ߘߓߊ߬ߓߌߟߊ ߕߟߋ߬ ߆/ ߂߀߂߆ ߊߓߌߖߊ߲߬،
ߏ߬ ߦߋ߫ ߘߐ߬ߝߐ ߕߍߓߊ߯ߦߊ ߟߊ߫ ߣߌߡߦߊ ߣߌ߫ ߕߋߙߌߦߊ ߟߋ߬ ߦߌ߬ߘߊ߬ ߟߊ߫ ߡߊ߲߬ߕߏ߲߫ ߝߌ߬ߟߊ ߕߍ߫، ߞߊ߬ ߓߍ߲߬ ߗߋߦߊߟߌ߫ ߤߏߞߌ ߘߏ߫ ߟߊߛߣߍ߫ ߡߴߊ߬ߟߎ߬ ߕߍ߰ߟߊ ߘߐ߫ ߦߋ߲߬. ߢߐ߲߯ߦߋ߫ ߝߊ߲߬ߝߌ߬ߟߊ߬ߡߊ ߟߎ߬ ߘߐ߫، ߊ߬ ߣߌ߫ ߘߊߘߐߝߙߊߢߐ߲߯ߦߊ ߊ߬ ߣߌ߫ ߕߎ߲ߒߞߙߊߒߞߋ ߟߎ߬ ߣߌ߫ ߢߐ߲߯ ߕߍ߫، ߣߊ߲߬ߕߌ߰ ߟߎ߬ ߝߣߊ߫ ߟߊ߫ ߞߐߦߌߘߊߟߌ߫ ߞߍ߫ ߘߊ߫ ߞߏߓߊ ߘߌ߫، ߖߌ߬ߣߍ߬ ߦߴߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊߞߎߘߦߊ߫ ߟߊ߫ ߣߝߊ߬ߢߐ߲߰ߦߊ ߛߌߟߊ ߝߍ߬، ߢߐ߲߯ߘߍߡߍ߲ ߣߌ߫ ߥߙߎߞߌ ߘߐߕߟߊߣߍ߲ ߞߊ߬ߝߏ ߞߎ߲߬ߕߌ߮ ߕߐ߯ ߘߐ߫ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߞߐߦߌߘߊߟߌ ߞߍ߫، ߞߊ߬ ߖߌ߬ߣߍ߬ ߞߎ߲߬ߠߊ߬ߦߋߙߋ߲߫ ߞߊ߬ ߝߌ߬ߘߊ ߣߌ߲߬ ߢߣߊߓߊ߯ߦߊ߫ ߘߓߊ߬ߓߌߟߊ ߕߟߋ߬ ߇ ߦߏߔߎ߲ߜ߭ߐ߲߫ ߜߋ߲ߞߐ߰ߖߌ߬ߘߊ ߞߏߕߌ߯ߝߟߐߘߊ ߟߊ߫ ߞߏߕߌ߯ ߝߟߐ߫ ߊߡߊߘߎ߫ ߎ߬ߙߌ߬ ߓߊ ߣߌ߫ ߙߏߓߍߙ ߓߋߜ߭ߙߋ߬ ߡߊ߲ߓߋ߬ ߞߊ߬ ߘߐ߬ߝߐ ߕߍߓߊ߯ߦߊ߫ ߕߎ߬ߢߊ߬ߕߌ߰ߦߊ߫ ߟߋ߬.
. ߕߍߓߊ߯ߦߊ߫ ߝߊ߲߬ߝߌ߬ߟߊ߬ߡߊ: ߖߎ߬ߓߐ ߟߎ߬، ߟߊ߬ߞߟߏ߬ߞߟߏ߬ߟߌ، ߖߊ߬ߕߋ߬ߘߐ߬ߛߌ߰ ߞߎ߲ߓߊ ߟߎ߬،
. ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߙߌߣߊ߲: ߢߡߊߦߟߍߡߊ߲ ߣߌ߫ ߥߙߎߞߌ ߘߐߕߟߊߣߍ߲.
. ߕߌ߲߬ߞߎߘߎ߲߫ ߢߐ߲߯ߘߍߡߍ߲: ߖߐ ߣߌ߫ ߞߍߞߋߟߋ߲ߘߌ ߟߊߛߓߊ߬ߕߌ
ߞߊ߲ߓߍ߲ ߞߊ߲ߕߌ߮ ߞߵߊ߬ ߣߕߊ߬ ߟߋ߬ ߞߏ߫ ߊ߬ ߖߍ߬ߘߍ ߦߋ߫ ߕߘߍ߬ ߞߘߐ߬ߗߍ߫ ߊߟߊߛߊߣ ߥߕߊߙߊ߫ ߟߊ߫ ߡߊ߬ߞߟߌ߬ߟߌ ߞߣߍ ߞߊ߲߬، ߊ߬ ߞߏ߬ߣߌ߲߬ ߊ߬ ߣߐ߬ ߒߠߋ ߓߌ߬ߟߊ߬ ߟߊ߫ ߏ߬ ߟߋ߬ ߘߐ߫ ߞߏ߫ ߞߵߊ߬ ߞߐߦߌ߬ߘߊ߬ ߞߎ߲߬ߠߊ߬ߛߌ߰ ߟߊ߫ ߗߋߦߊߟߌ߫ ߘߌ߫. ߊ ߣߌ߫ ߣߊ߲߬ߕߌ߰ ߘߏ߫ ߟߎ߫ ߟߊߣߊ߬ߟߌ ߘߌ߫. ߏ߬ ߡߍ߲ ߣߊ߬ߕߐ߫ ߦߋ߫ ߟߊ߫ ߛߌߣߌ߲߫ ߖߌ߬ߣߍ ߣߌ߫ ߞߘߏߥߊߙߌ߫ ߕߍߓߊ߯ߦߊ ߛߌ߲ߛߌ߲ ߕߐ߰ߡߊ߬ߛߙߋ߬ ߓߘߍ ߘߌ߫)) ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߲߫ ߘߐ߫.
ߖߊ߬ߓߌ߬ߟߌ ߘߐ߫ ߞߏߕߌ߯ ߝߟߐ ߙߏߓߍߙ ߓߋߜ߭ߙߋ ߡߊ߲ߓߌ߫ ߞߊ߬ ߘߍ߬ߢߐ߲߰ ߓߘߍߦߊ ߣߌ߲߬ ߞߎߟߎ߲ߖߋߟߌ ߞߍ߫، ߊ߬ ߣߌ߫ ߞߊ߬ ߜߋ߲ߞߐ߰ߖߌ߬ߘߊ ߞߎ߲߬ߠߊ߬ߛߌ߰ ߣߊ߬ߕߊ ߟߎ߬ ߢߊߞߎߘߦߊ߫ ߖߌ߬ߣߍ߬ ߡߙߊ߬ߦߊ ߟߎ߬ ߡߊ߬ߝߊ߲ ߝߍ߬، ߊ߬ ߞߎߡߊ߫ ߘߊ߫ ߞߵߊ߬ ߟߊ߫ ߡߊ߬ߡߙߊ߬ߟߌ ߝߣߊ߫ ߞߊ߲߬، ߞߙߍߞߙߍߓߟߏߡߊ߬ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߰ ߥߎ߬ߣߊ߲߬ߞߏߙߏ߲، ߊ߬ ߣߌ߫ ߛߌߡߊ߲ߘߎ߯ ߂߀߄߀ ߘߊߡߌ߬ߣߊ، ߞߏ߫ ߏ߬ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߢߡߊߦߟߍߡߊ߲߫ ߖߊ߬ߕߋ߬ߘߐ߬ߛߌ߮ ߖߍ߬ߘߍ ߖߍ߬ߘߍ ߟߋ߬ ߘߌ߫. ߙߏߓߍߙ ߓߋߜ߭ߙߋ߬ ߡߊ߲߬ߓߋ߫ ߞߵߊ߬ ߞߊ߲ߠߊߕߍ߰ ߞߏ߫ ߖߌ߬ߣߍ ߣߌ߫ ߜߋ߲߬ߞߐ߰ߖߌ߬ߘߊ ߦߋ߫ ߓߐ߰ߝߍ߬ߞߊ߲ߞߋߦߊ߫ ߛߌߦߊߡߊ߲߫ ߠߋ߬ ߕߣߐ߬ߓߐ ߟߊ߫ ߢߐ߲߮ ߝߍ߬، ߊ߲ ߣߊ߬ߕߊ ߟߋ߬ ߖߡߊ߬ߣߊ߫ ߝߌ߬ߟߊ ߣߌ߲߬ ߠߊ߫ ߥߙߎߞߌ ߘߴߌ ߢߐ߲߯ ߝߍ߬.
