߬ߘߌ߬ߡߊ߬ߞߟߏ ߖߐ߯ߙߊ߲߫ ߞߏ ߟߎ߬ ߖߡߊ߬ߣߊ ߝߊ߲߭ ߓߍ߯ ߘߐ߫. ߞߵߏ߬ ߞߍ߫ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߘߎ߲ߡߊߣߍ߲ ߘߌ߫ ߥߊߣߌ߲ߘߙߊ߫ ߣߌ߫ ߛߏ߲߬ߝߏ߬ߣߌ߲߬ߦߊ߫ ߘߋ߲ߡߌߛߍ߲ ߠߎ߬ ߘߍ߬ߡߍ߲ ߞߏ ߘߐ߫.
((ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߡߐ߱ ߞߍ߫ ߥߊߣߌ߲ߘߙߊ ߏ߬ ߦߋ߫ ߤߙߍ ߟߋ߬ ߘߌ߫ ߡߎ߬ߕߎ߲߬)) ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߦߟߌߘߐߝߢߐ ߕߊ߲ߓߊ߲ ߣߌ߲߬ ߦߋ߫ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߥߣߍ߬ ߛߊߣߌ߲ ߠߋ߬ ߟߊߛߘߋߦߊ߫ ߟߊ߫. ߏ߬ ߡߍ߲ ߞߎ߲߬ߕߋߟߋ߲ߣߍ߲߫ ߢߡߊߦߟߍߡߊ߲߫ ߡߊ߬ߡߊ߬ߟߊ ߡߊ߬ ߛߌߡߊ߲ߘߎ߯ ߂߀߄߀ ߠߊ߫ ߥߙߎߞߌ ߞߏ ߡߊ߬ߘߎ߮ ߘߐ߫. ߏ߬ ߡߍ߲ ߦߋ߫ ߢߍߥߟߊ ߏ߬ ߘߐ߫ ߏ߬ ߟߋ߬ ߦߟߌߘߐߝߢߐ ߦߙߐ ߟߎ߬ ߟߊߘߊ߲ ߘߌ߫ ߘߋ߲ߡߌߛߍ߲ ߠߎ߬ ߢߍ߫ ߊ߬ߟߎ߬ ߡߊߛߎ߬ߘߎ߲߬ߧߊ ߘߐ߫ ߖߡߊ߬ߣߊ ߟߊ߫ ߥߙߎߞߌ ߕߎ߬ߡߊ ߟߎ߬ ߟߊ߫. ߞߏ߫ ߥߊߣߌ߲ߘߙߊ.ߊ߬ ߞߵߊ߬ ߦߌ߬ߘߊ߬ ߞߏ߫ ߞߌ߲߬ߘߊ ߣߌ߲߬ ߓߘߊ߫ ߡߍ߲ ߡߊ߬ߜߙߐ߬ ߞߕߐߟߌ ߘߐ߫ ߞߵߊ߬ ߡߊߞߕߌ߫ ߊ߬ ߦߋߗߏ߮ ߡߊ߬߸ ߏ߬ ߡߍ߲ ߦߋ߫ ߟߐ߬ߘߎ߰ߓߊ ߢߊ߫ ߟߊ߫ ߛߏ߲߬ߝߏߣߌߦߊ߫ ߞߊ߬ߝߏ߬ߙߋ߲ ߣߌ߫ ߞߎߓߋߘߊ ߟߊ߫ ߥߙߎߞߌ ߘߐ߫ ߓߌ߬.(( ߡߐ߱ ߟߎ߬ ߕߘߍ߬ ߊ߬ ߝߐ߫ ߟߊ߫ ߟߋ߬ ߞߏ߫ ߥߊߣߌ߲ߘߙߊ ߦߋ߫ ߘߐ߰ߕߐ߬ ߞߌ߲ߘߊ ߟߋ߬ ߘߌ߫ ߞߏ߬ߣߌ߲߬ ߓߌ߬ ߘߐ߰ߕߐ߬ ߞߌ߲ߘߊ߫ ߓߘߊ߫ ߞߍ߫ ߡߊ߬ߜߍ߲߬ߕߊ ߘߌ߫)) ߊ߬ ߞߵߏ߬ ߘߐߞߣߍߦߊ߫ ߓߊ߬؟ ߞߏߕߌ߯ ߝߟߐ ߞߊ߬ ߘߋ߲ߡߌߛߍ߲ ߠߎ߬ ߡߊߞߟߌ߫ ߘߐ߰ߘߏ߲ ߡߊ߬ ߘߌ߲߬ߞߌߙߊ ߣߌ߲߬ ߠߊ߫.
