ߞߐߣߊߞߙߌ߫ ߞߐ߬ߓߊ߬ߟߏ߲ ߞߏ߲ߞߏߜߍ ߕߟߋ߬ ߂߃/ ߂߀߂߆
ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߡߊߟߐ߬ ߘߊ߫ ߡߊ߬ߘߏ߬ߠߌ߲߬ߠߌ߲ ߞߏߕߌ߮ ߟߋ߬ ߓߟߏ߫، ߊ߬ ߣߌ߫ ߝߘߏ߬ߓߊ߬ ߡߊ߬ߡߙߊ߬ߟߌ ߡߊ߬ߞߟߐ߬ ߛߌߦߊߡߊ߲߫ ߸ߊ߬ ߞߊ߬ ߞߣߍ ߞߊ߲߬ ߓߐߒߡߊߟߌ ߘߏ߫ ߞߍ߫ ߘߊ߲ߞߊ߲ ߖߘߍ߬ߛߊ߬ߙߌ߬ߦߊ߬ߕߌ߮ ߟߊ߫. ߗߋߦߊߟߌ ߣߌ߲߬ ߞߎ߲߬ ߠߋ߬ ߘߐ߬ߥߙߊ߬ߟߌ ߖߊ߬ߕߋ߬ߘߐ߬ߛߌ߰ ߓߟߋߓߟߋ ߘߌ߫. ߞߵߊ߬ ߓߍ߲߬ ߢߊߞߎߘߦߊߟߌ߫ ߘߊߓߐߣߍ߲ ߡߊ߬ ߡߙߊ߬ߦߊ ߣߝߊ߬ߢߐ߲߮ ߠߎ߬ ߟߊߞߎ߲߬ ߠߊ߫. ߏ߬ ߡߍ߲ ߛߌ߰ߣߍ߲ ߝߊ߬ߘߌ߬ߛߓߊ߬ߟߌ߬ߦߊ ߞߘߎ߬ߜߟߍߦߊ ߞߊ߲߬ ߊ߬ ߣߌ߫ ߞߊ߬ ߞߐ߰ߖߌ߬ߞߊ߲ ߟߕߊ߬ߡߌ߲߬ߠߌ߲ ߞߐߡߊߓߌ߲ߓߌ߲߫:
ߢߌߣߌ߲ߞߏ߫ ߘߐߞߣߍߣߍ߲ ߠߋ߬
ߞߊ߬ ߟߊ߬ߛߣߍ߬ߟߌ ߘߎ߲ߡߊߣߍ߲ ߛߋߞߏߦߊ ߝߊ߲߬ߞߊߘߏ߲߬ ߞߊ߬ ߞߙߊ߬ߖߊߥߏ߬ ߞߏ ߓߍ߲߬ߘߐ ߟߎ߬ ߟߊߣߐ߰ߦߊ߬ ߞߵߊ߬ ߓߍ߲߬ ߖߎ߬ߓߐ ߟߎ߬ ߗߏ߯ߦߊ ߡߊ߬ ߘߐ߬ߜߟߍ߬ߦߊ߬ߟߌ ߘߐ߫. ߞߵߊ߬ ߟߐ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߝߊ߬ߛߏ߬ߟߊ߬ߞߊ ߟߊ߫ ߥߙߎߞߌ ߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߏ߲߬ߘߊ ߕߊ߬ ߞߊ߬ ߥߊ߫ ߘߊ߬ߡߊ߲߬ߞߏ ߟߎ߬ ߘߊ߲ߞߊ߲ ߠߊ߫ ߸ ߞߵߊ߬ ߥߊ߫ ߕߐ߭ ߟߊߓߊ߲߫ ߣߊ߯ߓߊ ߘߊ߲ߞߊ߲ ߠߊ߫. ߘߐ߬ߥߙߊ߬ߟߌ ߓߊ߯ߙߊ߫ ߓߟߋߓߟߋ ߦߴߌߘߐ߫ ߦߋ߲߬ ߡߍ߲ ߘߐ߫. ߞߟߍ߬ߦߊ߬ ߖߎߓߐ ߢߌ߲߬ ߦߋ߫ ߛߋߞߏߦߊ ߟߊߒߣߦߊ ߟߋ߬ ߘߌ߫ ߞߙߊߖߊߥߏ ߟߊ߬ߦߟߍ߬ߟߌ ߣߴߊ߬ ߟߊ߬ߖߌ߰ߟߌ ߘߐ߫. ߞߵߏ߬ ߓߍ߯ ߟߊ߫ ߛߊ߲ߞߊߢߐ߲߯ߦߊ ߞߊ߲߬ ߖߡߊ߬ߣߊ ߡߊ߬ߘߏ߬ߠߌ߲߬ߠߌ߲ ߠߎ߬ ߘߐ߫. ߛߋ߲ߒߞߏߟߊ ߖߊ߬ߓߌ߬ߦߊ߬ߟߊ ߟߎ߬ ߞߊ߬ ߓߊ߯ߙߊ ߟߊ߫ ߕߊ߯ ߢߍ ߦߌ߬ߘߞߊ߬ߟߌ ߞߍ߫ ߊ߬ ߣߌ߫ ߦߟߌߛߌ߰ߣߍ߲ ߣߊ߬ߝߊ ߡߍ߲ ߠߊ߫ ߖߊ߬ߕߋ߬ߘߐ߬ߛߌ߮ ߞߐ ߘߐ߫. ߞߊߕߙߍ߬ߕߍ߫ ߞߎߟߎ߲ ߠߎ߬ ߟߊ߫ ߓߍߟߍ߲ߠߌ߲ ߞߎ߲߬ߕߊ߮ ߟߊߘߐ߯ߦߊ ߡߊ߬. ߡߊ߬ߘߏ߬ߣߌ߲߬ߠߌ߲ ߞߍߢߊ ߟߊߢߊ߬ߟߌ. ߊ߬ ߣߌ߫ ߞߊ߬ ߡߞߊ߬ߝߏ߬ߟߌ ߜߍߞߟߐ ߝߘߏ߬ߓߊ߬ߡߊ ߓߟߏߓߘߍߡߦߊ߫. ߞߊ߬ ߘߊ߲ߞߊ߲ߠߊߞߏ ߟߎ߬ ߝߘߍ߬ߦߊ߫. ߞߏߕߌ߯ ߝߟߐ ߞߊ߬ ߞߎ߲߬ߠߊ߬ߛߌ߮ ߟߊ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߬ ߞߵߊ߬ ߟߐ߬ ߖߎ߬ߓߐ ߟߎ߬ ߢߊߞߎߘߦߊߟߌ ߘߎ߲ߡߕߊ ߡߊ߬ ߘߊ߲ߞߊ߲ߠߊߞߏ ߝߊ߬ߛߏ߬ߟߊ߬ߞߊ ߟߎ߬ ߛߌߟߊ ߝߍ߬. ߞߊ߬ ߞߟߍ߬ߦߊ߬ ߞߍߢߊ߫ ߓߊ߲ߓߊ߲ߣߍ߲ ߠߎ߬ ߓߌ߬ߟߊ߬ ߖߌ߬ߣߍ߬ ߛߊ߬ߥߏ߬ ߘߐ߫. ߞߵߊ߬ ߓߍ߲߬ ߡߝߊ߬ߟߋ߲߬ߠߌ߲ ߠߎ߬ ߡߊ߬ ߕߟߋ߬ߓߋ ߕߌ߲߬ߞߎ߲ߘߎ߲ ߠߎ߬ ߣߌ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߎ߬ ߡߊ߬ߘߎ߮ ߘߐ߫߸ ߊ߬ ߣߌ߫ ߞߊ߬ ߡߊߣߊ߲ߞߎ߲ߓߊߕߌ߮ ߟߎ߬ ߓߟߏߡߦߊ߫ ߦߏ߫ ߘߎ߰ߘߋ߲ ߗߋߢߟߊ ߘߊ߲ߞߊ߲ߠߊߝߋ߲߫ ߡߊ߬ߘߏ߬ߣߌ߲ ߞߎ߲߬ߞߊߟߌ߲ ߘߐ߫ ߣߐ߬ߡߊ߬ߢߌ߲߬ߧߊ ߣߌ߫ ߛߊ߲ߞߊߢߐ߲߯ߦߊ ߘߐ߫.
