ߞߐߣߊߞߙߌ߫ ߞߊ߬ߙߌ߬ߝߐ ߕߟߋ߬ ߂߁/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߗߋߦߊߟߌ߫ ߘߏ߫ ߟߊߛߣߍ߫ ߛߟߊߕߌ߯ ߡߎߤߊ߲ߡߍߘ ߍߛ ߋߟߊߤߊߥߊߣ ߌߖ߭ߌߔߕ ߊߙߊߓߎ߫ ߟߊߛߌ߯ߘߋ߲ ߖߌ߬ߣߍ߬ ߞߊ߲ߓߍ߲ ߞߣߐ߫. ߏ߬ ߡߍ߲ ߡߊߟߐ߬ߣߍ߲߫ ߛߟߊߕߌ߯ ߤߋߛߊߡ ߡߋߘߊ ߋߟߊߝ߭ߏߞߊߕߏ߫ ߏ߬ ߡߍ߲ ߦߋ߫ ߟߊ߰ߛߌ߰ߘߋ߲߬ ߝߘߏ߬ߓߊ߬ߡߊ߫ ߞߎߘߊ ߌߖ߭ߌߔߕ ߓߟߏ߫ ߖߌ߬ߣߍ߬ ߞߣߐ߫.
ߢߐ߲߯ߦߋ߫ ߣߌ߲߬ ߣߊ߬ߣߍ߲߫ ߓߌ߬ߟߊ߬ߢߐ߲߰ߡߊ߫ ߝߊ߲߬ߝߌ߬ߟߊ߬ߡߊ ߟߋ߬ ߟߊߛߓߊ߬ߕߌ߫ ߓߟߏߡߊ߬߸ ߊ߬ ߣߌ߫ ߓߟߏߡߊߢߌ߲ߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߕߍߓߊ߯ߦߊ ߘߐ߫ ߖߡߊ߬ߣߊ߫ ߝߌ߬ߟߊ ߣߌ߫ ߢߐ߲߯ߕߍ߫. ߞߊߕߙߍ߬ߕߍ߫ ߖߎ߬ߓߐ߬ ߞߏ ߡߊ߬ߘߎ߮ ߡߊ߬߸ ߛߍ߬ߣߍ ߡߊ߬ߘߎ߮ ߡߊ߬، ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߡߊ߬ߘߎ߮. ߌߖ߭ߌߔߕ ߕߍߓߊ߯ߦߟߊ ߟߎ߬ ߞߊ߬ ߛߋߞߏߦߊ߫ ߕߊ߲߬ߘߏ߬ߟߌ ߞߍ߫ ߘߐ߬ߝߐ ߜߋ߬ߙߋ ߞߊ߲߬߸ ߞߐߣߊߞߙߌ߫ ߣߌ߫ ߞߍ߯ߙ ߕߍ߫. ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߊ߬ ߛߌ߰ߣߍ߲߫ ߕߋߙߌߦߊ߫ ߞߘߐ ߟߋ߬ ߞߊ߲߬߸ ߊ߬ ߣߌ߫ ߢߐ߲߯ߘߍߡߍ߲ ߞߊ߬ߓߌ߯ ߝߘߊ߬ߝߌ߲߬ߠߊ߫ ߟߊ߫ ߘߍ߲ߖߘߍߟߦߊ ߕߊ ߛߊ߲߬ ߝߟߐ ߟߊ߫.
ߞߵߊ߬ ߓߍ߲߬ ߢߡߊߦߟߍߡߊ߲߫ ߕߍߓߊ߯ߦߊ߫ ߡߊ߬ߡߊ߬ߟߊ߫ ߡߊ߬ ߖߌ߬ߣߍ߬ ߣߐ߬ ߡߍ߲ ߘߊߓߐ߫ ߟߊ߫، ߛߌߡߊ߲ߘߎ߯ ߂߀߄߀ ߢߍߥߟߊ߫ ߘߐߦߙߌߥߊ ߛߌߟߊ ߝߍ߬، ߌߖ߭ߌߔߕ ߕߍߓߊ߯ߦߟߊ ߟߎ߬ ߞߵߊ߬ߟߎ߬ ߤߊ߲ߞߟߌ ߘߌ߫ ߊ߬ߟߎ ߟߊ߫ ߖߡߊ߬ߣߊ ߟߊߥߙߎߞߌ ߘߐ߫، ߞߵߊ߬ ߓߍ߲߬ ߖߡߊ߬ߣߊ߫ ߥߙߎߞߌ ߡߊ߬ߘߎ߮ ߞߐߞߘߐߓߌ߲ߓߌ߲ ߡߊ߬. ߊ߬ ߣߌ߫ ߌߖ߭ߌߔߕ ߣߊ߲߬ߝߟߏ߬ߘߏ߲߬ߘߊ߬ߟߊ ߟߎ߬ ߟߊ߫ ߓߍߓߊ߯ߦߊ ߟߊߛߘߋߦߊ߫. ߘߡߊߝߊߟߋ߲߫ ߕߊ߬ߡߌ߲߬ ߘߊ߫ ߞߏߕߌ߯ ߝߟߐ ߟߊ߫ ߝߘߏ߬ߓߊ߬ ߓߐߒߡߊߟߌ߫ ߘߏ߫ ߞߍ߫ ߞߏ ߞߊ߲߬ ߌߖ߭ߌߔߕ. ߛߊ߫ ߞߊ߬ ߢߊ߫ ߛߐ߬ߘߐ߲߬ ߡߊ߲߬ߕߏ߲߫ ߝߌ߬ߟߊ ߟߊ߫ ߘߡߊߝߊߟߋ߲߫ ߕߊ߬ߡߌ߲߬ ߘߊ߫ ߞߍߢߊ ߟߎ߬ ߞߊ߲߬߸ ߛߊ߫ ߞߊ߬ ߓߍ߲߬ߒ߬ߛߋ߲߬ߡߊ ߘߏ߫ ߕߣߐ߬ߓߐ߫ ߡߊ߲߬ߕߏ߲ ߝߌ߬ߟߊ ߟߊ߫ ߕߍߓߊ߯ߦߊ߫ ߞߊ߲߬.
ߞߏߕߌ߯ ߝߟߐ ߞߊ߬ ߘߐ߬ߝߐ ߓߌ߬ߟߊ߬ߢߐ߲߰ߡߊ ߟߎ߬ ߥߟߊߥߟߊ߫. ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߖߌ߬ߣߍ߬ ߣߌ߫ ߌߖ߭ߌߔߕ ߕߍ߫، ߊ߬ ߞߊ߬ ߖߊ߯ߓߘߊ߫ ߜ߭ߡߊߟ ߊߓߘߎߟߑߣߊߛߍߙ ߡߊߘߊ߲߫ ߞߐߣߊߞߙߌ߫. ߏ߬ ߦߋ߫ ߕߐ߰ߡߊ߬ߛߙߋ߬ ߓߘߍ ߟߋ߬ ߘߌ߫. ߞߵߌ ߕߌ߲ߕߌ߲߫ ߊ߬ ߞߊ߲߬
ߊ߬ ߞߵߊ߬ ߕߌ߲ߕߌ߲߫ ߕߍߓߊ߯ߦߊ ߣߌ߲߬ ߠߊ߫ ߛߓߊ߬ߕߌ ߞߊ߲߬߸ ߞߊ߬ ߣߝߊ߬ߢߐ߲߰ߦߊ ߡߊ߬ߡߊ߬ߟߊ ߟߊߥߙߎߞߌ߫ ߞߵߊ߬ ߓߍ߲߬ ߓߌ߬ ߣߕߊ߬ߘߐ߬ߞߏ ߟߎ߬ ߡߊ߬ ߖߌ߬ߣߍ߬ ߟߊ߫ ߥߙߎߞߌ ߛߌߟߊ ߝߍ߬. ߞߵߊ߬ ߣߊ߲߬ߝߟߏ߬ߘߏ߲߬ߘߊ߬ߟߊ ߛߌߟߊ ߟߎ߬ ߘߊߦߟߍ߬.
ߞߊ߬ ߖߌ߬ߣߍ߬ ߘߊߦߟߍ߬ ߣߝߊ߬ߢߐ߲߰ߦߊ߫ ߟߊߢߌߣߌ߲ߣߍ߲ ߘߏ߫ ߢߍ߫߸ ߡߍ߲ ߘߌ߫ ߞߏ ߢߊ߬ ߊ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߘߐ߫.
