ߞߐߣߊߞߙߌ߫ ߘߓߊ߬ߕߊ߫ ߕߟߋ߬ ߅/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߕߘߍ߬ ߥߊߣߍ߲߫ ߓߊ߯ߙߊ߫ ߓߐߒߡߊߟߌ߫ ߘߏ߫ ߞߊ߲ߡߊ߬ ߛߊߣߌߧߊ ߣߌ߫ ߥߋ߲߬ߛߋ߲߬ߡߊ ߣߌ߫ ߖߋ߬ߣߌ߲߬ߕߊ ߞߏߕߌ߯ߘߊ ߟߊ߫، ߢߐ߲߯ߓߍ߲ ߣߌ߲߬ ߞߎ߲߬ߕߋߟߋ߲ ߠߋ߬ ߖߙߎߡߎ߲ߦߟߍߡߊ߲ ߖߘߍ߬ߘߏ߲߬ߒ߬ߞߊ߲߬ߡߊ ߘߌ߫، ߞߵߊ߬ ߓߍ߲߬ ߟߊߢߊ߬ߟߌ ߟߊߘߏ߲߭ ߡߊ߬ ߖߌ߬ߣߍ߫ ߢߡߊ߬ߞߏ ߟߎ߬ ߡߊ߬ߡߙߊ ߘߐ߫. ߊ߬ ߟߊ߫ ߓߍ߲߬ ߘߊ߫ ߓߏߟߏ߲ߝߘߊ߫ ߞߏߕߌ߯ ߊߓߎߓߞߊߙ ߞߡߊ߬ߙߊ߫ ߟߋ߬ ߓߟߏ߫.ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߏ߬ ߦߋ߫ ߤߊߞߍ ߦߌ߬ߘߊ߬ߕߊ߫ ߟߋ߬ ߘߌ߫ ߡߍ߲ ߕߐ߬ߝߍ߬ߦߊ ߦߴߊ߬ ߞߊ߲߬ ߞߊ߬ ߓߟߏߟߊߕߎ߲߰. ߞߵߊ߬ ߓߍ߲߬ ߞߘߎ߬ߜߍߟߍ߲߫ ߛߏ߯ߙߏߦߊߣߍ߲ ߡߊ߬ ߞߵߏ߬ ߓߍ߯ ߟߊ߫ ߖߊ߬ߕߋ߬ߡߌ߬ߘߊ߬ ߟߎ߬ ߞߊ߲߬. ߞߵߊ߬ ߓߍ߲߬ ߞߘߎ߬ߜߍߟߍ߲ ߛߏ߯ߙߏߦߊߣߍ߲ ߘߊߞߎ߲߫ ߘߊ߲ߘߐ߫ ߢߌ߲߬ ߠߎ߬ ߡߊ߬߸ ߓߊ߯ߙߊ߫ ߓߟߏߦߕߊ ߟߎ߬ ߓߐߢߟߊ ߘߐ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߓߍ߲߬ߒ߬ߛߋ߲߬ߡߊ ߏ߬ ߕߣߐ߬ߓߐ߫߸ ߞߊ߬ ߕߐ߬ߝߍ߬ߦߊ߬ߟߌ ߞߍ߫ ߞߏ ߞߍߕߊ ߟߎ߬ ߞߊ߲߬، ߞߵߊ߬ ߓߍ߲߬ ߞߘߎ߬ߜߍߟߍ߲ ߠߎ߬ ߛߏ߯ߙߏߢߊ ߡߊ߬. ߡߊ߬ߘߎ߰ ߡߊߘߊ߲ߣߍ߲ ߠߎ߬ ߘߐ߫، ߞߊ߬ ߛߋߞߏߦߊ ߟߎ߬ ߝߊ߲߬ߞߊߘߏ߲߬ ߝߘߏ߬ߓߊ߫ ߓߘߍ߬ߓߘߍ߬ߟߌ ߛߌߟߊ ߝߍ߬߸ ߛߊߣߌߧߊ ߞߊߡߊ߲ ߘߐ߫ ߓߊ߯ߙߊ ߥߊ߯ߕߌߣߍ߲ ߏ߬ ߞߣߐ߫. ߘߡߊߝߊߟߋ߲ ߏ߬ ߞߎߡߊ߫ ߘߊ߫ ߓߊ߯ߙߊ ߟߊ߫ ߢߍߕߊ߮ ߞߊ߲߬ ߊ߬ ߣߌ߫ ߞߎ߲߬ߦߌ߬ߘߊ߬ߟߌ ߟߎ߬ ߞߐߡߊߓߌ߲ߓߌ߲. ߞߵߏ߬ ߓߍ߯ ߟߊ߫ ߡߊߣߌߦߊ߫ ߞߣߍ ߟߊ߫ ߞߏ ߞߊ߲߬߸ ߞߊ߬ ߘߡߊߝߊߟߋ߲ ߞߍ߫ ߛߊߣߌߧߊ߫ ߞߟߍ߬ߦߊ߫ ߝߊ߬ߛߏ߬ߟߊ߬ߞߊ ߞߊ߲߬߸ ߞߊ߬ ߘߐ߬ߜߟߍ߬ߦߊ߬ߟߌ ߖߍ߬ߘߍ ߖߍ߬ߘߍ ߞߍ߫ ߊ߬ ߘߐ߫߸ ߞߵߊ߬ ߓߍ߲߬ ߞߟߊߓߎߘߏ߲ߠߌ߲ ߦߙߍߞߍߟߌ ߡߊ߬. ߊ߬ ߣߌ߫ ߘߋ߲߬ߞߊ ߟߎ߬ ߞߣߐ ߘߓߐ ߛߡߊ߬ߘߏ߲߬ߘߊ ߢߌ߲߬ ߠߊ߫. ߛߊ߫ ߞߊ߬ ߖߌߓߐ ߡߊߕߊ߲߬ߞߊ߬، ߞߊ߬ ߡߌ߬ߘߌ߲߬ߘߌ ߛߌ߰ ߝߊߘߌ ߟߊߢߊ߬. ߛߊߣߌߧߊ ߣߌ߫ ߥߋ߲߬ߛߋ߲߬ߡߊ ߣߌ߫ ߖߋ߬ߣߌ߲߬ߕߊ ߟߎ߬ ߞߏߕߌ߮ ߞߊ߬ ߥߟߊߥߟߊߟߌ ߞߍ߫ ߞߵߊ߬ ߓߍ߲߬ ߟߥߊ߬ߟߌ߬ߟߌ ߞߍߢߊ ߡߊ߬ ߜߟߍ߬ߦߊ ߕߎ߬ߡߊ ߣߌ߲߬ ߠߊ߫. ߞߊ߬ ߟߐ߬ ߛߋ߲ߞߏߟߦߊ ߝߍ߬ߙߍ ߟߎ߬ ߛߌ߰ ߡߊ߬ ߛߋ߲߬ߞߊ߲߬ ߡߐ߰ߦߊ ߟߊߛߓߊ߬ߕߌ ߛߌߟߊ ߝߍ߬. ߞߵߏ߬ ߓߍ߯ ߟߊ߫ ߘߌ߲߬ߞߌߙߊ ߘߍ߬ߞߏ߬ߦߊ ߘߏ߲߬ߖߟߎ߬ߡߊ߬ߟߌ ߞߊ߲߬ ߘߎ߲߬ߘߎ߲߬ߡߊ߬ ߡߊߘߎ߯ ߥߊ߬ߣߊ ߟߎ߬ ߟߊ߫ ߞߏ ߞߘߐߓߌ߲ߓߌ߲ߠߌ߲ ߛߌߟߊ ߝߍ߬.
ߞߏߕߌ߯ ߝߟߐ ߞߵߊ߬ ߥߍ߬ߣߍ ߣߴߊ߬ ߛߋߞߏߦߊ ߦߌ߬ߘߊ߬ ߡߙߊ߬ߦߊ ߝߊ߲߬ߞߊߘߏ߲߬ߠߌ߲ ߘߐ߫، ߞߵߊ߬ ߟߐ߬ ߦߙߍߞߍߟߌ ߞߍߢߊ ߡߊ߬. ߞߊ߬ ߘߐ߬ߞߣߍ߬ߟߌ ߞߣߍ ߞߎߘߊ߫ ߘߊߓߐ߫. ߞߊߕߙߍ߬ߕߍ߫ ߢߊ߬ߕߣߐ߬ ߓߘߍ ߟߎ߬ ߘߐߓߍ߲߭ ߡߊ߬، ߞߣߐߘߐ߫ ߛߐ߬ߘߐ߲߬ߘߊ ߟߎ߬ ߞߙߎߝߊߟߌ ߣߴߊ߬ߟߎ߬ ߞߐߡߊߓߌ߲ߓߌ߲ߠߌ߲ ߡߊ߬ ߛߊߣߌߧߊ߫ ߓߘߍ߬ߓߘߍ߬ߟߌ ߝߊ߬ߛߏ߬ߟߊ߬ߞߊ ߛߌߟߊ ߝߍ߬.
