ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߆/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߦߋ߫ ߊߓߌߖߊ߲߫ ߕߊ߯ ߛߌߟߊ߫ ߟߊ߫، ߞߊ߬ ߕߊ߯ ߞߊ߬ߝߏ ߞߎ߲߬ߕߌ߮ ߞߊ߲ߓߍ߲ ߞߊ߲ߕߌ߮ ߛߟߊߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߐߦߌ߬ߘߊ߬ ߜߋ߲ߞߐ߰ߖߌ߬ߘߊ߫ ߞߊ߲ߓߍ߲ ߠߊ߫ ߘߍ߲ߖߘߍߟߦߊ߫ ߘߐ߫، ߘߓߊ߬ߓߌߟߊ ߆ ߣߌ߫ ߇ ߟߊ߫ ߂߀߂߆ ߞߎ߲߬ߠߊ߬ߛߌ߮ ߞߎ߲߬ߕߌ߮ ߡߊߟߐ߬ ߘߊ߫ ߝߘߏ߬ߓߊ߬ ߗߋߦߊߟߌ߫ ߕߣߐ߬ߡߊ߬ߓߊ ߟߋ߬ ߓߟߏ߫.
ߏ߬ ߡߍ߲ ߘߐߘߏ߲߬ߣߍ߲߫ ߞߐߞߊ߲ߞߏ ߟߎ߬ ߞߏߕߌ߮ ߞߏ߲߬ߓߏ ߡߏ߬ߙߌ߬ߛߊ߲ߘߊ߫ ߞߎߦߊߕߍ߫ ߣߌ߫ ߊ߬ ߣߌ߫ ߝߊ߲߬ߝߘߊ߬ߦߊ߬ߟߌ ߣߌ߫ ߕߍߓߊ߯ߦߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߣߌ߫ ߥߙߎߞߌ ߞߏߕߌ߮ ߌߛߎߡߊߦߍߟ ߣߊ߰ߓߋ ߡߊ߬ߡߙߊ߬ߟߌ ߣߌ߫ ߢߊߞߎߘߦߊߟߌ ߝߘߏ߬ߓߊ߬ ߗߋߢߊ ߞߏߕߌ߮، ߊ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮ ߝߊ߬ߙߊ߲߬ߛߎߥߊ߫ ߓߙߎߣߏ߫، ߊ߬ ߣߌ߫ ߞߎߓߋߘߐ ߗߋߕߌ߮ ߛߙߍߞߍ ߊ߬ ߣߌ߫ ߞߊ߬ߝߏ ߡߊ߬ߞߟߐ ߛߊ߲ߘߐ ߛߌߦߊߡߊ߲߫.
ߢߌ߬ߣߊ߲ ߛߊ߲߭ ߢߌ߲߬ ߠߊ߫ ߖߌ߬ߣߍ߬ ߞߊ߲ߓߍ߲ ߦߋ߫ ߖߡߊ߬ߣߊ߬ ߡߊߞߟߌߣߍ߲ ߝߌ߬ߟߊ ߘߐ߫، ߞߎ߬ߠߊ߬ߦߋߙߋ߲߫ ߝߌߟߊߣߊ߲ ߘߌ߫ ߊ߬ߟߋߣߌ߫ߓߋߣߍ߲߫ ߏ߬ ߣߌ߫ ߜ߭ߊߓߐ߲ ߣߌ߫ ߍ߲ߘ ߞߊ߲ߓߍ߲ (ߖߊ߲߬ߖߏ߲ ߞߎ߲߬ߕߐ߮ ߟߋ߬ ߟߊ߬ߞߊ߲߬ߘߊ߬ߟߌ ߞߎ߲߬ߠߊ߬ߝߎߟߋ߲߫ ߝߊ߲ߞߊ ߖߐ ߣߌ߫ ߓߍ߲߭ ߣߌ߫ ߥߙߎߞߌ ߟߊߛߓߊ߬ߕߌ ߗߋߢߊ ߓߟߏߡߊ߬. ߏ߬ ߘߐ߫ ߣߊ߲߬ߕߌ߮ ߟߎ߬ ߣߌ߫ ߣߊ߲߬ߒ߬ߕߊ߲ ߠߎ߬ ߟߊ߫ ߓߙߊߓߐ ߖߊ߬ߕߋ߬ߛߌ߰ߣߍ߲߫ ߊ߬ ߞߣߐ߫ ߟߋ߬، ߊ߬ ߣߌ߫ ߛߐ߲ߠߌ߲ߦߊ ߟߎ߬ ߦߌ߬ߘߊ߬ߟߌ، ߢߣߊߓߊ߯ߦߊߟߌ ߣߌ߲߬ ߦߋ߫ ߢߐ߲߯ߘߍߡߍ߲ ߣߌ߫ ߕߋߙߌߦߊ ߣߌ߫ ߕߍߓߊ߯ߦߊ߫ ߕߐ߰ߡߊ߬ߛߙߋ ߟߋ߬ ߘߌ߫، ߖߌ߬ߣߍ߬ ߣߌ߫ ߜߋ߲ߞߐ߰ߖߌ߬ߘߊ ߕߍ߫.
ߞߊ߲ߓߍ߲ ߞߊ߲ߕߌ߮ ߟߊ߫ ߖߡߊ߬ߙߌ ߞߣߐߡߊ߬، ߊ߬ ߣߴߊ߬ ߞߘߐ߬ߗߍ ߜߋ߲ߞߐ߰ߖߌ߬ߘߟߊ߬ߞߊ ߊߟߊߛߊߣ ߥߕߊߙߊ߫، ߕߍߓߊ߯ߦߊ߫ ߝߊ߲߬ߝߌ߬ߟߊ߬ߡߊ ߏ߬ ߦߋ߫ ߕߏ߰ߝߏ ߡߊ߬ߡߊ߬ߟߊ ߘߌ߫ ߕߣߐ߬ߡߊ ߟߋ߬ ߘߌ߫. ߖߡߊ߬ߣߊ ߝߌ߬ߟߊ ߓߘߊ߫ ߕߍߓߊ߯ߦߊ߫ ߘߐߓߎ߯، ߏ߬ ߦߋ߫ ߞߘߎ߬ߜߍߟߍ߲ ߕߌ߲ߞߎ߬ߘߎ߲߬ߠߊ߬ߞߊ ߟߋ߬ ߘߌ߫، ߖߎ߬ߓߐ ߞߟߍ߬ߦߊ ߡߊ߬ߘߎ߮ ߘߐ߫، ߟߊ߬ߞߊ߲߬ߘߊ߬ߟߌ ߘߐ߫، ߜߟߐߡߌ߲ߦߊ ߘߐ߫، ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ ߞߏ ߕߐ߬ߡߊ ߓߍ߯ ߘߐ߫. ߞߊ߬ ߓߍ߲߬ ߗߋߦߊߟߌ߫ ߢߍߡߌ߬ߣߊ߬ߣߍ߲ ߡߊ߬ ߞߏߕߌ߯ ߝߟߐ ߓߟߏ߫، ߖߌ߬ߣߍ߬ ߦߴߊ߬ ߟߊ߫ ߕߋߙߌߦߊ ߣߴߊ߬ ߟߊ߫ ߣߝߊ߬ߢߐ߲߰ߦߊ ߓߊ߲ߓߊ߲߫ ߠߊ߫ ߊ߬ ߣߌ߫ ߜߋ߲ߞߐ߰ߖߌ߬ߘߊ ߕߍ߫، ߊ߬ ߣߌ߫ ߕߌ߲߬ߞߎߘߎ߲߫ ߖߐ ߟߊߞߊ߲ߘߊ ߣߌ߫ ߓߍ߲߭ ߛߓߊ߬ߕߌ ߓߟߏߡߊ߬، ߊ߬ ߣߌ߫ ߡߊ߬ߝߊ ߣߌ߫ ߝߘߊ߬ߝߌ߲߬ߠߊ߫ ߟߊ߫ ߞߍߞߋߟߋ߲ߘߌ ߟߊߛߓߊ߬ߕߌ ߛߌߟߊ ߝߍ߬.
