ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߁߇/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߕߐ߲ߓߟߏߡߟߊ ߞߐߣߊߞߙߌ߫ ߕߌ߲߬ߞߎߘߎ߲߫ ߗߋߕߌ߯ߘߊ ߡߊ߬ߞߍ߬ ߦߙߐ ߞߎߘߊ ߘߊߦߟߍߟߌ ߢߊ߰ߢߊ߮ ߞߎ߲߬ߠߊ߬ ߛߌ߰ ߡߍ߲ ߡߊߞߍߣߍ߲߫ ߞߐ߬ߙߐ߲߬ߕߌ߲ ߞߊ߬ߟߎߡ ߞߊ߬ߝߏ߬ߙߋ߲ ߞߣߐ߫. ߏ߬ ߡߍ߲ ߟߐ߬ߣߍ߲߫ ߜߟߊ߬ߜߟߊ߬ ߁߃߂߀ ߘߎ߰ߞߣߍ߫ ߞߊ߲߬. ߛߊ߲ߓߏ߲ ߞߊ߬ߞߎ߬ߘߟߊ߬ߞߊ ߣߌ߲߬ ߦߋ߫ ߓߟߌߕߍ߫ ߞߋߟߋ߲߫ ߠߋ߬ ߘߌ߫، ߛߓߍߘߊ߫ ߂߄ ߣߴߊ߬ ߟߊ߫ ߡߍ߲ ߓߍ߯ ߞߣߐ߫ ߞߍߣߍ߲ ߘߌ߲߬ߞߌߙߊ ߖߐ߯ߙߊ߲ ߠߎ߬ ߟߊ߫߸ߏ߬ ߡߍ߲ ߓߍ߲߬ߣߍ߲߫ ߖߊ߯ߓߊߞߊ߲ߞߋߦߊ ߟߌ߬ߤߟߊ߬ ߘߐ߬ߞߏ ߟߎ߬ ߡߊ߬، ߡߍ߲ ߟߐ߬ߣߍ߲ ߡߊ߬ߡߙߊ߬ߟߌ ߣߌ߫ ߞߎ߲߬ߠߊ߬ߝߎߟߋ߲߫ ߡߙߊ߬ߦߊ ߛߌߟߊ ߡߊ߬. ߞߐߣߊߞߙߌ߫ ߕߌ߲ߞߎߘߎ߲ ߕߐ߲ߓߟߏߡߟߊ ߗߋߕߌ߯ߘߊ ߞߊ߬ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߓߏߟߏ߲ߓߐߟߌ߫ ߕߐ߲ߕߌ߮ ߊߓߘߎߙߊߤߡߊߣ ߛߊ߬ߣߐ߰، ߞߏ߫ ߕߊ߲ߓߊ߲ ߣߌ߲߬ ߢߊ߬ߕߣߐ߬ ߓߍߣߊ߬ ߥߙߊ߬ ߊ߬ ߟߊߢߌߣߌ߲ ߡߊ߬ߡߙߊ߬ߟߌ ߛߌߟߊ ߝߍ߬، ߣߌ߲߬ ߦߋ߫ ߓߘߍ߬ߓߘߍ߬ߟߌ ߛߣߐ߬ߡߍ߬ߘߐ߬ߦߊ ߥߍ߬ߣߍ ߟߋ߬ ߘߌ߫ ߡߍ߲ ߟߐ߬ߣߍ߲߫ ߘߎ߰ߘߋ߲ ߠߎ߬ ߞߎ߲߬ߠߊ߬ߝߎߟߋ߲ ߡߊ߬߸ ߞߊ߬ ߞߎߓߋߘߊ ߘߎ߰ߘߋ߲ ߠߎ߬ ߟߊߞߊ߲ߘߊ߫. ߕߊ߯ߝߊߘߌ߫ ߞߋߟߋ߲ ߏ߬ ߘߐ߫، ߞߊߡߊ߲߫ ߞߋߟߋ߲߫ ߏ߬ ߞߣߐ߫ ߣߊ߲߬ߒ߬ߕߊ߲߫ ߞߎ߲߬ߠߊ߬ߝߎߟߋ߲߫ ߞߏߕߌ߮ ߞߟߍ߬ߕߌ߮ ߊߤߊߡߍߘ ߡߐߡߍߘ ߎߙߌ߬ ߖߊߟߏ߫، ߏ߬ ߘߐߞߣߍ߫ ߘߊ߫ ߓߊ߬؟ (( ߕߐ߲ߓߟߏߡߊ ߟߎ߬ ߟߵߊ߲ ߓߟߏ߫ ߡߍ߲ ߠߎ߬ ߦߴߊ߬ߟߎ߬ ߟߊ߫ ߗߋߢߊ ߢߊ߬ ߟߊ߫ ߖߘߍ߬ߕߌ߰ߦߊ ߘߐ߫ ߊ߬ ߣߌ߫ ߛߋߞߏߦߊ ߟߎ߬ ߓߍ߲߬ߒ߬ߢߐ߲߰ߡߊ ߞߵߊ߬ ߓߍ߲߬ ߟߊߡߌߣߌ߲ ߠߎ߬ ߛߊߣߌߧߊ ߡߊ߬ ߛߋߞߏ ߟߎ߬ ߝߊ߲߬ߞߊߘߏ߲߲߬ ߞߊ߲߬)) ߞߏߕߌ߯ ߝߟߐ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߟߐ߬ߟߌ߫ ߖߎ߬ߓߐ߫ ߛߎߡߊ߲ߠߌ߲ ߕߊ߬ߡߌ߲߬ߣߍ߲ ߠߋ߬ ߊ߬ ߞߊߓߋ ߞߊ߲߬. ߏ߬ ߢߊ߬ߕߣߐ ߦߋ߫ ߞߊ߬ߝߏ ߡߙߊ߬ߦߊ ߟߎ߬ ߟߊ߫ ߟߊ߬ߘߏ߲߬ߠߌ߲ ߘߐ߫، ߞߵߊ߬ ߟߊߥߟߌ߬ ߓߍߓߊ߯ߦߊ ߞߐߡߊߓߌ߲ߓߌ߲ߠߌ߲ ߝߊ߲߬ߞߊߘߏ߲߭ ߡߊ߬ ߘߎ߰ߞߣߍ ߣߌ߫ ߓߊ߲ߓߊ߲ߠߌ߲ ߘߐ߫ ߟߊ߲ߒߠߦߊ ߓߊ߲ߓߊ߲ ߘߐ߫، ߘߎ߰ߘߋ߲ ߠߎ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߣߌ߫ ߢߐ߲߯ ߕߍ߫. ߏ߬ ߞߐ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߡߊ߬ߜߟߍ߬ߦߊ߬ ߞߏ߫ ߞߊ߬ߝߏ ߟߊ߫ ߟߊ߬ߘߌ߬ߢߍ߬ߟߌ ߛߌ߰ߣߍ߲ ߥߛߊ߬ߘߊ߰ߕߌ߮ ߟߎ߬ ߟߊ߫ ߘߡߊߝߊߟߋ߲ ߠߋ߬ ߞߍ߫ ߟߊ߫ ߛߊߓߎ߫ ߘߌ߫ ߞߊ߬ ߡߐ߱ ߟߎ߬ ߟߐ߬ ߛߊ߬ߙߌ߬ߦߊ߫ ߡߊ߬ߓߏ߬ߢߊ ߟߊ߫.
