ߞߐߣߊߞߙߌ߫ ߥߊ߬ߛߌߥߊ߬ߙߊ ߕߟߋ߬ ߁߀/ ߂߀߂߆
ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ
ߞߊ߬ ߛߣߍ߬ߜ߭ߊߟߌ߫ ߞߊ߲ߓߍ߲ ߗߋߦߊߟߌ߫ ߘߏ߫ ߟߊߛߣߍ߫.
ߏ߬ ߡߍ߲ ߢߍߡߌ߬ߘߊ߬ߣߍ߲߫ ߕߘߍ߬ ߛߣߍ߬ߜ߭ߊߟߌ߫ ߝߘߊ߬ߝߌ߲߬ߠߊ߫ ߣߌ߫ ߘߏ߲߬ߢߐ߲߰ߘߐ ߣߌ߫ ߞߐߞߊ߲ߞߏ ߟߎ߬ ߞߏߕߌ߮ ߛߟߊߕߌ߯ ߛߍߞ ߕߌ߬ߖߊ߲ߣ ߢߊ߲ߜ߭ ߓߟߏ߫. ߊ߬ ߘߊ߲߬ߕߍ߰ ߘߊ߫ ߖߌ߬ߣߍ߬ ߝߘߊ߬ߝߌ߲߬ߠߊ߫ ߘߏ߲߬ߢߐ߲߰ߘߐ ߣߌ߫ ߞߐߞߊ߲ߞߏ ߟߎ߬ ߞߏߕߌ߮ ߞߏ߲߬ߓߏ ߡߏ߬ߙߌ߬ߛߊ߲ߘߊ߫ ߞߎߦߊߕߍ߫ ߟߋ߬ ߓߟߏ߫. ߛߣߍ߬ߜ߭ߊߟߌ߫ ߗߋߦߊߟߌ߫ ߕߘߍ߬ ߣߊ߬ߣߍ߲߫ ߞߊ߲ߕߌ߮ ߖߏߡߊߦ ߝߊߦ ߟߊ߫ ߗߋߟߊ ߟߋ߬ ߟߊ߫ ߊ߬ ߡߐ߬ߟߐ߲߬ߞߋ߬ߟߋ߲߬ߢߐ߲߮ ߖߌ߬ߣߍ߬ߞߊ ߝߍ߬ ߣߊߟߌ߬ߡߎ߲߫ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߘߌ߫. ߞߵߊ߬ ߓߍ߲߬ ߟߊ߬ߥߟߍ߬ߟߌ ߡߊ߬߸ ߡߍ߲ ߦߴߌ ߘߐ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߭ ߛߘߋߦߊߏ ߖߡߊ߬ߣߊ ߟߎ߬ ߞߣߐߟߊ ߘߐ߫. ߘߡߊߝߊߟߋ߲߫ ߕߊ߬ߡߌ߲߬ ߘߊ߫ ߓߎߙߊߡߊ߬ ߖߐߔ ߟߊ߫ ߡߊ߬ߡߌ߬ߘߊ߬ߟߌ ߞߊ߲߬ ߞߵߊ߬ ߓߍ߲߬ ߊ߬ ߞߐߡߊߓߌ߲ߓߌ߲߫ ߞߏ ߡߊ߬ ߛߌ߲߬ߝߏ߲߬ߧߊ߬ߟߌ ߘߍ߬ߘߊ ߞߊ߲ߕߌ߯ߦߊ ߟߊ߫.ߊ߬ ߣߌ߫ ߘߍ߬ߡߍ߲߬ߠߌ߲ ߢߌߣߌ߲߫ ߖߌ߬ߣߍ ߝߍ߬ ߘߊߞߎ߲ ߏ߬ ߘߐ߫. ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߡߙߌߘߐ ߣߌ߲߬ ߞߎߟߎ߲ߖߋߟߌ ߞߍ߫. ߞߏ߫ ߏ߬ ߦߋ߫ ߓߌ߬ߟߊ߬ߢߐ߲߰ߡߊ ߜߍߦߊߣߍ߲ ߣߌ߫ ߕߋߙߌߦߊ ߕߐ߰ߡߊ߬ߛߙߋ ߟߋ߬ ߘߌ߫ ߖߌ߬ߣߍ߬ ߣߌ߫ ߛߣߍ߬ߜ߭ߊߟߌ߫ ߕߍ߫. ߊ߬ ߞߊ߬ ߟߊߡߍ߲ߠߊ ߟߎ߬ ߟߊߘߍ߲߬ߞߣߍ߬ߦߊ߫ ߞߏ߫ ߊ߬ ߓߍߣߊ߬ ߗߋߦߊߟߌ߫ ߟߊߛߋ߫ ߞߊ߲ߓߍ߲ ߞߊ߲ߕߌ߮ ߡߵߊ߬ ߘߐߞߕߌ߫ ߞߊ߲ߡߊ߬.
