ߞߐߣߊߞߙߌ߫ ߘߓߊ߬ߕߊ ߕߟߋ߬ ߅/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߞߟߊ߬ߣߐ߰ߦߊ߬ߟߌ ߘߏ߫ ߢߍߡߌߘߊߟߌ ߞߍ߫ ߞߵߊ߬ ߓߍ߲߬ ߓߍ߲߬ߒ߬ߘߐ ߓߐߒߡߕߊ ߟߎ߬ ߡߊ߬ ߓߟߏߓߘߍߡߦߊ ߞߏ ߘߐ߫ ߊ߬ ߣߌ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬، ߞߏߕߌ߯ ߕߍ ߟߊߘߍ ߘߏ߫ ߛߋ߲߬ߝߍ߬، ߞߎ߲߬ߦߌ߬ߘߊ߬ߟߌ ߣߌ߲߬ ߦߋ߫ ߞߎ߲߬ߠߊ߬ߛߌ߮ ߥߣߍ߬ ߛߊߣߌ߲ ߠߋ߬ ߦߌ߬ߘߊ߬ ߟߊ߫، ߞߵߊ߬ ߓߍ߲߬ ߛߋ߲ߞߏߦߊ ߟߎ߬ ߝߊ߲߬ߞߊߘߏ߲߬ߠߌ߲ ߡߊ߬ ߝߘߏ߬ߓߊ߬ ߞߍߥߊߟߌ ߟߎ߬ ߘߐ߫، ߞߊ߬ ߟߥߊ߬ߟߌ߬ߟߌ ߗߋߢߊ ߟߎ߬ ߟߊߢߊ߬ ߘߎ߰ߘߋ߲ ߠߎ߬ ߢߍ߫، ߊ߬ ߣߌ߫ ߞߊ߬ ߕߣߐ߬ ߛߐ߬ߘߐ߲߬ ߦߙߐ ߟߎ߬ ߟߊ߲ߞߣߍߡߦߊ߫ ߟߐ߲ߠߌ߲ߦߊ ߣߌ߫ ߓߟߏߓߘߍߡߦߊ ߓߊ߲ߓߊ߲ ߞߊ߲ߡߊ߬ ߡߊ߬ߡߙߊ߬ߟߌ ߘߐ߫. ߊ߬ ߞߎ߲߬ߕߋߟߋ߲ ߠߋ߬ ߞߎ߲߬ߠߊ߬ߛߌ߮ ߟߊ߫ ߟߊ߬ߛߌ߲߰ߠߌ߲ ߗߋߛߓߍ ߟߎ߬ ߞߣߐߘߐ ߟߥߊߟߌ ߘߴߊ߬ ߢߊ߫ ߓߘߍ ߡߊ߬ ߡߍ߲ ߘߌ߫ ߘߊ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߡߊ߬، ߣߴߏ߬ ߟߐ߯ߕߍ߫ ߘߊ߲ߘߐ ߦߋ߫ ߕߋ߲߬. ߏ߬ ߡߍ߲ ߞߎ߲߭ ߦߋ߫ ߖߘߍ߬ߘߏ߲߬ߒ߬ߞߊ߲߬ߡߊ ߣߌ߫ ߡߐ߬ߟߐ߲߬ߡߦߊ߬ߟߌ ߟߊ߫ ߥߙߎߞߌ߫ ߘߌ߫ ߡߍ߲ ߞߟߊ߬ߣߐ߰ߦߊ߬ߣߍ߲߫ ߞߏߕߌ߯ߘߊ ߓߏߟߏ߲ߝߘߊ ߓߍ߯ ߓߟߏ߫. ߏ߬ ߡߍ߲ ߦߋ߫ ߝߘߏ߬ߓߊ߬ ߗߋߢߊ ߟߎ߬ ߟߊߥߙߎߞߌ ߖߐ߯ߙߊ߲ ߖߍ߬ߘߍ ߖߍ߬ߘߍ ߘߌ߫. ߓߍ߲߬ߒ߬ߘߐ ߢߌ߲߬ ߞߎ߲߬ߛߌ߲߯ߣߍ߲߫ ߢߌߣߌ߲ߞߏ߫ ߟߊߕߍ߰ߣߍ߲ ߘߏ߫ ߟߋ߬ ߟߊ߫، ߡߍ߲ ߦߌ߬ߘߊ߬ߛߙߋ ߟߎ߬ ߓߍ߯ ߦߋ߲߬ ߣߴߊ߬ ߞߐߝߟߌ ߞߊ߫ ߞߊ߲߫ ߞߊ߬ ߦߋ߫. ߊ߬ ߣߴߊ߬ ߘߌ߫ ߛߋ߫ ߛߎߡߊ߲߫ ߠߊ߫ ߊ߬ ߘߏ߲߬ ߘߌ߫ ߛߋ߫ ߞߣߐ߬ߜߍ߲߬ߠߊ߫ ߊ߬ ߢߌ߬ߡߊ ߖߍ߬ߘߍ ߖߍ߬ߘߍ ߟߊ߫. ߊ߬ ߘߏ߲߬ ߥߟߊ߬ߟߊ߬ߓߐ ߜߍߦߊߣߍ߲ ߘߌ߫ ߛߋ߫ ߞߍ߫ ߟߊ߫ ߞߎ߲߬ߠߊ߬ߛߌ߮ ߟߊ߫ ߓߟߏߓߘߍߡߦߊ ߓߊ߲ߓߊ߲ ߓߟߏߡߊ߬߸ ߣߴߊ߬ ߞߊ߬ ߖߘߍ߬ߘߏ߲߬ߒ߬ߞߊ߲߬ߡߊ ߓߐ߫ ߊ߬ ߛߌߟߊ ߝߍ߬. ߞߏߕߌ߯ߝߟߐߘߊ ߣߌ߫ ߞߏߕߌ߯ߘߊ ߓߏߟߏ߲ߝߘߊ ߕߍ߫߸ߡߍ߲ ߞߎ߲߭ ߦߋ߫ ߡߙߊ߬ߟߌ ߛߏ߯ߋߦߊ ߘߌ߫، ߣߴߊ߬ ߓߎ߲ߓߎ߲ߣߍ߲߫ ߞߐߝߟߌ ߘߏ߫ ߡߊ߬، ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߛߌ߲߬ߝߏ߲ ߓߍ߯ ߟߊ߫ ߖߘߍ߬ߘߏ߲ ߡߊ߬، ߏ߬ ߟߎ߬ ߓߍ߯ ߟߋ߬ ߡߊߞߟߌߣߍ߲ ߞߐߝߟߌ ߢߌ߲߬ ߠߎ߬ ߟߊߓߐ߫ ߞߏ ߡߊ߬ ߞߌ߬ߛߍ߬ߡߊ߬ߦߊ ߘߐ߫، ߓߟߏߘߏ߲ߢߐ߲߰ߓߟߏ ߘߐ߫، ߞߵߊ߬ ߓߍ߲߬ ߝߟߐߦߊ߫ ߝߊ߬ߛߏ߬ߟߊ߬ߞߊ ߡߊ߬. ߓߍ߲߬ߒ߬ߘߐ ߣߌ߲߬ ߦߋ߫ ߞߘߐߓߐߟߌ߫ ߦߟߌߡߊߛߙߋ ߟߋ߬ ߘߌ߫ ߓߟߏߓߘߍߡߦߊ ߘߐ߫ ߂߀߂߆ ߟߊߓߊ߲ ߠߊ߫.
