ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߇/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߞߍ߫، ߛߌߕߊߕ ߔߏߥߍߙ ߍ߲ߝ߭ߍߛߕߌߛߑߡߊ߲ ߞߐߙߑߔߏߙߌߖ߭ߌߦߐ߲߫ (ߍߛ، ߔߋ، ߌ، ߛߋ) ߏ߬ ߡߍ߲ ߢߌߡߌ߬ߘߊ߬ߣߍ߲ ߕߘߍ߬ ߊ߬ ߝߘߏ߬ߓߊ߬ ߡߊ߬ߡߙߊ߬ߟߌ߬ߟߊ ߓߟߏ߫، ߞߵߊ߬ ߓߍ߲߬ ߘߡߊ߬ߝߊߟߋ߲ ߡߊ߬ ߓߏߝߊ߬ ߝߎߥߊ߲ߢߊߘߊ߲߫ ߘߐ߬ߖߏ߲߬ߘߊ ߖߊ߬ߕߋ߬ߘߐ߬ߛߌ߮ ߟߊ߫ ߢߍߕߊ߮ ߞߊ߲߬.
ߛߌߣ ߝߘߏ߬ߓߊ߬ ߥߊߟߌߘߊ ߓߘߊ߫ ߊ߬ ߞߎ߲߭ ߠߊߓߐ߫ ߜߟߐߡߌ߲ߦߊ ߘߐ߫، ߊ߬ߟߎ߬ ߓߘߊ߫ ߢߡߊߦߟߍߡߊ߲ ߘߍ߲߰ߦߊ߬ߟߌ ߖߊ߬ߕߋ߬ߘߐ߬ߛߌ߮ ߟߊߥߊ߲߬ߞߊ߲߬ ߡߍ߲ ߟߊ߬ߢߌߣߌ߲ ߦߋ߫ ߝߎߥߊ߲ߢߊߘߊ߲߫ ߞߏ ߘߌ߫، ߊ߬ ߣߌ߫ ߞߵߊ߬ ߡߐ߬ߟߐ߲߬ߢߐ߲߮ ߠߎ߬ ߟߐ߲߫ ߘߊ߬ߡߊ߲߫ ߝߘߏ߬ߓߊ߬ ߛߐߘߐ߲ߘߊ ߟߎ߬ ߘߐ߫ ߖߡߊ߬ߣߊ ߞߣߐ߫.
ߢߐ߲߯ߦߋ ߏ߬ ߛߋ߲߬ߝߍ߬، ߘߡߊߝߊߟߋ߲߫ ߞߍ߫ ߘߊ߫ ߖߊ߬ߕߋ߬ߘߐ߬ߛߌ߮ ߏ߬ ߟߊ߫ ߢߍߕߊ߮ ߞߊ߲߬߸ ߊ߬ ߣߌ߫ ߞߊ߬ ߛߋ߲߬ߕߊ߯ ߣߊ߬ߕߐ ߢߊ߫ ߦߌ߬ߘߊ߬ ߢߐ߲߮ ߠߊ߫. ߊ߬ ߣߌ߫ ߣߐ߬ߡߊ߬ߢߌ߲߬ߦߊ ߡߍ߲ ߦߴߊ߬ ߣߊ߲߬ߝߟߏ߬ߘߏ߲߬ߘߊ߬ߟߊ ߞߟߍ߬ߦߊ߬ߡߊ ߘߐ. ߏ߬ ߡߍ߲ ߝߘߏ߬ߓߊ߬ ߘߊߡߌߣߊߟߌ ߞߍ߫ ߘߊ߫ ߕߙߊߓߊ߫ ߕߋ߬ߟߋ߫ ߂߆/ ߂߀߂߅ ߟߊ߫ ߓߏߝߊ߬، ߖߊ߬ߕߋ߬ߘߐ߬ߛߌ߮ ߣߐ߬ ߝߎߥߊ߲ߢߊߘߊ߲߫ ߘߐߖߏ߲ߘߊ ߘߏ߫ ߖߊ߬ߕߋ߬ߛߌ߰ ߟߊ߫. ߡߍ߲ ߛߋߞߏߦߊ߫ ߥߊߣߍ߲߫ ߟߊ߬ߥߟߏ߬ߟߌ ߘߐ߫ ߝߏ߫ ߝߎߥߊ߲ߢߊߘߊ߲߫ ߞߕߌ߫ ߗߋ߲߬ߥߟߎ߬ ߁، ߂ ߛߊ߲߭ ߞߘߐ߫، ߞߵߏ߬ ߟߊ߫ ߜߟߐߡߌ߲ߦߊ߫ ߟߊ߬ߥߟߏ߬ߟߌ ߟߎ߬ ߞߊ߲߬، ߊ߬ ߣߌ߫ ߞߎ߲߰ߛߎ߲߬ߦߊ ߣߌ߫ ߘߐ߬ߛߏ߬ߘߏ߲߬ߜߊ߬ߟߌ. ߊ߬ ߞߎ߲߬ߕߋߟߋ߲ ߠߋ߬ ߘߍ߲߰ߦߊ߬ߟߌ ߟߊ߫ ߡߊ߬ߡߊ߬ ߘߌ߫ ߊ߬ ߣߌ߫ ߞߊ߬ ߘߊ߬ߡߊ߲߬ߘߐ ߟߎ߬ ߢߡߊߦߟߍߡߊ߲ ߊ߬ߟߎ߬ ߘߌ߲߬ߞߌߙߊ ߘߐ߫ ߏ߬ ߟߋ߬ ߞߎ߲߬ߠߊ߬ߛߌ߮ ߣߊ߬ߕߊ ߘߌ߫. ߞߎߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߥߊߟߌߘߊ߫ ߟߊ߫ ߞߟߊߓߎߘߏ߲ߠߌ߲ ߞߍ߫ ߞߵߊ߬ ߓߍ߲߬ ߟߊ߬ߤߘߌ ߕߊ߬ߣߍ߲ ߡߊ߬ ߖߊ߬ߕߋ߬ߘߐ߬ߛߌ߮ ߣߌ߲߬ ߓߐߒߢߟߊ ߘߐ߫. ߏ߬ ߦߋ߫ ߛߋ߲߬ߕߊ߰ ߢߣߊߡߊ ߟߋ߬ ߘߌ߫. ߞߵߊ߬ ߓߍ߲߬ ߖߌ߬ߣߍ ߣߊ߬ߕߊ ߟߎ߬ ߓߐߒߢߟߊ ߡߊ߬ ߘߊ߬ߡߊ߲ ߛߐ߬ߘߐ߲߬ߘߊ ߟߎ߬ ߢߡߊߦߟߍߡߊ߲ ߕߣߐ߬ ߞߏ ߘߐ߫ ߊ߲ ߠߊ߫ ߞߣߍ ߞߊ߲߬.
ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߘߌ߲߬ߞߌߙߊ ߘߐ߫ ߢߡߊߦߟߍߡߊ߲ ߦߋ߫ ߝߟߐߦߊ߫ ߝߊ߬ߛߏ߬ߟߊ߬ߞߊ ߟߎ߬ ߘߏ߫ ߟߋ߬ ߘߌ߫. ߞߵߊ߬ ߓߍ߲߬ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߟߊ߬ߛߌ߲߰ߠߌ߲ ߡߊ߬߸ߊ߬ ߣߌ߫ ߘߍ߲߰ߦߊ߬ߟߌ߫ ߡߙߌߣߊ߲ ߡߍ߲ ߦߋ߫ ߛߌߡߊ߲ߘߎ߯ ߂߀߄߀ ߢߍߥߟߊ ߞߣߐ߫. ((ߊ߲ ߧߋ߫ ߝߊ߲߬ߞߊ ߟߎ߬ ߟߞߊ߬ߝߏ߬ ߟߊ߫ ߛߊ߫ ߞߊ߬ ߓߍ߲߬ߢߐ߲߰ߡߊ ߞߍߞߏߢߌߡߊ߫ ߛߐ߬ߘߐ߲߬ ߣߊ߲߬ߝߟߏ߬ߘߏ߲߬ߘߊ߬ߟߊ ߞߟߍ߬ߦߊ߬ߡߊ ߛߌߟߊ ߝߍ߬ ߖߌ߬ߣߍ߬ ߢߍ߫)) ߏ߬ ߞߊ߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߘߍ߲߬ߞߣߍ߬ߦߊ߫ ߞߏ ߟߎ߬ ߥߢߊ ߡߊ߬.
ߖߊ߬ߕߋ߬ߘߐ߬ߛߌ߮ ߍߛ ߔߋ ߌ ߛߋ ߏ߬ ߦߋ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߘߏ߫ ߟߊ߫ ߛߏ߯ߙߏߦߊߣߍ߲ ߠߋ߬ ߘߊߡߌߣߊߣߍ߲ ߠߋ߬ ߘߌ߫߸ ߢߡߊߦߟߍߡߊ߲߫ ߡߊ߬ߘߎ߮ ߘߐ߫،ߞߊ߬ ߝߎߥߊ߲ߢߊߘߊ߲ ߦߟߍ߬ߡߊ߲߬ ߝߎߥߊ߲ ߘߌ߫.ߞߵߊ߬ ߓߍ߲߬ ߓߟߏߡߊߢߌ߲ߦߊ ߡߊ߬ ߓߊ߯ߙߊ ߟߞߊ߫ ߞߏ ߘߐ߫. ߊ߬ ߣߌ߫ ߖߎ߬ߓߐ ߟߎ߬ ߟߊ߫ ߥߙߎߞߌ، ߞߊ߬ ߛߋߞߏߦߊ߫ ߟߎ߬ ߝߊ߲߬ߞߊߘߏ߲߬ ߞߊ߬ ߝߋ߲ ߠߎ߬ ߡߐ߬ߟߐ߲ ߠߎ߬ ߡߞߊ߬ߝߏ߬ ߊ߬ߟߎ߬ ߘߌ߲߬ߞߌߙߊ ߘߐ߫. ߓߏߝߊ߬ ߘߐ߬ߖߏ߲߬ߘߊ ߦߋ߫ ߛߋ߲߬ߕߊ߰ ߞߟߏߡߊ ߟߋ߬ ߦߌ߬ߘߊ߬ ߟߊ߫، ߛߊ߫ ߞߊ߬ ߝߋ߲ ߠߎ߬ ߡߐ߬ߟߐ߲ ߖߍ߬ߘߍ ߖߍ߬ߘߍ ߛߐ߬ߘߐ߲߬. ߞߵߊ߬ ߓߊ߯ߙߊ ߣߌ߫ ߓߐߒߘߊ߫ ߛߐ߬ߘߐ߲ ߡߊ߬ ߊ߲ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߊ߬ߝߊ߲ ߝߍ߬.
