ߞߐߣߊߞߙߌ߫ ߥߊ߬ߛߌߥߊ߬ߙߊ ߕߟߋ߬ ߃/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߛߟߊߕߌ߯ ߊߡߊߘߎ߫ ߎߙߌ߬ ߓߊ ߞߊ߬ ߓߍߟߑߖ߭ߌߞ ߝߊ߰ߡߊ߬ߟߊ ߟߊߘߍ߬ߣߍ߲ ߠߊ߫ ߟߊ߬ߛߌ߰ߘߋ߲ ߠߊߛߣߍ߫ ߡߍ߲ ߡߊߞߍߣߍ߲߫ ߖߌ߬ߣߍ߬ ߞߊ߲ߓߍ߲ ߞߣߐ߫. ߛߟߊߕߌ߯ ߏߟߌߝ߭ߌߦߋ ߖߌߣߏ߫ ߕߘߍ߬ ߡߊߟߐ߬ߣߍ߲߫ ߊ߬ ߘߍ߬ߢߐ߲߮ ߠߎ߬ ߟߋ߬ ߓߟߏ߫. ߘߡߊߝߊߟߋ߲߫ ߞߊ߬ ߝߊ߲߬ߞߊ߬ߘߏ߲߬ߠߌ߲ ߞߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߕߍߓߊ߯ߦߊ ߟߊ߫߸ ߖߌ߬ߣߍ߬ ߣߌ߫ ߓߍߟߑߖ߭ߌߞ ߕߍ߫. ߞߵߏ߬ ߟߊ߫ ߞߟߍ߬ߦߊ߫ ߓߟߏߓߘߍߡߦߊߣߍ߲ ߞߊ߲߬ ߖߡߊ߬ߣߊ ߟߊ߫ ߥߙߎߞߌ ߘߐ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬ ߟߊ߬ߛߌ߰ߘߋ߲ ߞߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߖߎ߬ߟߊ߬ߦߊ߫ ߛߌ߲߬ߝߏ߲߬ߧߊ߬ߟߌ ߟߊ߫ ߗߋߦߊߟߌ߫ ߣߝߊ߬ߡߊ ߞߏߛߐ߲߬. ߊ߬ ߣߌ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߖߊ߬ߕߋ߬ߛߌ߰ߣߍ߲ ߕߎߟߊߝߌ߲߫ ߕߟߋ߬ ߁߀ ߣߌ߫ ߁߅ ߟߎ߬ ߣߊ߬ߕߐ ߡߊ߬߸ ߗߋߦߊߟߌ ߏ߬ ߓߍߣߊ߬ ߓߍߟߑߖ߭ߌߞ ߣߊ߲߬ߝߟߏ߬ߘߏ߲߬ߘߊ߬ߟߊ ߛߌߦߊߡߊ߲߫ ߠߊߘߍ߬. ߞߵߏ߬ ߟߊ߫ ߥߊߟߌߝߊ ߟߎ߬ ߞߊ߲߬. ߖߌ߬ߣߍ߬ߞߊ ߣߌ߫ ߓߍߟߑߖ߭ߌߞߊ ߟߎ߬ ߘߐ߫. ߛߊ߫ ߊ߬ߟߎ߬ ߘߴߊ߬ߟߎ߬ ߕߊ ߡߊ߬ߝߊ߲ ߞߍ߫ ߖߌ߬ߣߍ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊߥߙߎߞߌ ߡߊ߬ߡߊ߬ߟߊ ߘߐ߫. ߡߊ߬ߓߏ߬ߢߊ߬ߕߊ ߛߟߊߕߌ߯ ߏߟߌߝ߭ߌߦߋ߫ ߖߌߣߏߏ ߞߊ߬ ߓߍ߲߬ߒ߬ߛߋ߲߬ߡߊ ߛߌߦߊߡߊ߲߫ ߓߌ߬ߟߊ߬ ߞߣߍ ߞߊ߲߬ ߛߌߡߊ߲ߘߎ߯ ߂߀߄߀ ߢߍߥߟߊ߫ ߘߐ߫. ߞߊߕߙߍ߬ߕߍ߫ ߛߣߍ߬ߞߍ ߣߌ߫ ߡߊ߬ߘߏ߬ߠߌ߲߬ߠߌ߲ ߡߊ߬ߘߎ߮ ߡߊ߬. ߞߵߏ߬ ߟߊ߫ ߖߎ߬ߓߐ ߣߌ߫ ߜߟߐߡߌ߲ߦߊ߫ ߝߙߌߛߌߡߊ ߞߊ߲߬. ߊ߬ ߣߌ߫ ߡߐ߬ߟߐ߲߬ߡߦߊ߬ߟߌ ߖߟߐ߬ߞߐ ߝߊ߲߬ߞߊߘߏ߲߭. ߝߘߏ߬ߓߊ߬ ߓߊ߯ߙߊ ߟߎ߬، ߣߌ߫ ߖߎ߬ߓߐ ߟߊߞߎ߲ߣߍ߲ ߠߎ߬.
ߞߏߕߌ߯ ߝߟߐ ߞߊ߬ ߞߎߟߎ߲ߖߋߟߌ߫ ߞߍ߫ ߞߎ߲߬ߦߌ߬ߘߊ߬ߟߌ ߏ߬ ߟߊ߫߸ ߏ߬ ߡߍ߲ ߞߎ߲߬ߕߋߟߋ߲ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߘߌ߫. ߞߵߏ߬ ߦߋ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߡߙߌߣߊ߲ ߠߋ߬ ߘߌ߫. ߞߊ߬ ߞߎ߲߬ߠߊ߬ߛߌ߮ ߟߊ߫ ߥߞߊ߬ߟߌ ߞߐߡߊߓߌ߲ߓߌ߲߫ ߣߊ߲߬ߝߟߏ߬ߘߏ߲߬ߘߊ߬ߟߊ ߣߝߊ߬ߢߐ߲߰ߦߊ ߟߎ߬ ߟߊ߫. ߛߊ߫ ߓߍ߯ ߘߴߌ ߕߊ ߡߊ߬ߝߊ߲ ߞߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߎ߲ߡߕߊ ߟߊߘߊ߲ ߘߐ߫ ߖߌ߬ߣߍ߬ ߟߊ߫ ߥߙߎߞߌ ߛߌߟߊ ߞߊ߲߬.
