ߞߐߣߊߞߙߌ߫ ߥߊ߬ߛߌߥߊ߬ߙߊ ߕߟߋ߬ ߆/ ߂߀߂߆
ߞߏߕߌ߯ߝߟߐߘߊ߫ ߞߎߓߋߘߐ߫ ߗߋߕߌ߮ ߞߏߕߌ߮ ߞߏ߲߬ߓߏ ߘߊߎߘߊ߫ ߞߊ߬ߡߌ߬ߛߏ߬ߞߏ߫ ߞߊ߬ ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߐߦߌ߬ߘߊ߬ ߌߕߊߟߌ߫ ߞߊ߲ߓߍ߲ ߠߊ߫ ߛߊ߲߬ ߈߀߲ ߢߊ߰ߢߊ߮ ߞߣߍ ߞߊ߲߬، ߏ߬ ߡߍ߲ ߛߌ߲߬ߝߏ߲߬ߧߊ߬ߣߍ߲߫ ߌߕߊߟߌ߫ ߟߊ߬ߛߌ߰ߘߊ߫ ߟߊ߫ ߖߌ߬ߣߍ߬ ߦߊ߲߬. ߢߊ߰ߢߊ߮ ߏ߬ ߞߊ߬ ߞߎ߲߬ߠߊ߬ߛߌ߯ ߛߌ߲߬ߝߏ߲߬ ߛߌߦߊߡߊ߲߫ ߠߋ߬ ߟߊߘߍ߬، ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬، ߕߍߓߊ߯ߦߊ߫ ߞߐߦߌߘߊߓߊ߮ ߡߍ߲ ߠߎ߬ ߡߊߖߌ߰ߣߍ߲߫ ߖߌ߬ߣߍ߬ ߦߊ߲߬. ߘߎ߲߬ߘߎ߲߬ߡߊ߬ ߡߊߘߎ߮ ߥߊ߬ߣߊ ߟߎ߬، ߞߵߏ߬ ߓߍ߯ ߟߊ߫ ߌߕߊߟߌ߫ ߓߐߓߊ߯ߕߐ ߟߎ߬ ߞߊ߲߬ ߡߍ߲ ߠߎ߬ ߦߋ߫ ߖߌ߬ߣߍ߬ ߦߊ߲߬. ߛߊߡ ߕߊߙߞ ߛ߭ߊߗ߭ߌߟߌ߫ ߡߍ߲ ߦߋ߫ ߌߕߊߟߌ߫ ߟߊ߬ߛߌ߰ߘߋ߲߫ ߘߌ߫ ߖߌ߬ߣߍ߬، ߏ߬ ߞߊ߬ ߖߊ߲߬ߓߌ߬ߟߊ߬ߟߌ߫ ߞߍ߫ ߘߐ߬ߝߐ ߞߊ߲ߘߟߌ߫ ߟߊ߫ ߡߍ߲ ߞߍ߫ ߘߊ߫ ߥߊ߬ߛߌߥߊ߬ߙߊ ߕߟߋ߬ ߂/ ߁߉߄߆ ߟߊ߫. ߣߴߏ߬ ߥߟߏ߫ ߘߊ߫ ߌߕߊߟߌ߫ ߞߊ߲ߓߍ߲ ߠߊߘߊ߲ ߠߊ߫߸ ߊ߬ ߞߎߡߊ߫ ߘߊ߫ ߖߌ߬ߣߍ߬ ߣߌ߫ ߌߕߊߟߌ߫ ߟߊ߫ ߢߍߛߎߡߊ߫ ߕߍߓߊ߯ߦߊ߫ ߡߊ߬ߡߊ߬ߟߊ ߝߊ߲߬ߝߌ߬ߟߊ߬ߡߊ ߣߝߊ ߟߎ߬ ߝߣߊ߫ ߞߊ߲߬. ߏ߬ ߡߍ߲ ߓߘߊ߫ ߥߙߎߞߌ߫ ߕߐ߰ߡߊ߬ߛߙߋ߬ ߛߌߦߊߡߊ߲߫ ߦߌ߬ߘߊ߬. ߦߏ߫ ߖߊ߬ߥߏ ߛߊ߲߬ߠߌ߲߬ߢߐ߲߰ߦߊ، ߕߐ߬ߣߐ ߦߋ߫ ߛߋ߫ ߟߊ߫ ߌߕߊߟߌ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߟߎ߬ ߣߌ߫ ߖߌ߬ߣߍ߬ ߓߍ߯ ߡߊ߬. ߞߵߏ߬ ߟߊ߫ ߣߝߊ߬ߢߐ߲߰ߦߊ߫ ߖߊ߬ߕߋ߬ߘߐ߬ߛߌ߰ ߛߌߦߊߡߊ߲߫ ߞߊ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߊߡߊ߲ ߘߐ߫. ߟߐ߲ߠߌ߲ߦߊ ߣߌ߫ ߘߍ߬ߞߏ߬ߦߊ ߞߊߡߊ߲ ߘߐ߫. ߞߊߕߙߍ߬ߕߍ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߢߍߥߟߊ߫ ߡߊ߬. ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߣߌ߫ ߞߎ߲߬ߠߊ߬ߛߌ߮ ߣߌ߫ ߖߌ߬ߣߍ߫ ߡߌ߬ߙߌ߲߬ߘߌ ߣߌ߫ ߖߌ߬ߣߍ߬ ߕߍߓߊ߯ߦߊ߫ ߞߎ߲߬ߕߌ߮ ߞߏ߲߬ߓߏ ߡߏ߬ߙߌ߬ߛߊ߲ߘߊ߫ ߞߎߦߊߕߍ߫ ߕߐ߯ ߘߐ߫ ߒ ߧߋ߫ ߞߎߟߎ߲ߖߋߟߌ߫ ߞߙߍߞߙߍߣߍ߲ ߠߊߛߋ߫ ߟߊ߫ ߌߕߊߟߌ߫ ߞߊ߲ߓߍ߲ ߞߊ߲ߕߌ߮ ߛߐߙߑߖߌߦߏ߫ ߡߋߕߊߙߋߟߊ߫ ߡߊ߬ ߊ߬ ߣߌ߫ ߌߕߊߟߌ߫ ߡߌ߬ߙߌ߲߬ߘߌ ߓߍ߯ ߟߊߘߍ߬ߣߍ߲ ߊ߬ߟߎ߬ ߟߊ߫ ߢߊ߰ߢߊ߯ ߝߊ߬ߛߏ߬ߟߊ߬ߞߊ ߛߊߓߎ߫ ߟߊ߫. ߊ߬ ߞߊ߬ ߞߎߟߎ߲ߖߋߟߌ߫ ߞߍ߫ ߕߋߙߌߦߊ߫ ߣߌ߫ ߣߝߊ߬ߢߐ߲߰ߦߊ߫ ߓߘߍ ߟߊ߫ ߛߓߊ߬ߕߌ߫ ߟߊ߫ ߖߡߊ߬ߣߊ߫ ߝߌ߬ߟߊ ߣߌ߫ ߢߐ߲߯ ߕߍ߫. ߏ߬ ߡߍ߲ ߖߎ߬ߛߌ߰ߣߍ߲߫ ߢߐ߲߯ ߡߊߓߏߢߊ߫ ߞߊ߬ߞߘߐ ߣߌ߫ ߢߐ߲߯ߘߍߡߍ߲ ߣߌ߫ ߟߊ߲ߣߦߊ߫ ߞߊ߲߬ ߝߊ߲߬ߝߌ߬ߟߡߊ߬ߦߊ ߘߐ߫. ߊ߬ ߞߊ߬ ߖߌ߬ߣߍ߬ ߟߊ߫ ߢߝߍߕߊ߯ ߟߊߞߎ߲߬ߘߎ߲߬ߣߍ߲ ߠߎ߬ ߝߣߊ߫ ߞߍ߫ ߝߟߐߦߊ ߟߎ߬ ߘߏ߫ ߘߌ߫ ߟߋ߬ ߛߌ߲߬ߝߏ߲߬ߘߊ߬ߞߏ߫ ߜߘߌߛߌ߯ߞߎߘߊ ߛߌߟߊ ߝߍ߬. ߞߵߏ߬ ߟߊ߫ ߓߟߏߓߘߍߡߦߊ߫ ߟߊߛߐ߬ߘߐ߲߬ߣߍ߲ ߞߊ߲߬ ߛߌߡߊ߲ߘߎ߯ ߂߀߄߀ ߢߍߥߟߊ߫ ߞߣߐ߫. ߏ߬ ߡߍ߲ ߦߋ߫ ߌߕߊߟߌ߫ ߣߝߊ߬ߢߐ߲߮ ߠߎ߬ ߡߊߞߟߌ߫ ߟߊ߫߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߣߌ߫ ߘߍ߬ߞߏ߬ߦߊ߫ ߢߡߊߦߟߍߡߊ߲߫ ߕߘߍ߬ߒ߬ߘߐ߬ߟߌ߫ ߡߊ߬ߡߊ߬ߟߊ ߡߊ߬.
