ߞߐߣߊߞߙߌ߫ ߥߊ߬ߛߌߥߊ߬ߙߊ ߕߟߋ߬ ߈/ ߂߀߂߆
ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߢߍߡߌߘߊߟߌ ߘߏ߫ ߞߍ߫ ߕߏ߲߬ߜߏ߬ߦߊ߫ ߝߊߘߌ ߘߐ߫ ߞߎߓߋߘߊ ߞߣߐ߫ ߕߏ߲߬ߜߏ ߞߊ߬ ߕߘߍ߬ߒ߬ߘߐ߬ߓߊ߯ ߇߀ ߟߋ߬ ߘߌ߫ ߡߍ߲ ߠߎ߬ ߓߐߣߍ߲ ߛߘߋߦߊߏ ߖߡߊ߬ߣߊ ߟߎ߬ ߘߐ߫. ߞߵߏ߬ ߓߍ߯ ߟߊ߫ ߛߋ߲ߞߏߟߦߊ ߘߍ߬ߡߍ߲߬ߠߌ߲߬ߠߊ ߟߎ߬ ߣߌ߫ ߣߊ߲߬ߝߟߏ߬ߦߊ߬ߟߊ ߟߎ߬ ߞߊ߲߬، ߊ߬ ߣߌ߫ ߣߊ߲߬ߒ߬ߕߊ߲߬ ߘߍ ߣߌ߫ ߘߎ߲߬ߘߎ߲߬ߡߊ߬ ߡߊߘߎ߮ ߟߎ߬ ߞߏߟߊߕߍ߮ ߟߎ߬ ߞߊ߲߬. ߢߐ߲߯ߓߍ߲ ߕߌ߲߬ߞߎ߬ߘߎ߲߬ߠߊ߬ߞߊ ߣߌ߲߬ ߦߋ߫ ߢߊߢߌߣߌ߲ߠߌ߲ ߣߌ߫ ߟߊ߬ߘߌ߬ߢߍ߬ߟߌ ߞߍ߫ ߟߊ߫ ߞߟߍ߬ߦߊ ߞߎߘߊ ߕߊ߬ߣߍ߲ ߞߊ߲߬. ߡߊ߬ߡߙߊ߬ߟߌ ߞߊߡߊ߲ ߘߐ߫، ߘߎ߲ߡߊ ߣߌ߫ ߟߊ߬ߞߊ߲߬ߘߊ߬ߟߌ ߘߐ߫߸ ߊ߬ ߣߌ߫ ߞߊ߬ߝߏ ߟߊ߫ ߕߎ߫ ߞߘߐ߫ ߛߐߘߐ߲ߘߊ ߟߎ߬ ߟߊߞߊ߲ߘߊ ߘߐ߫. ߝߘߊ߬ߝߌ߲߬ߠߊ߫ ߕߟߋ߬ߓߋ ߖߡߊ߬ߣߊ ߟߎ߬ ߟߊ߫ ߘߍ߭ ߛߌ߲߬ߝߏ߲ ߠߎ߬ ߞߊ߬ ߞߐ߲߬ ߕߌ߲߬ߞߎߘߎ߲߫ ߛߌ߲߬ߝߏ߲߬ߧߊ߬ߟߌ ߟߊ߫ ߟߊ߬ߘߌ߬ߢߍ߬ߟߌ ߢߍ߫. ߞߏ߲߬ߓߏ ߞߊߟߌߟߎ߬ ߛߌ߬ߟߊ߫ ߏ߬ ߡߍ߲ ߦߋ߫ ߛߘߋߦߊߏ ߟߊ߫ ߗߋߘߋ߲ ߘߌ߫ ߣߴߊ߬ ߟߊߢߎ߲ߣߍ߲ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏ ߟߎ߬ ߟߊ߫߸ ߏ߬ ߞߊ߬ ߝߊ߲߬ߝߘߊ ߣߌ߲߬ ߟߊ߬ߘߌ߬ߢߍ ߕߐ߬ߣߐ ߦߌ߬ߘߊ߬ ߊ߬ ߟߊ߫ ߓߋߟߋ߲ߠߊ ߘߐ߫. ߞߵߊ߬ ߓߍ߲߬ ߕߎ ߟߊߞߊ߲ߘߊ ߓߍ߲߬ߒ߬ߘߐ ߡߊߛߊ߬ߦߌ߬ߣߍ߲ ߠߎ߬ ߡߊ߬ ( ߂߀߂߅ ߣߌ߫ ߂߀߃߅) ߏ߬ ߡߍ߲ ߦߌ߬ߘߊ߬ߣߍ߲߫ ߦߏ߫ ߞߟߍ߬ߦߊ߫ ߓߊ߯ߙߊߟߊ߲߫ ߢߌߡߊ ߝߊ߲߬ߞߊ߬ߘߏ߲߬ߕߊ ߛߊ߫ ߞߊ߬ ߡߊ߬ߡߙߊ߬ߟߌ߫ ߘߎ߲ߕߊ ߞߘߐߓߌ߲ߓߌ߲߫ ߕߎ ߟߊߞߊ߲ߘߊ ߞߊߡߊ߲ ߘߐ߫. ߞߊ߬ ߓߐ߰ߝߍ߬ߞߊ߲ߞߋ ߟߊߕߊ߲߬ߞߊ߬߸ ߏ߬ ߡߍ߲ ߟߐ߬ߕߐ߫ ߦߟߍ߬ߡߊ߲߫ ߞߘߎ߬ߜߍߟߍ߲߫ ߠߎ߬ ߡߊ߬ ߓߊ߲ߘߊߘߐߦߊ ߞߏ ߟߎ߬ ߘߐ߫ ߘߍ߭ ߝߣߍ߬ߝߣߍ ߟߎ߬ ߛߌߟߊ ߝߍ߬. ߓߐ߰ߝߍ ߟߊߞߊ߲ߘߊ ߣߌ߫ ߥߙߎߞߌ ߘߎ߲ߡߊߣߍ߲ ߞߏߕߌ߮ ߓߐ߬ߟߐ߲߬ߞߊ߫ ߖߊߣߌ߬ ߖߊߟߏ߫. ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߕߏ߲߬ߜߏ ߣߌ߲߬ ߟߐ߬ߣߍ߲߫ ߛߘߋߦߊߏ ߖߡߊ߬ߣߊ ߟߎ߬ ߟߊ߫ ߞߏ߫ ߓߙߊߞߡߊ ߟߎ߬ ߟߋ߬ ߞߊ߲߬. ߞߵߊ߬ ߟߊߥߟߌ߬ ߕߎߞߊ߲ߞߋ ߟߎ߬ ߟߊߞߊ߲ߘߊ ߡߊ߬. ߏ߬ ߦߋ߫ ߡߙߌߣߊ߲߫ ߠߋ߬ ߘߌ߫ ߡߍ߲ ߞߎ߲߬ߕߋߟߋ߲ ߦߋ߫ ߛߌߡߊ߲ߘߎ߯ ߂߀߄߀ ߢߍߥߟߊ߫ ߡߊ߬ߡߊ߬ߟߊ ߘߌ߫. ߣߴߊ߬ ߓߌ߬ߟߊ߬ߣߍ߲ ߥߙߎߞߌ߫ ߘߎ߲ߡߊߣߍ߲ ߠߊ߫ ߞߏ ߘߊߞߘߐ߫. ߞߵߊ߬ ߟߊߥߟߌ߬ ߛߎ߲ߞߎ߲ߡߊ߫ ߡߊߣߊ߲ߞߎ߲ ߠߎ߬ ߡߐ߬ߟߐ߲߬ߡߊ߬ߦߊ ߡߊ߬، ߊ߬ ߣߌ߫ ߞߊ߬ ߡߊ߬ߡߙߊ߬ߟߌ ߞߍ߫ ߖߊ߬ߓߌ߬ߦߊ߬ߟߌ ߛߌߟߊ ߝߍ߬ ߛߐ߬ߘߐ߲߬ߘߊ ߟߎ߬ ߟߊ߫. ߞߵߏ߬ ߞߍ߫ ߓߐ߰ߝߍ ߢߡߊߦߟߍߡߊ߲ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ߟߊ߲ ߘߌ߫ ߖߌ߬ߣߍ߬. ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߊ߬ ߞߏ߫ ߕߎ ߟߊߞߊ߲ߘߊ ߦߋ߫ ߊ߲ ߘߍ߬ߒ߬ߡߊ߫ ߖߊ߬ߓߌ߬ߦߊ߬ߟߌ ߟߋ߬ ߘߌ߫߸ ߡߍ߲ ߦߋ߫ ߕߊ߬ߡߌ߲߬ ߠߊ߫ ߓߐߕߏ߲ ߝߊ߬ߛߏ߬ߟߊ߬ߞߊ ߟߊ߫߸ ߝߏ߫ ߞߊ߬ ߘߊ߲߭ ߛߌ߱ ߟߋ߬ ߕߎ߫ ߟߊߜߊߣߊ߲߫ ߠߊ߫߸ ߊ߬ ߣߌ߫ ߞߊ߬ ߞߐ߰ߖߌ߬ߘߊ ߟߎ߬ ߟߊߜߊ߲ߣߊ߲ ߞߏ ߟߊߕߐ߲߫. ߊ߬ ߣߌ߫ ߓߊ߲ߘߊߦߟߍߡߊ߲ ߞߏ ߟߎ߬ ߟߊ߫. (( ߖߡߊ߬ߣߊ߫ ߛߌ߫ ߕߴߛߋ߫ ߏ߬ ߞߍ߬ߟߍ ߞߍ߫ ߟߊ߫ ߌ ߞߋߟߋ߲߫ ߠߊ߫ ߕߌ߲߬ߞߎߘߎ߲߫ ߘߏ߲߬ߖߟߎ߬ߡߊ߬ߟߌ ߖߊ߬ߓߌ߬ߦߊ߬ߟߌ ߛߌߟߊ ߝߍ߬ ߞߊ߬ ߝߘߏ߬ߓߊ߫ ߞߘߎ߬ߜߍߟߍ߲ ߠߊߥߟߌ߬)) ߏ߬ ߞߐߝߍ߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲߫ ߞߏ߫ ߞߊ߬ ߦߙߌ ߕߘߎ ߞߣߍ ߟߎ߬ ߣߌ߫ ߛߏ߬ߓߏ ߟߎ߬ ߘߊ߯ ߦߌߟߊ ߟߎ߬ ߟߊߞߊ߲ߘߊ߫. ߊ߬ ߣߌ߫ ߞߊ߬ ߕߌ߲߬ߞߎߘߎ߲ ߠߎ߬ ߓߊ ߟߎ߬ ߟߊߞߊ߲ߘߊ߫ ߞߵߏ߬ ߓߍ߯ ߘߐ߫ ߞߎ߲߭ ߞߍ߫ ߝߎߕߊ߫ ߞߐ߲߬ߞߍ߬ߖߡߊ ߕߊ ߟߎ߬ ߘߌ߫. ߏ߬ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߖߌߘߏ߯ߓߊ ߘߌ߫. ߕߌ߲߬ߞߎߘߎ߲ ߓߊ ߛߌߦߊߡߊ߲߫ ߘߎ߲ߣߍ߲߫ ߡߍ߲ ߠߊ߫ ((ߓߐ߰ߝߍ߬ߞߊ߲ߞߋ߫ ߝߊ߲߬ߥߙߍߡߊ ߣߌ߲߬ ߠߊߞߊ߲ߘߊ ߦߋ߫ ߞߘߎ߬ߜߍߟߍ߲ ߠߋ߬ ߘߌ߫ ߓߐ߬ߝߍ ߟߊ߫ ߞߏ ߘߐ߫. ߡߊ߬ߞߐ߬ߙߐ߲ߞߐ߬ߙߐ߲߬ߠߌ߲ ߣߌ߫ ߞߟߍ߬ߦߊ߫ ߓߟߏߡߊ߬߸ ߡߐ߰ ߗߋ߲߬ߥߟߎ߬ ߦߙߌߞߊ߫ ߢߍ߫)) ߊ߬ ߞߵߏ߬ ߘߐ߫ ߞߣߍߦߊ߫ ߥߊ߬؟ ߊ߬ ߞߎߡߊ߫ ߘߊ߫ ߞߟߊ߬ߡߊ߬ߓߊ߮ ߟߎ߬ ߣߌ߫ ߞߐߦߌߘߊߓߊ߮ ߟߎ߬ ߣߌ߫ ߛߌ߲߬ߝߏ߲߬ ߖߡߊߣߊ ߟߎ߬ ߢߍ߫ ߛߘߋߦߊߏ ߞߣߐ߫. ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ ߘߡߊߝߊߟߋ߲߫ ߝߊ߲߬ߞߊߘߏ߲߬߸ ߟߐ߬ߟߌ ߣߌ߫ ߖߙߎߡߎ߲ߦߊߟߌ ߘߐ߫߸ ߊ߬ ߣߌ߫ ߟߊ߬ߢߌߣߌ߲߫ ߞߌ߬ߛߍ߬ߡߊ ߟߎ߬ ߘߐ߫߸ ߡߍ߲ ߘߌ߫ ߛߋ߫ ߓߟߏߦߊ߫ ߟߊ߫ ߞߵߊ߬ ߓߍ߲߭ ߊ߬ ߡߊ߬ ߕߌ߲߬ߞߎߘߎ߲ ߜߍ߫ ߘߐ߫ ߞߏ ߟߎ߬ ߡߊ߬. (( ߕߎ߫ ߝߊ߲߬ߝߘߊ߫ ߡߊߛߊ߬ߦߌ߬ߣߍ߲߫ ߘߡߊߝߊߟߋ߲߫ ߂߀߂߅ ߣߌ߫ ߂߀߃߅ ߞߊ߫ ߞߊ߲߫ ߞߊ߬ ߞߍ߫ ߦߟߌߡߊߛߙߋ ߟߋ߬ ߘߌ߫. ߞߊ߬ ߕߎ ߟߊߞߊ߲ߘߊ ߓߘߍ߬ߓߘߍ߬ߟߌ ߟߊ߫ ߣߌߡߦߊ߫. ߞߊ߬ ߢߡߊߦߟߍߡߊ߲߫ ߛߋ߲߬ߠߞߊߟߌߦߊ߫ ߞߊ߬ ߞߊ߬ߙߊ߲ ߘߐ߬ߕߊߡߌ߲ ߞߊ߬ߙߊ߲ ߞߊ߲߬ ߓߊ߲ߘߊߦߟߍߡߊ߲߫ ߛߌߟߊ ߝߍ߬. ߊ߬ ߞߵߊ߬ ߦߌ߬ߘߊ߬ ߊ߬ ߟߊߓߊ߲ ߠߊ߫ ߞߏ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߣߌ߫ ߞߎ߲߬ߠߊ߬ߛߌ߮ ߓߘߊ߫ ߛߐ߲߬ ߢߊ߬ߕߣߐ ߞߙߍߞߙߍߣߍ߲߫ ߘߏ߫ ߡߊ߬ ߞߵߊ߬ ߓߍ߲߬ ߕߏ߲߬ߜߏ ߣߌ߲߬ ߓߍ߲߬ߒ߬ߡߊ߬ߞߊ߲ ߠߎ߬ ߡߊ߬߸ ߊ߬ ߣߴߊ߬ߟߎ߬ ߦߋ߫ ߡߊ߬ߞߣߐ߬ߠߌ߲ ߠߊ߫ ߟߐ߬ߒ߬ߗߋ߬ߟߊ߫ ߛߌߦߊߡߊ߲߫ ߓߟߏߦߊߟߌ ߟߊ߫. ߊ߬ ߣߌ߫ ߞߊ߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬ ߛߊ߫ ߞߊ߬ ߟߊ߬ߖߊ߲߬ߞߏ߬ߟߌ ߞߍ߫ ߥߙߎߞߌ ߛߌߟߊ ߟߎ߬ ߟߊ߫߸ ߞߊ߬ ߝߊ߬ߗߍ ߕߎ ߟߎ߬ ߟߊߞߊ߲ߘߊ߫، ߊ߬ ߣߌ߫ ߞߊ߬ ߛߌߟߊ߫ ߘߌ߫ ߕߌ߲߬ߞߎߘߎ߲߫ ߥߙߎߞߌ߫ ߘߎ߲ߡߊߣߍ߲ ߡߊ߬ ߡߐ߬ߟߐ߲߬ߡߦߊ߬ߟߌ ߖߟߐ߬ߞߐ ߞߊ߲߬.
