ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߂/ ߂߀߂߆
ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߘߋߡߌߛߍ߲ ߛߋ߲߬ߠߊ߬ߕߊ߰ߡߊ߬ߟߊ ߟߊߓߍ߲߬ ߛߊ߲ߡߊߘߊ߲߫ ߊߤߑߡߍߘ ߛߋߞߎ߬ ߕߎ߬ߙߋ߬ ߟߊ߫߸ ߘߋ߲ߡߌߛߍ߲ ߕߊ߯ߡߟߊ ߡߊ߬ߟߌ߬ߞߊ ߛߎߟߋߡߊߣ ߞߏ߬ߣߊ߬ߕߍ߫ ߓߐߣߍ߲߫ ߓߡߊ߬ߞߐ߫ ߓߌ߲ߠߊߥߎߟߋ߲߫ ߕߟߋ߬ ߁߁ ߕߊ߬ߡߌ߲߬ߣߍ߲ ߞߊ߬ ߘߏ߲߬ ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߂ ߛߏ߲߯ߓߊߟߌ ߢߐ߲߰ߦߋ߬ߓߊߟߌ ߏ߬ ߞߎ߲߬ߕߊ߮ ߡߍ߲ ߞߎߘߍ߫ ߘߌ߫ ߛߋ߫ ߝߏ߯߉߉߀ ߛߋ߲߭ ߠߊ߫. ߖߘߍ߬ߦߋ߫ ߕߊ߯ߡߊ ߞߘߎ߬ߜߍߟߍ߲߫ ߣߌ߲߬ ߓߐߣߍ߲߫ ߟߊ߬ߤߘߌ߬ߞߊ߲ ߘߏ߫ ߟߋ߬ ߘߐ߫߸ ߡߍ߲ ߞߍߣߍ߲߫ ߞߊ߬ ߞߐ߲߬ ߞߏߟߌ߲ߞߏߟߌ߲߫ ߕߋ߬ߟߋ߫ ߂߈ ߞߊ߲ߕߌ߯ ߢߣߊߕߊߟߌ ߢߍ߫ ߂߀߂߅ ߟߊ߫. ߞߏ߫ ߊ߬ ߘߌ߫ ߏ߬ ߘߝߊ߫ ߣߌ߫ ߞߟߍ߬ߕߌ߯ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߛߎߘߊ߲߫ ߘߊ߫ ߞߊ߲ߕߌ߯ ߢߣߊߕߊߟߌ ߘߐ߫. ߡߊ߬ߟߌ߬ߞߊ߬ ߘߋ߲ߡߌߛߍ߲ ߣߌ߲߬ ߠߊ߫ ߣߊ߬ߟߌ ߘߐ߫߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߞߎߟߎ߲ߖߋ߫ ߞߵߊ߬ ߞߟߊߓߎߡߦߊ߫ ߊ߬ ߟߊ߫ ߥߞߊ߬ߟߌ ߓߙߐߕߐߓߊߟߌߦߊ ߟߊ߫߸ ߊ߬ ߟߊ߫ ߖߊ߰ߟߋ ߞߎ߲߬ߕߊ߮ ߞߣߐ߫ ߞߵߊ߬ ߦߌ߬ߘߊ߬ ߞߏ߫ ߏ߬ ߦߋ߫ ߕߐ߰ߡߊ߬ߛߙߋ߬ ߓߘߍ ߟߋ߬ ߘߌ߫ ߖߘߍ߬ߘߏ߲߬ߒ߬ߞߊ߲߬ߡߊ߬ ߛߎ߯ ߢߌ߲߬ ߘߐ߫.
