ߞߍߢߐ߲߯ߝߍ ߣߌ߫ ߓߍ
߲ ߣߌ߫ ߖߐ߸ ߊߟߎ ߟߴߏ߬ ߓߟߏߡߊ ߣߴߊ߬ߟߎ߫ ߞߣߐ߬ߜߍ߲߬ߓߊ߮ ߟߎ߬ ߘߌ߫، ߞߊ߬ ߦߙߐ ߕߏ߫ ߡߊ߬ߝߊ ߘߐ߫ ߞߊ߬ ߕߘߍ߬ ߡߊ߲߬ߞߊ߲ ߠߎ߬ ߦߋ߫ ߞߍ߫ ߟߊ߫ ߟߊ߬ߡߌ߬ߣߌ߲߬ ߖߡߊߣߊ ߟߎ߬ ߘߐ߫.
ߊߟߎ߫ ߞߵߊ߬ ߟߐ߲߫ ߞߏ߫ ߝߛߏ߬ߝߛߊ ߟߎ߫ ߞߵߊ߬ߟߎ߫ ߣߐ
ߟߊ߫ ߕߌ߲߬ߞߎߘߎ߲ ߣߌ߲߬ ߞߊ߲߬߸ ߏ߬ ߓߘߊ߫ ߛߊ߲߬ ߂߀ ߓߐ߫، ߊ߲ ߧߋ߫ ߘߐ߬ߕߊߡߌ߲ ߡߍ߲ ߘߐ߫ ߣߌ߲߬߸ ߏ߬ ߞߎ߲߬ ߖߐ߲ߖߐ߲ ߦߋ߫ ߝߎ߬ߕߌ߲߬ߕߌ߫ ߕߊ߬ߡߌ߬ߣߍ߲ ߠߎ߬ ߡߊߕߊ߲߬ߞߊ ߟߋ߬ ߘߌ߫ ߖߐ߲߰ߛߊ߫ ߞߵߊ߬ߟߎ߬ ߢߍߓߍ߲߬، ߏ߬ ߟߋ ߞߏߛߐ߲߬߸ ߡߍ߲ ߠߎ߬ ߦߋ߫ ߛߝߊ ߘߐ߫ ߓߊ߬߸ ߛߏ߬ߝߊ ߟߎ߫ ߓߊ߬߸ ߞߟߍ߬ߕߌ߰ ߛߏߝߊ ߟߎ߫ ߓߊ߬߸ ߞߎ߲߬ߠߊ߬ߝߎߟߋ߲ ߝߊ߬ߛߏ߬ߟߊ߬ߞߊ ߟߎ߫ ߓߊ߬߸ ߖߡߊ߬ߣߊ߬ߞߏ ߞߊ߫ ߞߊ߲߫ ߞߊ߬ ߕߏ߫ ߊ߲ ߤߊߞߟߌ ߟߊ߫.
ߊ߬ ߝߐߒߛߌ߬ߟߊ ߘߐ߫߸ ߡߊ߬ߝߊ ߦߋ߫ ߓߐ߫ ߟߴߊߟߎ߫ ߟߋ߬ ߘߐ߫، ߞߊ߲ߓߍ߲ ߞߊ߲ߕߌ߮ ߞߟߍ߬ߕߌ߯ ߡߊ߬ߡߊ߬ߘߌ߫ ߘߎ߲߬ߓߎ߬ߦߊ ߖߌ
ߦߴߊߟߎ߫ ߞߊ߲߬ ߏ߬ ߞߏߢߊ ߘߐ߫، ߡߊ߬ߝߊ ߦߋߝߊߘߌ ߝߌߟߊߣߊ߲ ߝߣߊ߫߸ ߝߏ߫ ߞߵߏ߬ ߝߐ߫ ߊߟߎ߫ ߦߋ߫߸ ߊߟߎ߫ ߦߋ߫ ߘߎ߰ߘߋ߲ ߠߎ߫ ߟߋ߬ ߘߌ߫ ߕߏ߲ߕߊߟߊ߲ ߦߋ߫ ߡߍ߲ ߠߎ߬ ߞߣߊ߫، ߞߏ߬ߣߌ߲߬ ߊߟߎ߫ ߦߋ߫ ߖߌ߬ߣߍ߬ ߞߊ߲ߓߍ߲ ߘߎ߰ߘߋ߲ ߠߎ߫ ߟߋ ߘߌ߫.
ߊ߲ ߓߊ߯ ߞߴߊ߬ ߛߎ߯-ߎ-ߛߎ߯ ߘߌ߫߸ ߕߏߒߕߊ߲ ߥߟߊ߫ ߛߏ߬ߝߊ ߤߊߡߊ߲߫ ߊ߲ ߧߋ߫ ߞߍ߫ ߡߊ߬ߞߊ߲߬ߞߊ߲߬ߠߌ߲ ߣߌ߫ ߞߎ߲߬ߠߊ߬ߝߎ߬ߟߋ߲߬ ߝߊ߲ߞߊ ߟߎ߬ ߘߏ߫ ߘߌ߫߸ ߡߍ߲ ߦߴߊ߲ ߓߍ߯ ߘߍ߬ߡߊ ߘߌ߫߸ ߏ߬ ߟߋ ߡߊ߬ߝߊ ߕߏ ߘߴߊ߬ ߡߊ߬ ߊ߲ ߠߊ߫ ߞߊ߬ߝߏ ߞߣߐ߫، ߞߵߊ߲ ߡߊ߬ߘߏ߲߬ ߘߍ߬ߓߊ ߟߎ߬ ߟߊ߫߸ ߞߵߊ߬ߟߎ߬ ߟߊߘߍ߲߬ߞߣߍ߬ߦߊ߫ ߞߎ߲߬ߠߊ߬ߝߎߟߋ߲ ߠߊ߫߸ ߞߵߊ߬ߟߎ߬ ߟߊߘߍ߲߬ߞߣߍ߬ߦߊ߫ ߢߝߍߕߊ߮ ߟߊ߫߸ ߛߴߊ߬ߟߎ߬ ߘߌ߫ ߛߋ߫߸ ߕߎ߬ߡߊ ߏ߬ ߟߊ߫߸ ߞߊ߬ ߟߴߊ߬ ߟߊ߫ ߞߏ߫ ߛߌߣߌ߲߫ ߘߌ߫ ߓߍ߲߬، ߓߊ߯ߙߊߞߣߍ ߡߍ߲ ߠߎ߬ ߟߊߞߊ߬ߣߍ߲߫ ߞߊ߬ߦߌ߯ ߂߀߂߁ ߕߎߟߊߣߌ߲ ߅ ߟߊ߫߸ ߊߟߎ߫ ߦߴߏ߬ ߟߎ߫ ߞߊ߬ߟߊߡߊ߬.
ߕߐ߬ߣߐ ߦߋ߫ ߓߊ߯ߙߊߞߣߍ ߏ߬ ߟߎ߬ ߟߊ߫߸ ߊ߬ߟߎ߬ ߖߊ߯ߙߋߣߍ߲߫، ߛߌߡߊ߲ߘߎ߯ ߞߎߡߊ ߓߊ߯ ߝߐ߫߸ ߡߐ߰ ߛߌߦߊߡߊ߲߫ ߦߋ߫ ߦߋ߲߬߸ ߊ߲ ߕߘߍ߬ ߦߴߏ߬ ߡߍ߲߫ ߠߊ߫ ߞߊ߬ߦߌ߯ ߊ߲ ߘߋ߲ߣߍ߲ߕߐ، ߊ߬ߟߎ߫ ߞߵߊ߬ ߝߐ߫ ߞߏ߫ ߣߌ߫ ߕߊߙߊ߲ߛߑߖߌߣߋ ߓߟߏߦߊ߫ ߘߊ߫߸ ߏ߬ ߕߎ߬ߡߊ߸ ߖߌ߬ߣߍ߬ ߘߌ߫ ߓߌ߬ߟߊ߬ ߟߌ߬ߤߟߊ߬ ߜߘߍ߫ ߘߐ߫ ߞߊ߬ ߓߍ߲߬ ߢߝߍߕߊ߮ ߡߊ߬، ߊߟߎ߫ ߦߋ߫ ߕߌ߲߬ߞߎߘߎ߲ ߣߌ߲߬ ߠߋ߬ ߞߣߐ߫߸ ߊߟߎ߫ ߦߴߊߟߎ߫ ߡߊߕߊ߯ߡߊ߫ ߟߊ߫߸ ߊߟߎ߫ ߞߵߊ߬ ߟߐ߲߫ ߞߏ߫ ߕߊߙߊ߲ߛߑߖߌߣߋ ߓߊ߯ߙߊ ߦߴߊ߬ ߞߊ߲߬.
ߊߟߊ߫ ߟߊ߫ ߘߍ߬ߡߍ߲ ߞߣߐߡߊ߬߸ ߦߊ߬ߣߌ߲߫ ߂߀߂߅ ߛߊ߲߬ ߣߌ߲߬ ߠߊߓߊ߲ ߠߊ߫߸ ߛߌ߬ߛߌ߬ߞߎ߬ߟߎ߲߬ ߝߟߐ߫ ߘߌ߫ ߓߏ߬ߙߌ߬، ߏ߬ ߘߌ߫ ߞߍ߫ ߕߙߎ߬ ߘߌ߫ ߖߌ߬ߣߍ߬ ߘߌ߫ ߘߏ߲߬ ߕߎ߬ߡߊ߬ߞߎ߲߬ ߞߎߘߊ߫ ߘߐ߫، ߊ߲ ߞߊ߫ ߞߊ߲߫ ߞߵߏ߬ ߟߊߕߊ߲߬ߞߊ߫߸ ߊ߲ ߞߊ߫ ߞߊ߲߫ ߞߊ߬ ߖߌ
ߏ߬ ߟߊߕߊ߲߬ߞߊ߫، ߦߏ߫ ߡߙߌ߫ ߞߍ߫ ߘߴߊ߬ ߡߊ߬ ߢߊ ߡߍ߲ ߁߉߅߀ ߝߊ
߲ ߝߍ߬߸ ߞߏ߫ ߖߌ߬ߣߍ߬ ߘߌ߫ ߞߍ߫ ߢߊ ߡߍ߲߸ ߊ߬ ߘߌߣߊ߬ ߞߍ߫ ߏ߬ ߘߌ߫ ߂߀߂߅ ߛߊ
߲ ߣߌ߲߬ ߠߊ߫߸ ߊ߬ ߣߴߏ߬ ߛߊ߲ߘߐ߫، ߏ߬ ߡߊ߬߸ ߟߐ߬ߒ߬ߞߋ߬ߟߊ ߕߣߐ߬ߡߊ߬ߓߊ ߘߏ߫ ߦߴߊߟߎ߫ ߡߊ߬߸ ߣߊ߬ߟߌߡߎ߲߬ ߖߡߊ߬ߣߊ ߣߌ߲߬ ߠߊ߫ ߛߌ߲߬ߝߏ߲߬ߘߊ ߟߎ߬ ߡߝߊ ߘߌ߫.
ߦߏ߫ ߞߊ߲ߓߍ߲ ߞߊ߲ߕߌ߮ ߞߵߊ߬ ߝߐ߫ ߢߊ ߡߍ߲߸ ߂߀߂߅ ߦߋ߫ ߢߣߊߕߊߟߌ ߛߊ
߲ ߠߋ߬ ߘߌ߫، ߢߣߊߕߊߟߌ ߟߎ߬߸ ߛߌ߰ߞߊ߲ ߞߊ߲ߘߟߌ߸ ߞߊ߲ߕߌ߯ ߢߣߊߕߊߟߌ ߟߎ߬߸ ߛߊ߬ߙߌ߬ߦߊ߬ߟߊ߲߬ߘߊ߬ ߢߣߊߕߊߟߌ߸ ߞߊ߬ߝߏ߬ߙߋ߲ ߣߌ߫ ߕߌ߲߬ߞߎ߬ߘߎ߬ ߢߣߊߕߊߟߌ ߟߎ߬߸ ߖߐ߲߰ߛߊ߫ ߞߊ߬ ߞߊ߬ߝߏ ߟߊߛߊ߬ߦߌ߲߬ ߞߎ߬ߙߎ߲߬ߘߎ ߞߣߐ߫، ߟߛߊ߬ߦߌ߲߬ߠߌ߲ ߞߎ߬ߙߎ߲߬ߘߎ ߞߣߐ߫߸ ߏ߬ ߦߋ߫ ߖߌ߬ߣߍ߬ߞߊ ߓߍ߯ ߟߊ߫ ߞߏ ߟߋ߬ ߘߌ߫.
ߊ߬ ߕߍ߫ ߞߏ߫ ߖߌ߬ߣߍ߫ ߝߊ
߲ ߘߏ߫ ߣߌ߫ ߖߌ߬ߣߍ߫ ߝߊ
߲ ߘߏ߫ ߟߋ߬ ߢߐ߲߮ ߠߊ߫، ߊ߬ ߕߍ߫ ߞߏ߫ ߡߊ߬ߞߊ߲߬ߞߊ߲߬ߠߌ߲ ߣߌ߫ ߞߎ߲߬ߠߊ߬ߝߎ߬ߟߋ߲߬ ߝߊ߲ߞߊ߲ ߡߐ߱ ߟߎ߬ ߟߊ߫ ߓߟߏߝߋ߲ ߠߋ߬ ߝߊ߬ߙߏ߲߬ߕߐ߫ ߊ߬ߟߎ߬ ߓߟߏ߫، ߍ߲߬ߍ߲߫߸ ߏ߬ ߕߍ߫، ߟߛߊ߬ߦߌ߲߬ߠߌ߲ ߞߎ߬ߙߎ߲߬ߘߎ ߞߣߐ߫߸ ߏ߬ ߞߍߕߐ߫ ߢߊ ߟߋ߫ ߡߊ߬߸ ߕߏߒߕߊ߲ ߓߊ߬ ߛߏ߬ߙߌ߬ߡߊ߲߬ߘߋ߲ ߓߊ߬߸ ߤߊ߬ߟߌ߬ ߖߌ߬ߣߍ߬ ߘߎߡߊ߲߫ ߡߍ߲ ߠߎ߬ ߦߋ߫߸ ߣߴߊ߬ߟߎ߬ ߕߍ߫ ߖߌ߬ߣߍ߬ ߞߣߐ߫߸ ߏ߬ ߟߎ߬ ߓߍ߯ ߦߋ߫ ߞߊ߬ߝߏ߬ ߘߍ߬ߡߍ߲߲߬߸ߓߊ߲ߓߊ߲ߠߌ߲ ߠߊ߫ ߛߌ߲߬ߝߏ߲߬ߘߊ߬ ߓߟߏߡߊ߬.
ߓߊ߸ ߦߙߐ ߏ߬ ߟߋ ߘߐ߫߸ ߊ߲ ߘߌ߫ ߛߋ߫ ߞߍߗߏ߯ ߢߌߡߊ ߟߎ߬ ߛߌ߲ߘߌ߫ ߟߊ߫ ߞߊ߬ߝߏ ߣߌ߲߬ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊߥߙߎߞߌ ߞߊ߲ߡߊ߬߸ ߖߐ߲߬ߛߊ߫ ߞߊ߬ ߓߟߏߞߏߟߏ߲ߧߊ ߞߟߍ߬، ߊ߬ ߘߏ߲߬ ߊߟߎ߫ ߞߵߊ߬ ߟߐ߲߫ ߞߏ߫ ߓߐ߬ߘߐ ߘߐߞߏߟߏ߲ ߕߴߌ ߟߐ߬ ߟߊ߫، ߞߏ߬ߣߌ߲߬ ߣߌ߫ ߡߐ߱ ߟߎ߫ ߡߊ߬ߞߏ ߦߋ߫ ߘߊߥߎ߲ߠߌ߲ ߠߊ߫߸ ߊ߬ߟߎ߬ ߘߋ߲ ߠߎ߬ ߦߋ߫ ߓߊ߯ߙߊ߫ ߟߊ߫߸ ߊ߬ߟߎ߬ ߘߌ߫ ߛߴߊ߬ߟߎ߬ ߘߊ߲ߘߊ߫ ߟߊ߫߸ ߊ߬ߟߎ߬ ߘߌ߫ ߛߋ߫ ߊ߬ߟߎ߬ ߡߊߕߊ߯ߡߊ߫ ߟߊ߫ ߣߐ߰ߦߊ߬ ߓߟߏߡߊ߬ ߡߍ߲ ߣߌ߫ ߜߟߍ߬ߦߊ߬ ߕߍ߫ ߞߋߟߋ߲ߘߌ߫.
ߊ߬ߟߎ߬ ߟߊ߫ ߞߙߊ߬ߖߊߥߏ ߘߌ߫ ߛߋ߫ ߛߋ߫ ߟߊ߫ ߞߣߐߟߊ ߝߊ
߲ ߓߍ߯߸ ߤߊ߬ߟߌ߬ ߞߐߞߊ߲ߠߊ ߘߐ߫، ߏ߬ ߟߋ ߞߏߛߐ߲߬߸ ߊ߲ ߞߋ߬ߟߋ߲߬ߞߋ߬ߟߋ߲߬ߣߊ ߓߍ߯ ߞߊ߫ ߞߊ߲߫ ߞߊ߬ ߡߊ߬ߝߊ ߣߌ߫ ߓߍ
߲ ߣߌ߫ ߥߙߎߞߌ ߟߊߕߊ߲߬ߞߊ߫ ߞߊ߬ߝߏ ߣߌ߲߬ ߞߣߐ߫، ߊ߲ ߘߌ߫ ߛߋ߫ ߞߍ߫ ߟߊ߫، ߏ߬ ߟߋ ߞߏߛߐ߲߬ ߞߎ߲߬ߠߊ߬ߛߌ߮ ߟߊ߫ ߓߐߒߡߊߟߌ ߦߋ߫ ߗߋߞߊ߲ ߕߐ߰ߛߙߋߟߋ߬ ߘߌ߫߸ ߞߵߊ߬ ߝߐ߫ ߞߏ߫ ߝߊ߬ߛߏ ߘߎ߱ ߝߊ߲߬ ߛߌ߫ ߕߍ߫ ߦߋ߲߫ ߡߊ߬ߞߏ߬ ߕߍ߫ ߡߍ߲ ߠߊ߫.
ߏ߬ ߞߘߐ ߟߋ߬ ߞߏ߫ ߝߊ߬ߛߏ ߘߎ߱ ߝߊ߲߬ ߛߌ߫ ߕߴߛߋ߫ ߕߏ߫ ߟߊ߫ ߦߋ߲߬ ߕߋ߲߬ ߊ߬ ߡߴߊ߬ ߕߊ߫ ߝߊ
߲ ߞߍ߫ ߡߍ߲ ߢߍ߫ ߸ ߞߊ߬ߡߊߛߐ߬ߘߐ߲߬ ߞߊ߲߬ߕߌ߮ ߣߌ߫ ߞߎ߲߬ߠߊ߬ߛߌ߮ ߥߊ߬ߣߌ߲߬ߞߋ߬ ߢߌߡߊ ߡߊ߬، ߖߐ߲߰ߛߴߊ߲ ߘߎ߰ߘߋ߲߬ߢߐ߲߮ ߠߎ߬߸ ߊ߬ߟߎ߬ ߓߊ߯ ߞߍ߫ ߦߎߞߎ߲ߞߎ߫ ߓߊ߬߸ ߥߟߴߊ߬ߟߎ߬ ߦߋ߫ ߞߍ߫ ߦߏ߯ߡߎ߲߫߸ ߤߊߡߊ߲߫ ߊ߬ߟߎ߬ ߦߋ߫ ߞߍ߫ ߗ
ߐ߬߸ ߥߟߴߊ߬ߟߎ߬ ߦߋ߫ ߞߍ߫ ߊߕߑߟߊ߲ߕߌߞ ߟߌ߲ߓߊ߲ ߝߊ
߲ ߘߏ ߝߍ߬ ߞߎߝߊ߫ ߘߊߝߍ߬߸ ߤߊ߬ߟߌ߬ ߕߌ߲ߠߞߊ ߟߎ߫ ߟߋ߬߸ ߝߏ߫ ߢߍߡߌߙߌ߲߫ ߞߋߟߋ߲ ߠߋ߬ ߦߋ߫ ߞߵߊ߲ ߠߊ߫߸ ߞߣߐ߬ߘߐ߬ߝߟߌ߬ ߞߋߟߋ߲ ߠߋ߬ ߦߋ߫ ߞߵߊ߲ ߠߊ߫، ߞߊ߬ ߞߍ߫ ߦߏ߫ ߖߌ߬ߣߍ߫ ߘߎ߰ߘߋ߲ ߡߍ߲ ߠߎ߬ ߦߋ߫ ߓߐ߫ ߟߊ߫ ߦߙߐ߫ ߞߋߟߋ߲߫ ߘߐ߫߸ ߡߍ߲ ߠߎ߬ ߦߋ߫ ߦߊ߲߬߸ ߏ߬ ߟߎ߬ ߦߴߊ߬ߟߎ߫ ߖߘߍ߬ ߦߋ߫ ߞߊ߬ߝߏ߬ ߞߣߐ߫߸ ߛߌ߲߬ߝߏ߲߬ߘߊ߬ ߞߋߟߋ߲߫ ߞߣߐ߫߸ ߡߍ߲ ߡߐ߱ ߟߎ߫ ߓߍ߲߬ߣߍ߲߫߸ ߖߐ ߘߐ߫، ߛߊ߫ ߖߌ
ߡߍ߲ ߕߘߍ߬ ߊ߲ ߓߋ߲ߓߊ ߟߎ߫ ߟߊ߫߸ ߓߐ߲ߛߐ߲ߘߊ߫ ߕߊ߬ߡߌ߲߬ߣߍ߲ ߠߎ߬ ߟߊ߫߸ ߛߴߊ߲ ߘߌ߫ ߛߴߏ߬ ߓߟߏߦߊ߫ ߟߊ߫، ߊߟߊ߫ ߟߊ߫ ߘߍ߬ߡߍ߲߬ߠߌ߲ ߞߣߐߡߊ߬߸ ߏ߬ ߘߌ߫ ߞߍ߫، ߊ߬ ߘߏ߲߬ ߊ߲ ߦߟߌ߫ ߦߴߊߟߎ߫ ߞߊ߲߬.
ߊߟߊ߬ ߕߋ߬ߟߋ ߞߊߦߌߙߊ߫.
ߒ ߞߎ߲߬ߠߊ߬ߦߋߙߋ߲ߣߍ߲ ߒ ߞߍ ߟߊ߫ ߊߟߎ߫ ߢߊߞߘߐ߫ ߦߊ߲߬ ߓߌ߬
ߊߟߎ߫ ߣߌ߫ ߗߋ߫ ߘߏ߲߯.
