ߞߐߣߊߞߙߌ߫ ߥߊ߬ߛߌߥߊ߬ߙߊ ߕߟߋ߬ ߉ / ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߘߊߦߟߍߟߌ ߢߊ߬ߢߊ߮ ߘߏ߫ ߢߍߡߌ߬ߘߊ߬ ߡߍ߲ ߓߍ߲߬ߕߐ߫ ߝߘߊ߬ߝߌ߲߬ߠߊ߫ ߕߌ߲߬ߞߎߘߎ߲߫ ߝߓߊ߬ߦߊ߫ ߞߙߎߝߓߊ߫ ߝߘߏ߬ߓߊ߬ ߞߎ߲ߜߙߊ߫ ߁߂ ߡߊ߬. ߏ߬ ߡߍ߲ ߛߌ߲߬ߝߏ߲߬ߧߊ߬ߣߍ߲߫ ߞߟߌߙߌߖ߭ߋ ߖߌ߬ߣߍ߬ ߞߙߎߝߊ ߓߟߏ߫. ߢߐ߲߯ߦߋ ߣߌ߲߬ ߢߍߛߌ߲߯ߣߍ߲߫ ߣߝߊ߬ߡߊ߬ߞߏ ߟߎ߬ ߟߋ߬ ߟߊ߫߸ ߘߡߊߝߊߟߋ߲ ߣߌ߫ ߡߙߌ ߘߐ߫، ߞߵߊ߬ ߓߍ߲߬ ߛߣߐ߬ߡߍ߬ߘߐ߬ߦߊ ߞߘߎ߬ߜߍߟߍ߲ ߠߎ߬ ߡߊ߬߸ ߘߍ߬ߞߏ߬ߦߊ ߣߌ߫ ߡߐ߰ߦߊ ߘߐ߫. ߝߘߊ߬ߝߌ߲߬ߠߊ߫ ߘߍ߭ ߟߎ߬ ߣߴߏ߬ ߟߎ߬ ߡߍ߲ ߠߎ߬ ߦߋ߫ ߝߏ߫ ߟߊ߫ ߢߐ߲߮ ߞߐ߫ ߛߐ߲߬. ߊ߬ ߕߐ߯ ߟߊ߫ ߘߊ߫ ߟߋ߬ ߞߏ߫ ((ߞߏ߫ ߝߘߊ߬ߝߌ߲߬ߠߊ߫ ߓߊߘߋ߲ߧߊ ߕߊ߯ߢߐ߲߮ ߝߍ ߓߊ߬ߕߏ߬ߓߏ߲ ߘߏ߫ ߞߣߐ߫ ߊ߬ ߞߘߎ߬ߜߍߟߍ߲ ߣߴߊ߬ ߓߍ߲߬ߒ߬ߛߋ߲߬ߡߊ ߟߎ߬ )) ߞߎ߲߬ߜߙߊ ߟߊߢߌߣߌ߲߫ ߠߋ߬ ߕߍߝߐ ߛߊ߲ߞߘߐߕߊ߭ ߘߌ߫، ߓߍ߲߭ ߘߐ߫، ߢߐ߲߯ߘߍߡߍ߲ ߘߐ߫، ߊ߬ ߣߌ߫ ߓߊߘߋ߲ߧߊ ߘߐ߫، ߡߌ߬ߙߌ߲߬ߘߌ߫ ߟߎ߬ ߣߌ߫ ߢߐ߲߯ ߕߍ߫. ߞߵߏ߬ ߓߍ߯ ߟߊ߫ ߓߌ߬ߟߊ߬ߢߐ߲߰ߡߊ ߝߊ߲߬ߞߊߘߏ߲߭ ߞߊ߲߬ ߕߌ߲߬ߞߎߘߎ߲ ߓߊ߬ߕߏ߬ߓߏ߲ ߠߎ߬ ߣߌ߫ ߢߐ߲߯ ߕߍ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߘߌ߯ߣߊ߫ ߟߊ߬ߤߘߌ߫ ߣߝߊ߬ߡߊ ߣߌ߲߬ ߞߎߟߎ߲ߖߋߟߌ ߞߍ߫ ߊ߬ ߞߍ߫ ߘߐ߫ ߖߌ߬ߣߍ߬ ߦߊ߲߬. ߏ߬ ߦߋ߫ ߟߊ߲ߒߠߦߊ ߟߋ߬ ߦߌ߬ߘߊ߬ ߟߊ߫ ߖߡߊߣߊ ߘߐ߫. ߊ߬ ߣߌ߫ ߞߊ߬ ߥߞߊ߬ߟߌ ߦߌ߬ߘߊ߬ ߖߐ ߡߐ߬ߟߐ߲߬ߡߊ߬ߦߊ ߘߐ߫. ߖߊ߰ߝߊ߬ ߢߐ߲߰ ߡߊ ߘߐ߫، ߊ߬ ߣߌ߫ ߓߍߓߊ߯ߦߊ ߝߊ߲߬ߝߌ߬ߟߊ߬ߡߊ ߦߌ߬ߘߊ߬ ߘߌ߯ߣߊߕߌ߮ ߟߎ߬ ߣߌ߫ ߢߐ߲߯ ߕߍ߫ ߕߟߋ߬ ߛߋߦߌ߲ ߞߘߐ߫. (ߥߊ߬ߛߌߥߊ߬ߙߊ ߕߟߋ߬ ߈ ߣߌ߫ ߁߅ ߕߍ ߂߀߂߆) ߘߌ߯ߣߊ߫ ߖߊ߬ߓߌ߬ߦߊ߬ߟߊ ߟߎ߬، ߞߵߏ߬ ߟߊ߫ ߓߊ߬ߕߏ߬ ߘߡߊߞߍߟߊ ߟߎ߬ ߞߊ߲߬. ߊ߬ ߣߌ߫ ߣߊߡߎ߲ߞߏߕߌ߯ ߟߎ߬، ߊ߬ ߣߌ߫ ߡߐ߰ ߡߊߞߟߌߣߍ߲ ߠߎ߬ ߡߍ߲ ߠߎ߬ ߓߐߣߍ߲߫ ߕߌ߲߬ߞߎߘߎ߲߫ ߖߡߊ߬ߣߊ߫ ߁߅ ߞߣߐ߫. ߏ߬ ߦߴߊ߬ ߕߊ ߡߊ߬ߝߊ߲ ߠߋ߬ ߞߍߣߍ߲ ߘߌ߫ ߞߎ߲߬ߜߙߊ ߞߣߍ ߞߏ ߟߎ߬ ߘߐ߫، ߦߟߌߟߊߡߙߌ߫ ߕߏ߲߬ߜߏ، ߊ߬ ߣߌ߫ ߟߐ߲ߠߌ߲ߦߊ߫ ߕߏ߰ߝߏ ߟߎ߬، ߡߍ߲ ߞߎ߲߬ߛߌ߲߯ߣߍ߲߫ ߝߓߊ߬ߦߊ ߟߐ߲ߕߊ߫ ߟߎ߬ ߘߐ߬ߕߟߊ߬ߟߌ ߡߊ߬، ߞߵߏ߬ ߓߍ߯ ߟߊ߫ ߓߊߘߋ߲ߧߊ ߖߟߎ ߝߊ߲߬ߞߊߘߏ߲߭ ߞߊ߲߬. ߊ߬ ߣߌ߫ ߓߊ߬ߕߏ߬ߓߏ߲ ߕߣߐ߬ߡߊ ߕߐ߰ߡߊ߬ߛߙߋ߬ߡߊ ߘߏ߫ ߟߐ߬ߟߌ. ߏ߬ ߡߍ߲ ߦߋ߫ ߕߎ߬ߢߊ ߟߊ߬ߞߙߐ߬ߛߌ߬ߟߌ ߜߍߘߐߕߊ ߛߊߓߎ߫ ߘߌ߫. ߊ߬ ߣߌ߫ ߡߐ߱ ߟߎ߬ ߣߌߘߐߞߏ ߘߌ߫ ߝߘߊ߬ߝߌ߲߬ߠߊ߫ ߡߌ߬ߙߌ߲߬ߘߌ ߟߎ߬ ߣߌ߫ ߢߐ߲߯ ߕߍ߫.
