ߞߐߣߊߞߙߌ߫ ߘߓߊ߬ߕߊ߫ ߕߟߋ߬ ߅/ ߂߀߂߆
ߞߏߕߌ߯ߝߟߐߘߊ ߞߎߓߋߘߐ ߗߋߕߌ߯ ߞߏߕߌ߮ ߞߏ߲߬ߓߏ ߘߊߎߘߊ߫ ߞߊ߬ߡߌ߬ߛߏ߬ߞߏ߫ ߞߊ߬ ߖߌ߬ߣߍ߬ ߂߀߂߆ ߤߖߌߘߋ߲߫ ߝߟߐߡߊ ߟߎ߬ ߟߊ߫ ߥߊߟߌ߫ ߢߣߊߓߊ߯ߦߊ߫ ߟߋ߬ ߛߊ߲ߡߊߘߊ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߊߤߑߡߍߘ ߛߋߞߎ߬ ߕߎ߬ߙߋ߬ ߟߊ߫ ߞߐߣߊߞߙߌ߫. ߤߖߌ߫ ߕߊ߯ߟߌ߫ ߛߘߍ ߝߟߐ ߣߌ߲߬ ߛߏ߯ߙߏߣߍ߲߫ ߡߐ߰ ߃߄߂ ߟߋ߬ ߟߊ߫، ߡߍ߲ ߠߎ߬ ߓߐ߫ ߘߊ߫ ߞߐߣߊߞߙߌ߫ ߃ ߙߋ߲ ߠߊ߫ ߛߊ߲ߡߊߞߎߟߎ߲߫ ߓߏߦߌ߲ߜ߭ ߃߅߀ ߞߣߐ߫. ߞߵߊ߬ ߓߍ߲߬ ߛߙߍߞߎߘߎ߲߫ ߠߊ߫ ߦߙߍߞߍߟߌ ߘߊߡߌ߬ߣߊ ߡߊ߬ ߝߘߏ߬ߓߊ߬ߦߊ߫ ߓߟߏߡߊ߬ ߛߌ߬ߟߊ߬ߡߊ߫ ߦߙߐ߫ ߛߊߣߌ߲ ߘߐ߫. ߡߍ߲ ߕߎ߲߰ߕߐ߫ ߏ߬ ߟߊ߫ ߏ߬ ߦߋ߫ ߃߀߈ ߠߋ߬ ߘߌ߫ ߡߍ߲ ߘߐߓߍ߲߬ߣߍ߲߫ ߆ߙߋ߲ ߢߍ߫. ߏ߬ ߓߍ߯ ߟߊߘߍ߬ߣߍ߲ ߦߋ߫ ߤߖߌߘߋ߲߫ ߆߅߀ ߟߋ߬ ߘߌ߫ ߡߍ߲ ߠߎ߬ ߡߊߘߏߠߌ߲ ߦߴߌ ߘߐ߫ ߤߖߌ ߟߊߕߊ߯ ߟߏ߲߫ ߝߟߐ ߣߌ߲߬ ߡߊ߬.
ߣߊߡߎ߲ߞߏ ߟߎ߬ ߝߘߏ߬ߓߊ߬ ߞߟߊ߬ߕߌ߮ ߟߊ߰ߖߌ ߞߙߊ߬ߡߐ߯ ߖߥߊߙߊ߫ ߞߊ߬ ߞߎߡߊ ߕߊ߬ ߞߊ߬ ߞߎߟߎ߲ߖߋߟߌ߫ ߞߍ߫ ߞߏ߫ ߟߎ߫ ߕߊ߬ߡߌ߲߬ ߞߏ ߢߌߡߊ ߟߊ߫߸ ߊ߬ ߣߌ߫ ߞߊ߬ ߤߖߌߘߋ߲ ߓߍ߯ ߡߊߞߟߌ߫ ߝߘߏ߬ߓߊ߬ ߓߟߏߡߊ߬، ߡߍ߲ ߠߎ߬ ߕߘߍ߬ ߘߐߓߍ߲߬ߣߍ߲߫ ߜߊ߲ߠߌ߲߫ ߣߊ߬ߕߐ ߢߍ߫ ߖߐ߲ߖߐ߲ߦߊ ߣߌ߫ ߡߊ߬ߝߊ ߘߐ߫. ߊ߬ ߣߌ߫ ߞߊ߬ ߡߊ߬ߘߏ߬ߣߌ߲߬ߠߌ߲ ߟߊߞߊ߲߬ߘߊ߬ߟߌ ߓߟߏߡߦߊ߫ ߛߌ߰ ߛߋ߲߬ ߞߊ߲߬. ߊ߬ ߞߊ߬ ߓߌ߬ߟߊ߬ߒ߬ߘߐ߬ ߞߎߘߊ ߢߐ߲߰ߦߋ߬ߓߊߟߌ ߟߎ߬ ߟߊߘߏ߲߬ ߂߀߂߆ ߢߌ߲߬ ߛߋ߲߭ ߕߊ ߘߐ߫. ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߏ߬ ߟߊ߫ ߕߟߋ߬ ߕߊ߲߫ ߞߘߐ߫ ߞߊ߬ ߞߐ߲߬ ߥߌ߬ߟߌ ߢߍ߫، ߤߖߌߘߋ߲ ߓߍ߯ ߞߵߊ߬ ߟߊ߫ ߛߊ߲ߡߊߞߎߟߎ߲ ߟߐ߲߫ ߞߊ߬ߞߘߐ߬. ߊ߬ ߞߵߊ߬ ߟߊ߫ ߥߟߌ߬ߟߌ ߕߎ߬ߡߊ ߝߣߊ߫ ߟߐ߲߫ ߊ߬ ߞߵߊ߬ ߖߌ߬ߦߊ߬ߘߊ ߝߣߊ߫ ߟߐ߲߫ ߛߎ߬ߘߎ߰ߟߊ߫. ߊ߬ ߞߵߊ߬ ߘߐߞߣߍߦߊ߫ ߞߏ߫ ߖߌ߬ߣߍ߬ ߛߌ߬ߟߊ߬ߡߊ ߟߎ߬ ߖߌ߬ߦߊ߬ߕߐ߫ ߕߌ߲ߓߌߘߌ߲ߘߊ߫ ߛߊߣߌߡߊ߲߫ ߝߌ߬ߟߊ ߡߊߛߎ߬ߘߎ߲߬ߧߊ ߟߋ߬ ߘߐ߫. ߞߍߞߏ ߢߌߡߊ ߘߐ߫ ߡߍ߲ ߘߴߊ߬ߟߎ߬ ߡߊߘߍ߬ߡߍ߲߬ ߛߌߟߊ ߕߊ߯ߡߊ ߘߐ߫. ߞߎߡߊ ߞߎ߲߬ߘߏ߲ ߘߐ߫ ߊ߬ ߞߵߊ߬ ߟߊ߫ ߥߊ߬ߛߊ ߦߌ߬ߘߊ߬ ߝߘߏ߬ߓߊ߬ ߓߟߏߡߊ߬ ߤߖߌߘߋ߲ ߠߎ߬ ߟߊ߫ ߞߏ ߛߌ߲߬ߝߏ߲߬ߧߊ߬ߧߊ ߘߐ߫. ߞߊ߬ ߓߊ߲߫ ߞߊ߬ ߓߏߟߏ߲ߝߘߊ ߟߊ߫ ߥߊߟߢߌߡߊߟߐ߲߫ ߠߊߛߋ߫ ߞߊ߲ߓߍ߲ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߡߊ߬، ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߘߍ߬ߘߏ߲ ߡߊ߬ ߞߏߢߊ ߕߊ߬ߡߌ߲߬ ߞߏߢߌߡߊ ߘߐ߫߸ ߞߊߕߙߍ߬ߕߍ߫ ߘߌ߲߬ߞߌ߬ߙߊ߬ߟߐ߲߫ ߦߙߍߞߍߟߌ߫ ߢߍߓߌߟߊ߫ ߖߐ߰ߣߍ߬ߦߊ߬ߟߌ ߟߎ߬ ߡߊ߬߸ ߝߛߎߞߎ߫ ߛߐ߬ߘߐ߲߬ߘߊ߫ ߢߊ߬ߒ߬ߞߐ߬ߓߊߟߌ ߟߎ߬ ߛߌߟߊ ߝߍ߬.
