ߞߐߣߊߞߙߌ߫ ߥߊ߬ߛߌߥߊ߬ߙߊ ߕߟߋ߬ ߉/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߛߊ߲߬ ߠߊ߫ ߘߍ߰ߡߎ߲߫ ߃߉߲ ߘߊߦߟߍߟߌ ߢߊ߰ߢߊ߮ ߞߎ߲߬ ߠߊ߫ ߛߌ߰߸ ߞߵߊ߬ ߓߍ߲߬ ߘߐ߬ߡߙߌ߬ߟߌ ߞߊߡߊ߲ ߣߌ߫ ߘߡߊߝߊߟߋ߲߫ ߞߊߡߊ߲ ߡߊ߬ ߡߊ߬ߡߙߊ߬ߟߌ ߟߊߛߌ߲߯ߠߊ ߟߎ߬ ߟߊ߫ ߛߙߍߘߍ ߟߊ߫ ߞߎ߲߬ ߠߊ߫ (ߞߙߋߘߊߝ) ߏ߬ ߡߍ߲ ߓߊ߯ߙߊ ߘߊߡߌ߬ߣߊ߬ߕߐ߫ ߥߊ߬ߛߌߥߊ߬ߙߊ߫ ߕߟߋ߬ ߉ ߣߌ߫ ߁߂ ߕߍ߫ ߂߀߂߆ ߣߌ߲߬ ߠߊ߫. ߢߐ߲߯ߦߋ ߣߌ߲߬ ߞߊ߬ ߟߊ߬ߘߍ߬ߟߌ ߞߍ߫ ߡߊ߬ߡߙߊ߬ߟߌ߫ ߖߊ߬ߓߌ߬ߦߊ߬ ߟߊ߫ ߛߌߦߊߡߊ߲߫ ߠߊ߫ ߡߍ߲ ߠߎ߬ ߓߐߣߍ߲߫ ߝߊ߬ߙߊ߲߬ߛߌ߬ߞߊ߲߬ߝߐ ߖߡߊ߬ߣߊ߫ ߃߀ ߢߐ߲߰ ߞߣߐ߫߸ ߏ߬ ߡߍ߲ ߘߐߕߟߊߣߍ߲߫ ߜߙߋߓߊ߫ ߣߊ߯ߣߌ߲ ߕߍ߫. ߏ߬ ߞߍߣߍ߲ ߞߘߎ߬ߜߍߟߍ߲ ߡߍ߲ ߞߊ߲ߡߊ߬߸ ߏ߬ ߟߋ߬ ߝߘߏ߬ߓߊ߬ ߛߐߘߐ߲ߕߊ ߟߎ߬ ߘߌ߫. ߞߵߊ߬ ߟߐ߬ ߡߊ߬ߡߙߊ߬ߟߌ ߛߙߍߘߍ ߢߊߞߎߘߦߊߟߌ ߣߌ߫ ߓߌ߬ߟߊ߬ߢߐ߲߰ߡߊ ߡߊ߬. ߖߡߊ߬ߣߊ ߟߎ߬ ߣߌ߫ ߢߐ߲߯ ߕߍ߫. ߏ߬ ߡߍ߲ ߞߎ߲߬ߕߐ߮ ߦߋ߫ ( ߖߐ߬ߘߐ ߡߊߡߊ߬ߙߊ ߣߌ߫ ߓߟߏߟߊߘߍ߫ ߛߐ߬ߘߐ߲߬ߕߊ ߟߎ߬ ߟߊ߫ ߞߏ ߘߌ߫ ߞߏߖߊ ߕߎ߬ߡߊ ߟߊ߫)ߢߐ߲߯ߦߋ߫ ߡߊ߲߬ߕߏ߲߬ߕߍ߬ߟߊ߬ߞߊ ߣߌ߲߬ ߦߋ߫ ߣߝߊ߬ߡߊ ߟߋ߬ ߘߌ߫ ߞߊ߬ ߘߡߊߝߊߟߋ߲ ߞߍ߫ ߞߟߍ߬ߦߊ ߘߐ߫. ߏ߬ ߡߍ߲ ߞߍߕߐ߫ ߘߍ߬ߡߍ߲ ߞߍ߫ ߟߊ߫ ߞߊ߬ߝߏ ߣߊ߲߬ߝߟߏ߬ߦߊ߬ߟߌ ߓߊߛߌ߮ ߘߐ߫. ߊ߬ ߣߌ߫ ߞߊ߬ ߡߊ߬ߡߙߊ߬ߟߌ ߛߋߞߏߦߊ ߟߎ߬ ߝߊ߲߬ߞߊߘߏ߲߬߸ ߕߎ߬ߡߊ ߞߘߎ߬ߜߍߟߍ߲ ߠߎ߬ ߢߍ߫. ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߊ߬ ߞߏ߫ ߛߙߍߘߍߦߊߟߌ ߦߋ߫ ߢߍߕߊ߯ߟߊ߲߫ ߢߊ߬ߒ߬ߞߐ߬ߓߊߟߌ ߟߋ߬ ߘߌ߫߸ߞߊ߬ ߥߙߎߞߌ ߣߊ߲߬ߝߟߏ߬ߦߊ߫ ߊ߬ ߣߌ߫ ߞߊ߬ ߡߌ߬ߙߌ߲߬ߘߌ ߖߘߐ߬ߣߊ߲߬ߞߏ ߟߎ߬ ߢߊߓߐ߫. ߊ߬ ߞߵߊ߬ ߕߌ߲ߕߌ߲߫ ߟߊ߲ߒߣߦߊ ߓߊ߲ߓߊ߲ ߞߊ߲߬ ߞߊ߬ߝߏ ߣߌ߫ ߘߎ߰ߘߋ߲ ߕߍ߫. ߊ߬ ߣߌ߫ ߞߊ߬ ߘߎ߰ߘߋ߲߬ ߓߘߍ߬ߦߊ ߛߙߍߘߍ ߟߊ߬ߖߊ߲߬ߞߏ߬ߟߌ ߞߍ߫. ߞߵߏ߬ ߟߊ߫ ߟߊ߬ߘߍ߲߬ߞߣߍ߬ߦߊ߬ߟߌ ߞߊ߲߬ ߞߙߎߝߊ ߞߣߐߟߊ߫ ߛߐ߬ߘߐ߲߬ߘߊ ߟߎ߬ ߡߊ߬. ߞߵߏ߬ ߓߍ߯ ߟߊ߫ ߞߟߊߓߎߡߦߊߟߌ ߞߊ߲߬ ߡߊ߬ߘߎ߰ ߖߦߎߡߎ߲ߒߕߊ߲߫ ߓߘߍߓߘߍ ߟߎ߬ ߘߏ߲߬ߒ߬ߘߐ߬ߟߌ߬ ߘߐ߫. ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߖߙߎߡߎ߲ߡߊ ߟߎ߬. ߟߊ߲ߒߞߎ߲ ߗߋߕߌ߯ ߛߙߍߞߍ ߓߐ߬ߟߐ߲߬ߞߊ ߝߊߕߎߡߊߕߊ߬ ߝߎߟߊ߬ ߖߊߟߏ߫. ߞߊ߬ ߖߊ߬ߕߋ߬ߘߐ߬ߛߌ߰ ߓߟߏߦߊߣߍ߲ ߠߎ߬ ߟߋ߬ ߓߌ߬ߟߊ߬ ߢߍ ߘߐ߫ ߖߌ߬ߣߍ߬ ߣߐ߬ ߡߍ߲ ߠߎ߬ ߞߍ߫ ߟߊ߫. ߞߵߊ߬ ߓߍ߲߬ ߢߊߞߎߘߦߊߟߌ ߡߊ߬ ߡߊ߬ߡߙߊ߬ߟߌ ߛߌߟߊ ߝߍ߬ ߊ߬ ߟߊ߫ ߛߙߍߘߍߦߊߟߌ ߘߐ߫. ߞߊߕߙߍ߬ߕߍ߫ ߡߊ߬ߘߏ߬ߠߌ߲߬ߠߌ߲ ߡߊ߬ߘߎ߮ ߡߊ߬ ߛߊߝߌߜ߭ ߞߊ߲ߞߋߦߊ߫ ߂߲ ߛߊߓߎ߫ ߟߊ߫߸ߊ߬ ߞߊ߬ ߞߊ߲ߓߍ߲ ߞߊ߲߬ߕߌ߮ ߡߙߌߣߊ߲ ߝߣߊ߫ ߕߊ߲߬ߘߏ߬ߟߌ ߞߍ߫ ߣߴߊ߬ ߦߋ߫ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߘߌ߫. ߏ߬ ߡߍ߲ ߦߋ߫ ߓߏ߲ߞߣߐ߫ ߛߐ߬ߘߐ߲ߕߊ ߟߎ߬ ߖߊ߬ߕߋ߬ߡߌ߬ߣߊ߬ ߟߊ߫߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߍ߲ ߘߊߓߐߣߍ߲ ߊ߲ ߠߊ߫ ߖߡߊ߬ߣߊ ߞߣߐ߫. ߕߟߋ߬ ߣߊ߯ߣߌ߲߫ ߞߘߐ߫ ߕߘߍ߬ߒ߬ߘߐ߬ߓߊ߮ ߟߎ߬ ߞߵߊ߬ߟߎ߬ ߟߐ߲ߕߊ ߟߎ߬ ߘߐߕߟߊ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߓߟߏߦߊߣߍ߲ ߠߎ߬ ߡߊ߬߸ ߞߣߊ߬ߕߏ߫ ߊ߬ߟߎ߬ ߛߋߞߏ ߞߍ߫ ߟߊ߫ ߡߊ߬ߡߙߊ߬ߟߌ ߟߐ߭ ߘߐ߫ ߛߙߍߘߍ ߞߊ߲߬ ߓߟߏߓߘߍߡߦߊ ߘߐ߫. ߘߐ߬ߞߣߍ߬ ߓߟߏߡߊ߬ ߊ߬ ߣߌ߫ ߓߐ߰ߝߍ߫ ߟߊ߫ ߓߍߓߊ߯ߦߊ߫ ߓߙߊߞߡߊ ߥߙߎߞߌߕߊ ߛߐ߬ߘߐ߲ ߞߊ߲ߡߊ߬.
