ߞߐߣߊߞߙߌ߫ ߘߓߊ߬ߕߊ ߕߟߋ߬ ߇/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߓߘߊ߫ ߖߏ߲߬ߖߏ߲ ߠߕߊ߬ߡߌ߲߫ ߖߌ߬ߣߍ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߡߊ߬، ߓߟߊ߬ߡߊ߬ߖߏ߲ߞߊ ߤߊߖߊ߬ ߞߊߙߌߡߊߕߊ߬ ߓߊߟߑߘߋ߬ ߊ߬ ߣߌ߫ ߕߌߖߊ߲ߣ ߞߋߕߊ߬ ߏ߬ ߟߎ߬ ߡߍ߲ ߠߎ߬ ߛߙߍߘߍߦߊߣߍ߲ ߖߌ߬ߣߍ߬ ߞߐߦߌ߬ߘߊ߬ ߞߊ߲ߡߊ߬ ߜߊ߬ߛߊ ߝߊ߬ߛߏ߬ߟߊ߬ߞߊ߫ ߞߍߞߏ߫ ߃߅ ߘߐ߫߸ ߡߍ߲ ߞߍߕߐ߫ ߡߐ߲ߕߙߋߦߊ߫ ߞߣߊߘߊ߫. ߞߍߕߐ߫ ߖߌ߬ߣߍ߫ ߘߎ߲߬ߘߎ߲߬ߡߊ߬ ߞߊߙߊ߲ߕߊ ߟߎ߬ ߟߊ߫ ߘߍ߬ߞߙߎ ߣߌ߫ ߛߌ߲ߘߌߘߊ߫ ߔߏߟ ߖ߭ߍߙߑߣߌ߫ ߟߊ߬ߖ߭ߎߥߊ߫( ߔߋ، ߖ߭ߋ، ߍߟ) ߟߊ߫ ߓߟߏߘߏ߲ߢߐ߲߰ߓߟߏ ߟߋ߬ ߞߣߐߡߊ߬. ߜߊ߬ߛߊ ߏ߬ ߘߐߘߏ߲߬ߣߍ߲߫ ߛߏ߬ߘߊ߲߬ߛߏ߬ߦߊ ߘߎ߬ߡߊ߬ߢߊߘߐ ߘߎ߲ߓߎߟߞߊ ߛߌߦߊߡߊ߲߫ ߠߋ߬ ߟߊ߫، ߞߵߏ߬ ߟߊ߫ ߝߊ߬ߙߊ߲߬ߛߌ߫ ߞߊ߲ ߠߊߖߊ߲ߞߏ ߞߊ߲߬ ߡߊ߲߬ߕߏ߲߬ߕߍ߬ ߖߟߐߞߐ ߟߎ߬ ߞߊ߲߬. ߡߊ߬ߡߌ߬ߘߊ߬ߟߌ߬ߟߊ ߝߌ߬ߟߊ ߕߘߍ߬ ߣߊ߬ߣߍ߲߫ ߖߏ߲߬ߖߏ߲ ߡߌ߬ߘߊ߬ ߟߊ߫ ߞߏߕߌ߯ ߝߟߐ ߕߍ߯ ߞߘߐ߫ ߏ߬ ߡߍ߲ ߦߴߊ߬ߟߎ߬ ߟߊ߫ ߗߋߦߊߟߌ߫ ߕߐ߰ߡߊ߬ߛߙߋ ߘߌ߫. ߞߵߏ߬ ߟߊ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߞߟߊߓߎߡߦߊߟߌ ߣߌ߫ ߘߎߓߊ ߞߊ߲߬ ߊ߬ߟߎ߬ ߢߍ߫، ߞߊ߬ ߞߐ߲߬ ߊ߬ߟߎ߬ ߟߊ߫ ߥߌ߬ߟߌ ߢߍ߫ ߜߛߊ߬ߢߐ߲߰ߦߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߘߊߘߐ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߐߦߌߘߊߓߊ߮ ߟߎ߬ ߟߐ߬ ߖߏ߲߬ߖߏ߲߫ ߝߊ߬ߛߏ߬ߟߊ߬ߞߊ ߣߌ߲߬ ߞߎ߲߬ߠߊ߬ߦߋߙߋ߲߫ ߠߊ߫، ߊ߬ ߣߌ߫ ߞߵߊ߬ߟߎ߬ ߟߐ߬ ߥߞߊ߬ߟߌ ߖߍ߬ߘߍ ߖߍ߬ߘߍ ߟߊ߫ ߞߊ߬ ߞߍ߫ ߛߏ߬ߘߊ߲߬ߛߏ ߘߌ߫. ߊ߬ ߞߊ߲߫ ߞߏ߫ ((ߒ ߞߎ߲ߠߊߦߋߙߋ߲ߣߍ߲ ߦߋ߫ ߖߏ߲߬ߖߏ߲ ߣߌ߲߬ ߘߏ߲߬ ߣߴߊߟߎ߫ ߓߟߏ߫ ߏ߬ ߡߍ߲ ߞߍߕߐ߫ ߓߊ߯ߙߊ ߓߍ߯ ߣߐ߰ߦߊ߬ ߟߴߊߟߎ߫ ߓߟߏ߫ ߞߊ߬ ߖߌ߬ߣߍ߬ ߞߎ߲߬ߠߊ߬ߦߋߙߋ߲߫ ߊߟߊ߫ ߊߟߎ߫ ߣߌ߫ ߤߙߊ߫ ߓߍ߲߬)) ߞߏߕߌ߯ ߝߟߐ ߟߊ߫ ߘߐߞߣߍߟߌ ߟߋ߬.
