ߞߐߣߊߞߙߌ߫ ߘߓߊ߬ߕߊ ߕߟߋ߬ ߅/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߞߢߐ߬ߡߊ߬ߟߌ߫ ߘߏ߫ ߞߍ߫، ߞߵߊ߬ ߓߍ߲߬ ߞߙߎߝߓߊ ߡߊ߲߬ߕߏ߲߬ߕߍ߬ߟߊ߬ߞߊ ߟߊ߫ ߗߋߦߊߟߌ ߣߊ߭ ߡߊ߬ ߡߐ߰ߦߊ ߤߊߞߍ ߡߞߊߘߊ߲ ߘߐ߫. ߏ߬ ߡߍ߲ ߢߍߡߌ߬ߘߊ߬ߣߍ߲ ߞߊ߲ߕߌ߯ ߛߙߍߞߍ ߓߟߏ߫ ߖ߭ߊ߲߭ ߞߟߏߘ ߞߊߕߊ߲ߘߋ߫. ߏ߬ ߡߍ߲ ߣߊ߬ ߞߎ߲ ߦߋ߫ ߓߊ߯ߙߊ ߗߋߢߊ ߘߌ߫ ߖߌ߬ߣߍ߬ ߞߊ߲ߓߍ߲ ߞߣߐ߫. ߞߊ߬ ߍߝ ߌ ߘߋ ߤߊߛ ߟߊ߫ ߗߋߦߊߟߌ߫ ߞߎߘߎ߲ ߝߊ߲߭ ߘߏ߫ ߢߣߊߓߊ߯ߦߊ߫ ߊ߬ ߣߌ߫ ߡߙߊ߬ߦߊ߫ ߝߊ߬ߛߏ߬ߟߊ߬ߞߊ ߟߎ߬، ߊ߬ ߣߌ߫ ߣߊ߲߬ߒ߬ߕߊ߲߬ ߘߍ ߛߌ߲߬ߝߏ߲߬ߧߊ߬ߟߌ ߟߎ߬، ߞߵߏ߬ ߓߍ߯ ߟߊ߫ ߕߍߓߊ߯ߦߊ߫ ߣߝߊ߬ߢߐ߲߮ ߠߎ߬ ߞߊ߲߬. ߞߵߊ߬ ߟߐ߬ ߘߡߊߝߊߟߋ߲ ߡߊ߬ ߡߍ߲ ߦߋ߫ ߥߊ߫ ߟߊ߫ ߖߡߊ߬ߣߊ߫ ߓߘߍ߬ߓߘߍ߬ߟߌ ߘߍ߭ ߕߊ߯ ߓߟߏ ߟߌ߬ߤߟߊ ߡߊ߬، ߊ߬ ߣߌ߫ ߞߘߎ߬ߜߍߟߍ߲ ߡߍ߲ ߠߎ߬ ߟߐ߬ߣߍ߲߫ ߡߐ߰ߦߊ ߤߊߞߍ ߟߊ߬ߞߊ߲߬ߘߊ߬ߟߌ ߣߴߊ߬ ߟߊ߬ߖߊ߲߬ߞߏ߬ߟߌ ߡߊ߬. ߍߝ ߌ ߘߋ ߤߊߛ ߞߐߦߌߘߊߓߊ߯ ߟߎ߬ ߞߊ߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߓߊ߯ߙߊ ߟߊ߫ ߢߍߕߊ߮ ߟߊߞߎ߲߬ߘߎ߲߬ߣߍ߲ ߠߎ߬ ߡߊ߬ ߖߌ߬ߣߍ߬ ߞߣߐ߫߸ߞߊߕߙߍ߬ߕߍ߫ ߞߵߊ߬ ߓߍ߲߬ ߛߊ߬ߙߌ߬ߦߊ ߛߌ߰ߞߊ߲ ߞߎ߬ߙߎ߲߬ߘߎ ߡߊ߬ ߊ߬ ߣߌ߫ ߞߊ߬ ߖߊ߲߬ߞߌ߲߬ߓߊ߬ߟߌ߬ߦߊ߫ ߞߟߍ߬، ߊ߬ ߜߋ߲ߜߋ߲߫ ߕߎߟߊߝߌ߲߫ ߕߋ߬ߟߋ߫ ߂߈/ ߂߀߀߉ ߖߊ߲߬ߖߏ߲ ߏ߬ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߕߋߟߋ߲ߓߊ߯ߦߊ ߛߋ߲߬ߕߊ߰ ߓߟߋߓߟߋ ߦߌ߬ߘߊ߬ߟߊ߲ ߘߌ߫. ߗߋߦߊߟߌ ߞߵߊ߬ ߤߊߡߌ߲ ߠߎ߬ ߘߐ߫ ߞߘߎ߬ߜߍߟߍ߲ ߟߊ߲ߞߣߍߡߦߊ߫ ߞߵߊ߬ ߟߐ߬ ߢߌ߬ߣߌ߲߬ߞߊ߬ߟߌ ߘߏ߫ ߟߎ߫ ߖߊ߬ߓߌ ߡߊ߬߸ ߞߊߕߙߍ߬ߕߍ߫ ߞߏߕߐ ߇߅߀ ߟߎ߬ ߟߊ߫ ߢߍ߬ߢߌ߲߬ߘߐ߬ߓߍ߲ ߞߏ ߟߎ߬ ߡߊ߬ ߕߎߟߊߝߌ߲߫ ߕߋ߬ߟߋ߫ ߂߈ ߠߊ߫. ߞߊ߬ ߝߘߏ߬ߓߊ߬ ߞߣߍ ߟߎ߬ ߟߊ߬ߡߙߊ߬ߟߌ ߓߊ߲ߓߊ߲߫. ߞߊߕߙߍ߬ߕߍ߫ ߞߊ߲ߠߊߓߌߟߊ ߓߊߖߎ ߟߎ߬ ߓߟߏߡߦߊ ߡߊ߬߸ߞߌ߬ߓߊ߬ߙߏ߬ߦߊ߬ߟߌ ߞߊ߲ߠߊߓߌߟߊ ߣߌ߫ ߡߊ߬ߞߟߍ߬ߟߌ ߣߌ߫ ߝߎ߬ߙߎ߲߬ߞߎ߬ߟߌ ߛߊ߬ߙߌ߬ߦߊ ߟߎ߬
ߞߏߕߌ߯ ߝߟߐ ߞߊ߬ ߖߘߍ߬ߘߏ߲߬ߒ߬ߞߊ߲߬ߡߊ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߞߎ߲߬ߠߊ߬ߛߌ߮ ߕߊ߫ ߞߎ߲߬ ߠߊ߫. ߞߏ߫ ߊ߬ߟߎ߬ ߘߌߣߊ߬ ߖߙߎߡߎ߲ߦߟߍߡߊ߲߫ ߘߊߓߐߣߍ߲߫ ߓߟߏߟߊߕߎ߲߰، ߞߵߊ߬ ߓߍ߲߬ ߡߐ߰ߦߊ ߤߊߞߍ ߡߊߓߏ߬ߢߊ ߡߊ߬ ߞߊ߬ߝߏ ߤߊߞߍ ߟߎ߬ ߓߐߒߢߟߊ ߘߐ߫. ߓߍ߯ ߟߊߘߍ߲߬ߣߍ߲ ߘߐߓߍ߲߬ߣߍ߲߫ ߘߊߘߐߝߙߊߢߐ߲߯ߦߊ ߢߍ߫ ߊ߬ ߣߌ߫ ߣߝߊ߬ߢߐ߲߮ ߝߊ߬ߛߏ߬ߟߊ߬ߞߊ ߟߎ߬ ߣߌ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߎ߬.
